მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რამდენიმე დღე კლინიკაში იწვა...გული აწუხებდა" - რა გახდა გოგი ქავთარაძის გარდაცვალების მიზეზი
17:51 / 20-12-2020
საქართველოს სახალხო არტისტი, გოგი ქავთარაძე გარდაიცვალა. როგორც მისი ყოფილი სტუდენტი და ტელეწამყვანი, გიორგი გასვიანი გვიყვება, მისი ინფორმაციით, ქავთარაძე რამდენიმე დღის განმავლობაში კლინიკაში იწვა.
"მე როგორც ვიცი, კორონასგან არ გარდაცვლილა. რამდენიმე დღე კლინიკაში იწვა, თბილისში არ ვიყავი და ვერ ვინახულე. კურსელებმა დამირეკეს. გული აწუხებდა და ბოლოს მუცელი ასტკიებია. რა მოხდა ზუსტად არ ვიცი. ბოლოს რომ ვესაუბრე, მინდოდა ჩემს გადაცემაში მომეწვია, მივხვდი, რომ უკვე სუსტად იყო. მისმა მეუღლემ მითხრა, არ შეიძლება მისი ნერვიულობა ამ პერიოდშიო.
პანდემიის დროს 80 წელი შეუსრულდა, გული მწყდება რომ ჯგუფელები ვერ ავედით მასთან სახლში, გვეშინოდა ვირუსი არ მიგვეტანა. წელს ვერ მოვახერხეთ ჯგუფელებმა მისი ნახვა.
წელს მისი ვარსკვლავის გახსნა იყო დაგეგმილი, სამწუხაროა, რომ ვერ მოესწრო. დავურეკე, ვუთხარი, ბატონო გოგი, არა უშავს, მალე გადაივლის და ვარსკვლავს გავხსნით-თქო, ვაგულიანებდი.
ბატონი გოგი იყო კინოსა და თეატრის ვარსკვლავი, რეჟისორი, რეგიონალური თეატრების ხელმძღვანელი. თეატრალურ უნივერსიტეტში სამი ჯგუფი გამოუშვა, დაგვფოფინებდა, გადაყოლილი იყო ჩვენზე, სხვადასხვა თეატრებში გვათამაშებდა როლებს. მზრუნველი და სამართლიანი ადამიანი იყო. სოხუმის თეატრში მისი მმართველობის ათწლიან პერიოდს ოქროს ხანას ეძახიან. დიდი დიპლომატიური მისია ჰქონდა სოხუმში და ბევრი რამ განახორციელა აფხაზებსა და ქართველებს შორის. ბევრი აფხაზი მეგობარი მისტირის ახლა. მან გვასწავლა ადამიანობა, ინტელექტუალური და უდიდესი ადამიანი იყო, როგორ მწყდება გული რომ ვარსკვლავის გახსნას ვერ მოესწრო", - ამბობს გიორგი გასვიანი.
გოგი ქავთარაძე 80 წლის იყო. ის გადაღებულია 25 ფილმში და არის ერთი ფილმის რეჟისორი. იყო საქართველოს კინემატოგრაფისტთა შემოქმედებითი კავშირის წევრი. მიღებული აქვს საქართველოს სახელმწიფო პრემიის ლაურეატის წოდება. ქავთარაზე ასევე იყო კოტე მარჯანიშვილის პრემიის ლაურეატი და ღირსების ორდენის კავალერი.
გარდა ამისა, გოგი ქავთარაძე 1990-1991 წლებში საქართველოს რესპუბლიკის პირველი მოწვევის უზენაესი საბჭოს წევრი, ხოლო 2012-2016 წლებში საქართველოს მე-8 მოწვევის პარლამენტის წევრი გახლდათ.
გოგი ქავთარაძე მონაწილეობდა ისეთ ფილმებში როგორებიცაა "მაცი ხვიტია", "განგაში", "ჩარი რამა", "ბებერი მეზურნეები", "ვერის უბნის მელოდიები", "ბაკულას ღორები" და ა.შ. რაც შეეხება მის სარეჟისორო ნამუშევარს, 1992 წელს დავით კვირცხალიასთან და მიხეილ ანთაძესთან ერთად მან გადაიღო ფილმი "ოქროს ობობა."
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა კარგია... ყველა გაპოლიტიკოსებულ მსახიობს იგივეს ვუსურვებ, გარდაცვალებას <3
....მაგარი ქართველი და კარგი ადამიანი....ღმერთო გაანათლე მისი სული!