მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხალხს და საქართველოს რაც სჭირდება, ის გვერდზე რჩება - მიდის პოლიტიკური ბრძოლა" - მეუფე იაკობი
15:20 / 04-12-2020
ბოდბელი ეპისკოპოსის, მეუფე იაკობის შეფასებით, მიხეილ სააკაშვილის ხელისუფლებაში ყოფნის პერიოდში იყო წარმატებები, თუმცა "ბევრი დანაშაული ჩაიდინეს, ქართველი ადამიანის ღირსებას შეეხნენ და წასასვლელები გახდნენ“.
მეუფე იაკობმა ქადაგებისას საქართველოში არსებული პოლიტიკური ვითარება შეაფასა და აღნიშნა, რომ სააკაშვილის ხელისუფლებას წასვლის გარდა, სხვა შანსი არ ჰქონდა.
"არც პოლიტიკური დაძაბულობა არ არის ისეთი რთული. დღეს საქართველოსთვის ყველაზე რთული ისევ და ისევ არის ის, თუ როგორი იქნება ჩვენი სახელმწიფო. ჩვენ ვინც არ უნდა დაგვიპყროს, ქვეყანაც გაგვაჩნია და სამშობლოც, მაგრამ სახელწმიფოებრიობას ვკარგავთ ხოლმე. დღეს, როცა ასეთი გეოპოლიტიკური სიტუაციაა, შევხედოთ ჩვენს ირგვლივ, სულ ცოტა ხის წინ სამეზობლოში ჩვენს მეზობელ ერებს ერთმანეთში რა მძიმე რამ მოუხდათ. რეგიონში სიტუაცია შეიცვალა.
30 წელია უკვე, რაც თავისუფლება მოვიპოვეთ, პირველი ხელისუფლების დროს ძალიან ბევრი რამ მოხდა, გავხდით დამოუკიდებლები. შემდეგ იცით, რომ ის ხელისუფლება მოწინააღმდეგებმა ჩამოაგდეს. შემდეგ იყო მეორე ხელისუფლება, გამსახურდიას ხელისუფლება შეცვალა ჯერ სამხედრო საბჭომ და მერე უკვე შევარდნაძემ. პირველ შემთხვევაში, თუ კარგი დამოუკიდებლობა გვქონდა, სამოქალაქო ომიც ძალიან ცუდი იყო და ამის შედეგებს დღესაც ვიმკით, სამწუხაროდ, იმიტომ, რომ ვისაც ბოდიში ჰქონდა მოსახდელი, არ მოიხადა და ადამიანები სულში ჩაფურთხებულად გრძნობენ თავს. იმ დროს ნათელი წერტილებიც იყო ჩვენი ქვეყნის ტერიტორია რომ დაგვეცვა, მაგრამ მაშინ რუსეთმა შეგვიტია.
კარგად ვიცით, ჩვენ არც აფხაზებთან გვქონდა რაიმე გასაყოფი, არც ოსებთან, მაგრამ იმპერიას, მით უმეტეს რუსეთის, ასეთი რამ ახასიათებს. ომიც დაგვიწყო და უნდოდათ მოენათლათ, ვითომ ჩვენ და ოსები, ან ჩვენ და აფხაზები ვებრძოდით ერთმანეთს. სინამდვილეში, რუსეთ-საქართველოს ომი იყო. სამწუხაროდ, ეს დღესაც გრძელდება. რა თქმა უნდა, ჩვენ ნებისმიერ მეზობელთან კარგი ურთიერთობა გვინდა, მაგრამ სამწუხაროდ, მარტო ჩვენი სურვილი საკმარისი არ არის“, - განაცხადა მეუფემ.
მან ასევე აღნიშნა, რომ მოქმედი ხელისუფლების დროს კარგი რაც გაკეთდა, საქართველოსთვის ვიზალიბერალიზაციის მინიჭებაა.
