მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
COVID-19 და ორსულები - ვინ იმყოფება განსაკუთრებული რისკის ქვეშ და რა გავლენას ახდენს ვირუსი ბავშვის მომავალ ჯანმრთელობაზე?
08:58 / 21-11-2020
"ორსულები ადვილად დაინფიცირების გაზრდილი რისკის ქვეშ არ იმყოფებიან, თუმცა 35 წლის ზემოთ, ჭარბი წონით და უკვე არსებული ქრონიკული სამედიცინო მგომარეობებით (ჰიპერტენზია, დიაბეტი, ფილტვის ქრონიკული დაავადებები) - COVID-19-ის მძიმე დაავადების განვითარების რისკის ჯგუფს ქმნიან" - განმარტავს ალერგიისა და იმუნოლოგიის ცენტრის ალერგოლოგ-იმუნოლოგი მადონა დევიძე.
- ყველაზე გავრცელებული COVID-19-ის სიმპტომები ორსულ ქალებში ერთ-ერთი ანალიზის მიხედვით (11 000 ინფიცირებული ორსული) იყო: მაღალი ტემპერატურა (40%) და ხველა (39%). ნაკლებად ხშირი სიმპტომები იყო: დისპნოე, მიალგია, გემოს დაკარგვა და დიარეა (10% -ზე მეტ ორსულში).
ორსულები, თუკი მათ უვითარდებათ COVID-19 -ის მძიმე დაავადება, უმეტესად ინტენსიური თერაპიის განყოფილებაში ხვდებიან. ასევე ხშირად ფილტვების ინვაზიური ვენტილაცია სჭირდებათ... არაორსულებთან შედარებით ორსულებში კოვიდ-19-ის სიმპტომებით უფრო მაღალია სიკვდილობის მაჩვენებელიც. სხვადასხვა კვლევის მიხედვით, ორსულობის მეორე ნახევარში, განსაკუთრებით კი მესამე ტრიმესტრში, უფრო ხშირად ვითარდება COVID-19-ის მძიმე დაავადება.
- რომელი ორსულები იმყოფებიან განსაკუთრებული რისკის ქვეშ?
- განსაკუთრებული რისკის ქვეშ იმყოფებიან ორსულები:
1. ჭარბი წონით, ან სიმსუქნით;
2. ორსულობამდე არსებული თანმხლები დაავადებებით (ფილტვის ქრონიკული დაავადებები, დიაბეტი, ქრონიკული ჰიპერტენზია);
3. ასაკით 35 წელი და ზემოთ;
4. სოციალურ-ეკონომიკურად დაბალი ფენის წარმომადგენლები;
5. სამედიცინო მუშაკები და სხვა საჯარო საქმიანობის სფეროებში მოღვაწე ორსულები. აღსანიშნავია რასობრივი თავისებურებებიც. შეინიშნება, რომ ფერადკანიანები ან ესპანური რასის წარმომადგენელი ორსულები, უფრო ავადობენ მძიმე COVID-19 -ით კავკასიურ რასასთან შედარებით.
- გადაეცემა თუ არა კორონავირუსი მუცლადყოფნის დროს დედიდან ნაყოფზე და რა გართულებებს შეიძლება ველოდეთ?
- ამ ეტაპზე არსებული ინფორმაციით, ინფექციის ვერტიკალური გადაცემა არ ხდება, თუმცა ჯერ მაინც კარგად ცნობილი არ არის, თუ რა გავლენა შეიძლება მოახდინოს კორონავირუსით ინფიცირებამ ორსულობის დროს ნაყოფზე და მომავალში ბავშვის ჯანმრთელობაზე. სხვადასხვა კვლევის თანახმად, COVID-19-ით დაავადებულ ორსულ ქალებს უფრო ხშირად დაუფიქსირდათ ნაადრევი მშობიარობა, უფრო ხშირად დასჭირდათ საკეისრო კვეთა, ხოლო ახალშობილები უმეტესად მოხვდნენ ნეონატოლოგიურ განყოფილებაში.
- ორსულებს ნიღბის ტარება უჭირთ. რა რეკომენაციაა ასეთ დროს?
