მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გაუსაძლის მდგომარეობაში არიან... ვერ ყიდულობენ საკვებსა და ჰიგიენის საშუალებებს" - რუსთავის პენიტენციური დაწესებულების მსჯავრდებულები დახმარებას ითხოვენ
13:41 / 05-12-2020
რუსთავის N17 პენიტენციური დაწესებულების მსჯავრდებულები დახმარებას ითხოვენ. ერთ-ერთი პატიმრის ადვოკატი, გიორგი გაბედავა Ambebi.ge-ს ეუბნება, რომ დაწესებულებას ორი დღეა წყალი და ელექტროენერგია არ მიეწოდება. მისი თქმით, 5 დღეა დახურულია ე.წ. ციხის მაღაზია, რის გამოც პატიმრები ელემენტარული საჭიროებების დაკმაყოფილებას ვერ ახერხებენ.
"მირეკავენ პატიმრები და მიყვებიან, რომ გაუსაძლის მდგომარეობაში არიან. 5 დღის წინ კორონავორუსი დადასტურებია ციხის მარკეტის თანამშრომელს, რის გამოც მაღაზია დახურეს. პატიმრები ვერ ახერხებენ სიგარეტის და საკვების ყიდვას. მოგეხსენებათ, რომ ყველა პატიმარი ციხის საკვებით ვერ იკვებება. გარდა ამისა, ვერ ყიდულობენ ელემენტარულად ჰიგიენის საშუალებებს: საპონს, ხელსახოცებს, ტუალეტის ქაღალდებს და ა.შ. ამას ისიც დაემატა, რომ მესამე დღეა არ აქვთ შუქი და წყალი. იქნებ ვინმემ მიაქციოს ყურადღება ამ ადამიანებს" - ამბობს უფლებადამცველი.
პენიტენციურ სამსახურში აცხადებენ, რომ გავრცელებული ინფორმაცია, თითქოს, "ციხის მაღაზია" ხუთი დღეა არ ფუნქციონირებს, სიმართლეს არ შეესაბამება. უწყების პოზიციით, სიცრუეა ისიც, თითქოს, შენობას ელექტროენერგია არ მიეწოდება. თუმცა უწყებაში ადასტურებენ, რომ N17 საპყრობილეში გარკვეულ შეფერხებები არსებობს და აცხადებენ, რომ პრობლემა 7 დეკემბრიდან მოგვარდება.
"ინფორმაცია, რომ N17 პენიტენციური დაწესებულებაში ხუთი დღეა არ ფუნქიონირებს ე.წ. ციხის მაღაზია, ასევე დაწესებულებას არ მიწოდება ელექტროენერგია და წყალი, სიმართლეს არ შეესაბამება და N17 პენიტენციური დაწესებულებაში არსებულმა მაღაზიამ მუშაობა არა 5 დღის წინ, არამედ 3 დეკემბერს შეაჩერა. მიზეზი კი მაღაზიის თანამშრომლის მხრიდან ჯანდაცვის სამინისტრის მიერ covid-19-ის გავრცელების პრევენციის მიზნით დადგენილი სანიტარულ-ჰიგიენური წესებს დარღვევა გახდა.
კერძოდ, მოცემული პირი სამუშაოს ინდივიდუალური დამცავი საშუალებების გარეშე ასრულებდა, რის გამოც დაწესებულების ადმინისტრაციის მხრიდან შენიშვნა მიეცა, თუმცა იგი მოთხოვნას არ დაემორჩულა. ამიტომ, დაწესებულებაში განთავსებული მსჯავრდებულების უსაფრთხოების მიზნებიდან გამომდინარე (ვირუსის შესაძლო გავრცელების პრევენციის მიზნით) პენიტენციური სამსახურის ხელმძღვანელობამ მიიღო გადაწყვეტილება, მოცემული პირი სამუშაო პროცესისთვის ჩამოეცილებინა. სწორედ ამ მიზეზიდან გამომდინარე დაწესებულებაში არსებულმა მაღაზიამ ფუნქციონირება 3 დეკემბერს შეაჩერა, თუმცა ხარვეზი ორშაბათიდან - 7 დეკემბრიდან აღმოიფხვრება და დაწესებულებაში მყოფი მსჯავრდებულები ჩვეულ რეჟიმში შეძლებენ მაღაზიით სარგებლობას. " -აცხადებენ პენიტენციურ სამასახურში.
რაც შეეხება ელექტროენერგიის და წყლის მიწოდებასთან დაკავშირებულ შეფერხებას, უწყებაში განმარტავენ, რომ დაწესებულებას ელექტროენერგია უწყვეტ რეჟიმში მიეწოდება და ამ მხრივ არანაირი შეფერხება არ ყოფილა.
წყლის მიწოდება კი პენიტენციურ დაწესებულებას ქალაქ რუსთავის წყალმომარაგების ქსელზე არსებული დაზიანების მიზეზით 5 დეკემბერს ღამის საათებში შეუწყდა. პენიტენციურ სამსახურში აცხადებენ, რომ " პრობლემის აღმოსაფხვრელად მუშაობა მიმდინარეობს და დაწესებულებას წლის მიწოდება უახლოეს საათებში აღუდგება."
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბა რა ეგონათ გამაჯანსაღებელ კურორტზე ხომ არ მიდიოდნენ დანაშაულს როდესაც ჩადიოდნენ
xistava martla zeinkaliiiiiii