"ჩვენთან მარტო ადრე ჩატარდა წესიერი არჩევნები, დანარჩენი ყველა მეტ-ნაკლებად ერთნაირად ტარდება. იმ არჩევნების შემოქმედები დღესაც სხვა პარტიებში არიან და თუ ვინმეს რამე შეუძლია, არავინ აკლებს ძალისხმევას. გაუშვეს ის მთავრობაც, მოვიდა შემდეგი - სააკაშვილის ხელისუფლება, იქაც იყო წარმატებები ის, რომ იმ პერიოდში სახელმწიფოებრიობა ყალიბდებოდა, მშენებლობებიც ბევრი ჰქონდათ. ბევრი დანაშაული ჩაიდინეს, ქართველი ადამიანის ღირსებას შეეხნენ და წასასვლელები გახდნენ. კარგად ვიცი, როგორც იყო. სხვა შანსი არ ჰქონდათ, უნდა წასულიყვნენ. არ წავიდოდნენ და მაინც გაუშვებდნენ. მათზე დამოკიდებული არ იყო იმიტომ, რომ არ შეიძლება შენს ქვეყანაში ასეთი რაღაცები აკეთო, გარეთ, სამეზობლოში თუ ვისთანაც ურთიერთობა გინდა, არავის უსმენდე.
ეს მე უხოეთიდანაც ვიცი, ვინც მაშინ საქართველოსთან პოლიტიკას ქმნიდა და კიდევ ბევრ რამეს არ ვიტყვი, ძალიან ბევრი რამ ვიცი. შემდეგ მოვიდა ახალი ხელისუფლება და როგორც ყველა ახალ ხელისუფლებასთან დაკავშირებით, ახალი იმედები გაჩნდა. კარგი რაც მოხდა, იყო ევროკავშირთან უვიზო მიმოსვლა. სამწუხაროდ, ეს უნდა ვთქვა, ენას უჩლიქავენ ყველანი და ვერ ამბობენ. მეორე ვადაში ყველას ჰგონია, რომ მარტო მათზეა დამოკიდებული, გეგონება ნოტარიუსით ჰქონდეს დამტკიცებული თავიანთი წინაპირებისგან. ხალხს და საქართველოს რაც სჭირდება, ის გვერდზე რჩება ხოლმე და მიდის პოლიტიკური ბრძოლა“, - აღნიშნა მეუფე იაკობმა.
მეუფემ ქვეყანაში არებულ ეპიდვითარებაზეც ისაუბრა და აღნიშნა, რომ მან ხელისუფლება გააფრთხილა, რომ კორონავირუსით ინფიცირებულთა რიცხვის ზრდა მოსალოდნელი იყო, მაგრამ მათ შეზღუდვები დროულად არ დააწესეს.
„ახლაც ვხედავთ, ჩატარდა არჩევნები და რის ფასად? იმ ფასად, რომ არ შეზღუდეს, როცა დროზე იყო შესაზღუდი, დადიოდა აგიტაციებზე ყველა პარტია. არავინ აკლებდა, ვისაც გადაადგილება შეეძლო, აბსოლუტურად ყველა დადიოდა. ვისაც დიდი ფული ჰქონდა, ისინი უფრო მეტს მოძრაობდნენ და ვირუსი სხვადასხვა კუთხეებში გადი-გამოდიოდა. მერე იყო არჩევნები, 2 მილიონი კაცი მივედით არჩევნებზე, კარგად ვიცით, რომ ძალიან ბევრი იქაც დაავადდა, თვითონ კომისიის წევრები და მათ სახლებშიც მიიტანეს. ძალიან ბევრი ადამიანი გარდაიცვალა. მე ხელისუფლება გავაფრთხილე, 1500 და 1600-ს შორის იყო დაავადებულების რიცხვი, გავაფრთხილე, 5 000, 10 ათასიც იქნება, კარგად გადახედეთ- მეთქი. ექიმების ბრალი საერთოდ არ არის, ხელისუფლებამ და ოპოზიციამ გადაწყვიტეს ჩაეტარებინათ არჩევნები და მივიღეთ ასეთი დიდი სიკვდილიანობა. მერე რა ხდება, ნაწილი პარლამენტში შედის, ნაწილი ამბობს, არ შევდივარო. სულ არ მაინტერესებს, ვინ შედის და ვინ არა, მაინტერესებს ერთი რამ, მოვედით, აგირჩიეთ და რისთვის? ერთმანეთში რომ გააგრძელოთ უაზრო ბრძოლა? ასეთ დღეში ვართ“, -აღნიშნა მეუფე იაკობმა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როცა ეს წვერებიანი თხები არ ჩაერევიან პოლიტიკაში, მაშინ გაბრწყინდება საქართველო
რა გინდა შენ ტაძარში???ცოდვის ტაძარი ხარ...ყველასთან შეკრული,ოღონდ არა კეთილ ხალხთან...ცინიზმი მოისორე მაინც..