- ორსულებში ხშირია სუნთქვის გაძნელების ეპიზოდები ფიზიოლოგიურადაც. ეს დაკავშირებულია ნაყოფის ზრდასთან ერთად ანატომიურ ზეწოლასთან ფილტვებზე. ასეთ პაციენტებში მნიშვნელოვანი საკითხია პანდემიის დროს ნიღბის ტარების აუცილებლობა. მსოფლიო ჯანდაცვის ორგანიზაციის თანახმად, სამედიცინო ნიღბის სწორი გამოყენების შემთხვევაში, იგი არ ამცირებს ჟანგბადის დონეს ან არ იწვევს ადამიანის მიერ ნახშირორჟანგის დიდი დოზით ჩასუნთქვას. ნიღბის ტარება შეიძლება იწვევდეს მხოლოდ მცირე დისკომფორტს, აქედან გამომდინარე, რეკომენდებულია, თქვენივე უსაფრთხოების მიზნით თავი არ აარიდოთ ნიღბის ტარებას, განსაკუთრებით დახურულ სივრცეებსა და საზოგადოებრივი თავშეყრის ადგილებში. როგორც ვიცით ნიღბის ტარება 100%-ით ვერ გვიცავს დაინფიცირებისაგან, თუმცა ასეთის დროს, ორგანიზმში ხვდება ვირუსის გაცილებით ნაკლები რაოდენობა და რაც დაავადების შედარებით მსუბუქი მიმდინარეობით ვლინდება.
- დასაშვებია თუ არა ძუძუთი კვება ინფიცირებული დედის მიერ არაინფიცირებული ჩვილის შემთხვევაში?
- ძუძუთი კვება და ბავშვის მოვლა, ჰიგიენის წესების დაცვით, შესაძლებელია კოვიდინფიცირებული დედის შემთხვევაშიც. საჭიროა კვების წინ ხელების დაბანა, მკერდის ჰიგიენა და ნიღბის გაკეთება ყოველთვის ბავშვთან მიახლოვებისას.
- როგორ უნდა დაიცვან თავი ორსულებმა პანდემიის დროს და რა გაითვალისწინონ?
- ორსულებზე, სხეულისა და იმუნური სისტემის ცვლილებების გამო, ჩვენ ვიცით, რომ ზოგადად მძიმედ მოქმედებს რესპირაციული ინფექციები. ამიტომ, მნიშვნელოვანია ორსულებმა კორონავირუსისაგან თავის დასაცავად, განსაკუთრებულად დაიცვან მსოფლიო ჯანდაცვის ორგანიზაციის მიერ მოწოდებული ყველა რეკომენდაცია და ამ დაავადების შესაძლო სიმპტომების გამოვლენის შემთხვევაში (მათ შორის ცხელება, ხველა ან სუნთქვის გაძნელება), ექიმს დროულად დაუკავშირდნენ.
- როგორ უნდა დაიცვან თავი ორსულებმა ინფიცირების თავიდან ასარიდებლად?
- ზედმიწევნით უნდა მიყვნენ მსოფლიო ჯანდაცვის ორგანიზაციის მიერ მოწოდებული საპროფილაქტიკო მითითებებს: ატარონ ნიღაბი, დაიბანონ ხშირად ხელები და დაიცვან 2 მეტრის დისტანცია.
* გარეთ ყოფნისას ხშირად უნდა გამოიყენონ 60% და მეტი ალკოჰოლის შემცველი ხელის სანიტაიზერები.
* უნდა მოერიდონ საზოგადოებრივი თავშეყრის ადგილებს; *
მაქსიმალურად შეამცირონ კონტაქტები, ასევე ახლო კონტაქტებს სთხოვონ ანალოგიურად შეძლებისდაგვარად შეამცირონ კონტაქტები;
* მეგობრებთან და ახლობლებთან საურთიერთოდ ისარგებლონ სოციალური ქსელებით;
* აუცილებელია ორსულებმა არ გამოტოვონ რეგულარული ვიზიტი მეან-გინეკოლოგთან, იქნება ეს ონლაინკონსულტაცია, თუ თანმხლები დაავადებების შემთხვევაში, პირადი ვიზიტი მკურნალ ექიმთან;
* ორსულები მიდრეკილნი არიან თრომბოზების განვითრებისკენ, ამიტომ, მნიშვნელოვანია იყვნენ აქტიურები, ივარჯიშონ რეგულარულად, გაიზომონ სახლში არტერიული წნევა, მიიღონ საკმარისი სითხე (2 ლიტრამდე დღეში) და სწორად იკვებონ.
* პანდემიის პირობებში განსაკუთრებით მნიშვნელოვანია მეან-გინეკოლოგთან შეთანხმებით ჩაიტარონ გრიპის საწინააღმდეგო ვაქცინაცია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
