"რას შვება დაძაბულ ბრძოლაში? გავგიჟდები რომ ვერ გაიმარჯვოს" - როგორ ეხმიანებიან მეორე ტურს ოპოზიციის წარმომადგენლები, რომლებმაც არჩევნებს ბოიკოტი გამოუცხადეს

საქართველოში საპარლამენტო არჩევნების მეორე ტური მიმდინარეობს, თუმცა მას ოპოზიცია ბოიკოტს უცხადებს. მიმდინარე არჩვენებს ოპოზიციური პარტიების წარმომადგენლები სოციალურ ქსელში ეხმიანებიან. ვნახოთ, რას წერს ზოგიერთი მათგანი "ფეისბუქში":

ალეკო ელისაშვილი: ვნერვიულობ სერგეენკოზე. რას შვება იმ დაძაბულ ბრძოლაში? გავგიჟდები რომ ვერ გაიმარჯვოს... აბა თქვენ იცით ბატონო დავით, საბურთალო თქვენთანაა....დარწმუნებული ვარ, სწორედ თქვენ იქნებით კომპარტიის 27-ე ყრილობის დელეგატი საბურთალოდან.

ზურაბ გირჩი ჯაფარიძე: ქართული ოცნება / Georgian Dream - უბანია 4,000 ... ხალხი არ არის

ელენე ხოშტარია: თავის თავზე გამარჯვების დღე დაუდგა ოცნებას. რომ არ მოიწყინოთ ეგებ ერთმანეთს შეეჯიბროთ. ისტორიაში კი შეხვალთ ისე.

ნაციონალური მოძრაობის ერთ-ერთი ლიდერი, ნიკა მელია კი "ფეისბუქზე" ვიდეოს აზიარებს, სადაც გლდანის მაჟორიტარობის კანდიდატი "ქართული ოცნებიდან", ლევან კობიაშვილი საუბრობს, კობიაშვილის თქმით, დარწმუნებულია, რომ მეორე ტურში გაიმარჯვებს. მელიამ, კი, რომელიც მეორე ტურში კობიაშვილის მთავარი ოპონენტი უნდა ყოფილიყო და რომელმაც არჩევნებს ბოიკოტი გამოუცხადა, "ფეისბუქზე" კობიაშვილი მონიშნა - "წარმატებები" - წერს ნიკა მელია.