მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გაანძრიეთ ხელი და ჩამოვალ - დავღალოთ, გამოვფიტოთ, გავთანგოთ, ე.წ. სახელმწიფო უწყებები" - მიხეილ სააკაშვილი
09:08 / 14-11-2020
მინდა ვუთხრა პოლიციას: თქვენ დედები გყავთ საერთოდ? არ გრცხვენიათ? რა ბრძანებებს ასრულებთ და როგორ დაგაჩმორეს, - ამის შესახებ საქართველოს მესამე პრეზიდენტმა მიხეილ სააკაშვილმა „ფეისბუქზე“ პირდაპირი ჩართვის დროს განაცხადა.
მისივე თქმით, გამორიცხულია, რომ ამ პოლიციამ ბოლომდე აღმართოს ხელი ქართველ ხალხზე.
"თქვენ ოდესღაც იყავით მსოფლიოს ნომერ პირველი პოლიცია. მთელი საქართველო ამაყობდა თქვენით და თქვენზე ლექციებს კითხულობდა ამერიკის სახელმწიფო მდივანი. რას დაგამსგავსათ მართლა ივანიშვილმა, სახლში რომ მიდიხართ თქვენს ცოლებს, შვილებს, მშობლებს რაზე ელაპარაკებით? რომ სახელმწიფო გადატრიალებაში ეხმარებით ივანიშვილს? ნახეთ მათი თვალები რა დაშინებულები არიან? მათი დაჩმორებული სახეები, მათი შეშინებული სიფათები ნახეთ? გამორიცხულია, რომ ამ პოლიციამ ბოლომდე აღმართოს ხელი ქართველ ხალხზე. ნუ გეშინიათ ამათი, წინ ბოლომდე მივაწვეთ“, - განაცხადა მიხეილ სააკაშვილმა.
მან ასევე უპასუხა, სოციალური ქსელის მომხმარებელს საქართველოში ჩამოსვლასთან დაკავშირებულ კითხვას და განაცხადა: „გაანძრიეთ ხელი და ჩამოვალ“.
„გაანძრიეთ ხელი და ჩამოვალ. მე ყველაფერს გავაკეთებ, მე ვარ ბოლომდე წამსვლელი, მე ვარ ჩემი სიცოცხლის შემწირავი მაგ საქმეზე, მაგრამ თუ გვინდა, რომ უბრალოდ სიცოცხლე არ გავწიროთ, არამედ გავიმარჯვოთ, გაანძრიეთ ხელი“,- განაცხადა სააკაშვილმა.
მისივე თქმით, საშუალება არ უნდა მივცეთ, არჩევნების შედეგების „გაპრავების“.
„არ მივცეთ არჩევნების შედეგების "გაპრავების" საშუალება, ყველგან დავღალოთ, გამოვფიტოთ, გავთანგოთ, შევუქმნათ პრობლემები. ე.წ. სახელმწიფო უწყებები, რომლებიც აკეთებენ უკანონო აქტებს, უნდა იყოს დაბლოკილი. არ უნდა შევუშვათ პარლამენტში და უფრო მეტი უნდა გამოვუშვათ პარლამენტიდან. თუ გადმოვლენ შეტევაზე, მიიღებენ პასუხს. ეს არის ხელის განძრევა“,- განაცხადა სააკაშვილმა.
სააკაშვილის თქმით, ის ოპტიმისტურად არის განწყობილი.
"უნდა დავირაზმოთ, წელში გავიმართოთ, შევუტიოთ, შევუტიოთ და შევუტიოთ, მე ვარ ძალიან ოპტიმისტურად განწყობილი, ესენი არიან კუთხეში მიყუჟულები, ძალიან სუსტები და ახლა ბოლომდე უნდა შევუსრულოთ. ამაში ვარ აბსოლუტურად დარწმუნებული",- აღნიშნა სააკაშვილმა.
მან ასევე უპასუხა, სოციალური ქსელის მომხმარებელს, რომლის თქმით, ხალხს მეტი მოტივაცია სჭირდება.
"მეტი რა მოტივაცია უნდა სჭირდებოდეს ხალხს? ქვეყანას კარგავენ, მათი შვილები და შვილიშვილები საქართველოს ტერიტორიაზე ვეღარ იცხოვრებენ. ქართული ენა შეიძლება გაქრეს, ჩვენი ეკლესიები გადაიღებება და გაუბედურდება, რუსული ენა გაბატონდება, ქართველებს გადაასახლებენ და ჩამოსახლდება ყველანაირი გადამთიელი. ქვეყანა რომ აღარ გექნებათ, ამაზე მეტი მოტივაცია რაღა შეიძლება გქონდეთ?",- განაცხადა სააკაშვილმა.
მიხეილ სააკაშვილი ასევე გამოეხმაურა საქართველოს ფეხბურთის ნაკრებსა და ჩრდილოეთ მაკედონიას შორის გამართულ მატჩს.
სააკაშვლის შეფასებით, ხელისუფლებამ გუშინ სტადიონზე „საღორე“ მოაწყო.
„სტადიონზე შესვლა, როცა ხალხს გარეთ ყინავ, „უნახავმა რა ნახაა“. ღორი საღორიდან გამოვიდა და ახალი საღორე მოაწყო. აი, ეს იყო გუშინდელი მათი სტადიონი.
მე არ მომწონს ეს ლაპარაკი, ოპოზიციას გეგმა არ აქვს, რა აზრი აქვს მაინც.... თუ აზრი არ აქვს, მაშინ იცხოვრეთ ნაგავში და საღორეში, გვინდა ეს?! არ გვინდა. გვინდა, რომ ბოლომდე გადაგვიაროს?!“, - განაცხადა სააკაშვილმა.
მკითხველის კომენტარები /
102 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კიდე დსღლა და ქაოსი უნდა ამ ქვეყანას? დამერწმუნე მთელი ქვეყანა დაღლილია თუ ფიზიკურად არა ფსიქოლოგიურად მაინც
უკვე ნამეტანია. ყველა ჩართვაზე მართლა რას უგავს გამომეტყველაბა, მეცოდება უკვე მე მგონი აღარც ნაციონალები უგდებენ ყურს...