მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხელი არ გამიშვა, ჩემთან დარჩიო...." - პეტრე კოლხი 21 წლის ბიჭის გარდაცვალებაზე წერს, რომლის გადასარჩენადაც უამრავი ადამიანი გაერთიანდა
20:21 / 10-01-2021
მამა პეტრე კოლხი სოციალურ ქსელში ახალგაზრდა ბიჭის გარდაცვალების შესახებ ავრცელებს ინფორმაციას. ის მძიმე სენს ებრძოდა:
"უფალმა მიიკრა ამიკოს სული...ჩაჭიდებული ხელი კი სამუდამოა...ილოცეთ ამირანის საცხოვნებლად!..
იშვიათად შემხვედრია ამირანისნაირი ადამიანი.თავაზიანი, კეთილი, კარგად აღზრდილი და ძალიან მოსიყვარულე იყო.ხელს არ მიშვებდა, დარჩი, კიდევ მესაუბრეო. თავთან წიგნები ეწყო.იბრძოლე, რომ უფლისთვის სათნოდ წარიმართოს შენი ცხოვრება, მეთქი...კიო, შემპირდა.ღმერთზე ვისაუბრეთ, სიყვარულზე, მეგობრობაზე...კიდევ ერთი მთავარი ინტერესი გაყვა იმქვეყნად...ბერობა სურდა...
ისეთი შეგრძნება მაქვს, როგორც კი ეს სიტყვები წარმოსთქვა, თითქოს ჩემს წინ მხცოვანი, სულიერად გამოცდილი ბერი იწვა სიკვდილის სარეცელზე და მის უკანასკნელ დარიგებას ვისრუტავდი...ვგრძნობდი, რომ მისი სული ღმერთს ზეიმობდა. სხეული იტანჯებოდა, მაგრამ ეს ტანჯვა ამირანს მარადიულ სიხარულად ექცევა..დღეს მას პირველი პანაშვიდი გადავუხადე...
ძნელია, მაგრამ ეს არის ჩვენი ყველაზე რეალური ცხოვრება... თითქოს ვართ, მაგრამ აღარც ვართ...არაფერი დავგეგმოთ, ყველაფერზე მეტად უკანასკნელ შეხვედრაზე ვიფიქროთ...ამირანის ნახევრად გაყინული ხელისგული სამუდამოდ დამამახსოვრდა!.." - წერს მამა პეტრე.
რამდენიმე დღის წინ, კონკრეტულად კი 6 იანვარს გამოქვეყნებულ პოსტში მამა პეტრე ამირანის შესახებ წერდა:
"ამირანი მოვინახულე, ჩემთვის უცნობი ამირანი... ხელი არ გამიშვა, ჩემთან დარჩიო...კეთილი, სათნო, საოცარი ამირანი...შემპირდა, ფეხზე რომ დავდგები, ბერად აღვიკვეცებიო...ჩემი ამირანი ჩემთვის ყველაზე ახლობელი გახდა.."
21 წლის ამირანი მეოთხე სტადიის სიმსივნეს ებრძოდა. ახალგაზრდის გადასარჩენად, სოციალური ქსელების საშუალებით უამრავი ადამიანი გაერთიანდა. თუმცა სამწუხაროდ, მისი გადარჩენა ვერ მოხერხდა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მსუბუქი იყოს მშობლიური მიწა შენთვის, ამიკო. შენ საოცრად კარგი ახალგაზრდა იყავი. საშინლად მეტკინა გული.