29
მარტიდღის ზოგადი ასტროლოგიური პროგნოზი
პანდემიის გამო დაწესებული შეზღუდვები კულტურის სფეროს წარმომადგენლებისთვის კრიზისული აღმოჩნდა. ხელოვანთა ნაწილმა შემოსავლის წყარო დაკარგა და მნიშვნელოვნად დაზარალდა.
კულტურის სფეროს წარმომადგენლებს შემოსავლის წყარო ვირუსის პირველი ტალღის დროს დაწესებული შეზღუდვებიდანვე შეუმცირდათ. თეატრები, საკონცერტო დარბაზები თუ სხვა ობიექტები, სადაც კულტურული ღონისძიებები იმართება, ამ დრომდე არ გახსნილა, რის გამოც ისინი კიდევ უფრო კრიზისულ მდგომარეობაში აღმოჩნდნენ.
აღნიშნული რეალობიდან გამომდინარე, „არტარეას“ ინიციატივით შეიქმნა ფართომასშტაბიანი კამპანია - "საზოგადოება ხელოვანებისთვის’’, რომელიც კულტურის სფეროს დასახმარებლად სხვადასხვა აქტივობას ახორციელებს.
რეგულაციების გამო, წიგნის გამოფენები თუ პრეზენტაციები დისტანციურად იმართებოდა, რაც გაყიდვების რაოდენობაზე ნეგატიურად აისახა. ამის გამო, რამდენიმე გამომცემლობამ და წიგნის მაღაზიათა ქსელმა გამოთქვა სურვილი, ავტორებისთვის სტიპენდიები დაეწესებინათ, შორის არიან: წიგნების მაღაზიათა ქსელი "ბიბლუსი’’, გამომცემლობა "ინტელექტი’’, გამომცემლობა "პალიტრა L’’, გამომცემლობა "ბაკურ სულაკაური’’, გამომცელობა "არტანუჯი’’ და სხვა.
„პანდემიამ მნიშვნელოვნად დააზარალა კულტურის სფეროს წარმომადგენლები. მათი ნაწილი ფაქტობრივად, შემოსავლის გარეშე დარჩა, ამიტომ ჩვენ გადავწყვიტეთ, ჩვენი შესაძლებლობების ფარგლებში მათთვის მხარდაჭერა გაგვეწია. კამპანიაში მონაწილეობა და ხელოვანთა დახმარება ყველა დაინტერესებულ პირს შეუძლია“, - განმარტავენ ორგანიზატორები.
კამპანიის ფარგლებში შეიქმნა იმ ხელოვანების პირველადი ბაზა, რომლებმაც პანდემიის გამო შემოსავლის წყარო დაკარგეს. ასევე, დაფუძნდა პანდემიით დაზარალებული ხელოვანების ფონდი, რომელშიც მოპოვებული თანხები სრულად გადანაწილდება მათზე, ვინც დახმარებას საჭიროებს.
27 დეკემბერს „ლენო რექორდსში“ გაიმართა საქველმოქმედო კონცერტი, რომელიც „ფორმულას“ და „არტარეას“ პირდაპირ ეთერში გადაიცემოდა და მოხდა თანხების მობილიზება. მარათონის დროს კამპანიაში ჩაერთნენ, როგორც ცალკეული ადამიანები, ისე კერძო კომპანიები.
როგორც მწერლების, ისე ხელოვნების სხვა მიმართულების წარმომადგენლების სოლიდარობისა და მხარდაჭერის მიზნით, კამპანია გაგრძელდება. მასში მონაწილეობა ნებისმიერ კომპანიას შეუძლია.
პანდემიის დროს წიგნებზე მოთხოვნა უნდა გაზრდილიყო და ავტორები რატომ დაზარალდნენ?