6
მაისიდღის ზოგადი ასტროლოგიური პროგნოზი
21 დეკემბერს ადამიანები წლის ერთ-ერთ ყველაზე საკრალურ დღედ მიიჩნევენ. ეს არის ზამთრის ბუნიობა, ანუ დღე როცა წლის ყველაზე მოკლე დღე და ყველაზე გრძელი ღამეა. ყოველივეს კი წელს ერთვის უიშვიათესი ასტრონომიული მოვლენა - ცის კაბადონზე სატურნისა და იუპიტერის "შეერთებას" ვიხილავთ და როგორც მეცნიერები ამბობენ, ისინი იმგვარად გადაკვეთენ ერთმანეთს, რომ ვიზუალურად ერთ დიდ და კაშკაშა ვარსკვლავს დავინახავთ.
ასტრონომთა ვარაუდით, ეს მოვლენა შეუიარაღებელი თვალითაც უნდა დავინახოთ, ვინაიდან პლანეტების გადაკვეთისას მათი ზომა სავსე მთვარის ზომის იქნება.
აღნიშნულ მოვლენასთან დაკავშირებით სოციალურ ქსელში არაერთი სპეკულაცია დაიწყო. ზოგიერთი წერს, რომ ეს "ბეთლემის ვარსკვლავის" დაბრუნებაა, ანუ მოვლენა, რომელიც ცაზე ბეთლემში იესოს დაბადებისას იყო, თუმცა თეოლოგები და ასტრონომები ერთხმად თანხმდებიან, რომ ეს მხოლოდ სპეკულაციაა და აღნიშნულზე დაზუსტებით ვერავინ ისაუბრებს.
რელიგიის საკითხების პროფესორი ერიკ ვანდენ ეიკელიც ინფორმაციას "ბეთლემის ვარსკვლავის" დაბრუნებაზე სპეკულაციას უწოდებს და დასძენს, რომ ამგვარი მოსაზრებები ახლა არ გაჩენილა და თეორია იმის შესახებ, რომ იუპიტერისა და სატურნის შეერთების დროს ჩნდება "საოცრების ვარსკვლავი“, ჯერ კიდევ მე-17 საუკუნეში გაჩნდა და ის დაკავშირებულია გერმანელი ასტრონომისა და მათემატიკოსის, იოჰანეს კეპლერის სახელთან.
არსანიშნავია, რომ იუპიტერი და სატურნი ერთმანეთს ყოველ 20 წელიწადში ერთხელ უახლოვდებიან, თუმცა ისე ახლოს, როგორც ამაღამ მიუახლოვდებიან ერთმანეთს პლანეტები, 1623 წლის შემდეგ არ ყოფილან.
ჩვენ კი ისღა დაგვრჩენია, რომ დავტკბეთ სანახაობით, რომელსაც მზის სისტემის პლანეტები ამაღამ "შერწყმის" შედეგად გვიმზადებენ.
ძალიან არ მინდა რომ ეს ანტიქრისტეს მოსვლის ნიშანი იყოს
რომელ საათზე დავაკვირდეთ?