მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემს ფიგურას იღებთ ყველა, როგორც ლიდერს, თუ არა... - სააკაშვილის ეს განცხადება ულტიმატუმს წააგავს" - ექსპერტები ექსპრეზიდენტის შესაძლო ჩამოსვლასა და ბოლო დღეების მოვლენებზე
12:33 / 10-11-2020
მიხეილ სააკაშვილს თუ ჩამოსვლა უნდა, ჩამოვიდეს, ოპოზიციის თხოვნა არაფერ შუაში არაა, ოპოზიციური ერთობა ისედაც საკმაოდ მყიფეა, - ასე აფასებს პოლიტოლოგი ვახტანგ ძაბირაძე „ინტერპრესნიუსთან“ საქართველოს მესამე პრეზიდენტის მიხეილ სააკაშვილის განცხადებას, სადაც ის ამბობს, რომ თუ ოპოზიცია მის საქართველოში ჩამოსვლას მოითხოვს, ის ოპოზიციურ ერთობას არ დაარღვევს.
ვახტანგ ძაბირაძის განცხადებით, ოპოზიციამ რომც მოითხოვოს მიხეილ სააკაშვილის დაბრუნება, ის საქართველოში ვერ ჩამოვა.
„მიხეილ სააკაშვილს ლეგალური დაბრუნების რა უფლება აქვს არ ვიცი. მას სასჯელი აქვს მისჯილი და ეს არავის გაუუქმებია. ოპოზიცია რას გადაწყვეტს სააკაშვილის ჩამოსვლას, მანდ განცხადებების სხვა კონტექსტია.
როგორც ვხედავ, ოპოზიციამ უნდა მიმართოს მიხეილ სააკაშვილს ჩამოსვლაზე, სააკაშვილი კი თვლის, რომ ეს მიმართვა აქტიური აღიარებაა იმის, რომ სააკაშვილი გაერთიანებული ოპოზიციის ლიდერი იქნება.
თუ ჩამოსვლა უნდა, უნდა ჩამოვიდეს. ოპოზიციის თხოვნა არაფერ შუაში არ არის. ოპოზიციური ერთობა ისედაც საკმაოდ მყიფეა. ვერ ჩამოვა და ამაშია საქმე. ოპოზიცია არ მოითხოვს მის ჩამოსვლას, ცხადია, გარდა იმ პარტიებისა, ვინც „ძალა ერთობაშია“ მაგრამ, რომც მოითხოვონ, დარწმუნებული ვარ, ვერ ჩამოვა და არც ჩამოვა.
მეორეც, ოპოზიციის ერთობა ასე დიდხანს მაინც არ გაგრძელდება. შესაძლოა, ისინი ყველანი თანახმა იყვნენ და არ შევიდნენ პარლამენტში, მაგრამ ეს არ ნიშნავს, რომ ისინი ყველანი ერთ აზრზე არიან, განსაკუთრებით სააკაშვილთან მიმართებაში“, - განაცხადა ძაბირაძემ.
პოლიტოლოგ რამაზ საყვარელიძის შეფასებით, მიხეილ სააკაშვილის განცხადება ულტიმატუმს წააგავს. როგორც რამაზ საყვარელიძემ „ინტერპრესნიუსს“ განუცხადა, მიიღებს თუ არა ოპოზიცია სააკაშვილის ამ ულტიმატუმს, საუბარი რთულია, „რადგან, თავისთავად ოპოზიციის მდგომარეობაა რთული“.
„სიმართლე გითხრათ, ვერ გავიგე, საიდან დაასკვნა მიხეილ სააკაშვილმა, რომ დაბრუნების უფლება აქვს. შეიძლება იფიქრა, რადგან ახლა ჯერ ერთი პარლამენტი არ შეწყვეტილა და მეორე არ დაწყებულა, ამიტომ, კანონები არ მოქმედებს. ალბათ, არ არის გასახსენებელი ის, რომ სამართალდაცვა ამ საკითხებისგან დამოუკიდებელია და სამართლებრივი დევნა ვისზედაც ხორციელდება, ის გაგრძელდება. სააკაშვილის მიერ ოპოზიციისადმი გაკეთებულ რეპლიკაში „მე თქვენს გადაწყვეტილებებს ველი“ ალბათ, მეტნაკლებად აისახა ნიკა მელიასა და გუბაზ სანიკიძეს შორის მომხდარი ცნობილი კამათი. სავარაუდოდ, ოპოზიციას მიანიშნა ის, რომ თუ ერთიანობა არ იქნება, მაშინ ჩემი ადგილი იქ არ არისო. ეს უფრო ულტიმატუმს წააგავს, რომ თქვენს დასახმარებლად ჩემი ჩამოსვლა ისევ თქვენზეა დამოკიდებული, თუ არადა, ჩემი იმედი ნუ გექნებათო. ჩამოსვლა პირობითი ცნებაა, ნებისმიერ შემთხვევაში, ალბათ არ ჩამოვა, უბრალოდ, უნდა, რომ ოპოზიციის ერთიანი მხარდაჭერა ასეთი ულტიმატუმის ტიპის შთავაზებით მოიპოვოს. ჩემს ფიგურას იღებთ ყველა, როგორც ლიდერს, თუ არა - დაახლოებით ასეთი შინაარსი აქვს ამ ულტიმატუმს. მიიღებს, თუ არა ოპოზიცია ამ ულტიმატუმს, ამაზე არ ვიცი რა გითხრათ, რადგან, თავისთავად ოპოზიციის მდგომარეობაა რთული. გაერთიანებული ოპოზიცია, ცხრა პარტია ვერ ქმნის იმ, წინააღმდეგობას, რომელსაც აზრი უნდა ჰქონდეს. როდესაც გაერთიანებული ოპოზიცია 1000 კაცამდე ვერ კრებს თავის მომხრეებს და იმ ათასნაირსაც მიშა დაემატება თუ არა, რა მნიშვნელობა აქვს?! მითუმეტეს მაშინ, როცა სამართლებრივი დევნის პუნქტი სააკაშვილს არ ეხსნება. აღმოჩნდება, რომ ის რისკის ქვეშ მოუახლოვდება საქართველოს საზღვარს და ისეთი ნებიერი საქართველოსკენ წამოსვლა, რა ინტონაციითაც თვითონ ლაპარაკობს, ალბათ არ იქნება“, - განაცხადა საყვარელიძემ.
ცნობისთვის, საქართველოს მესამე პრეზიდენტმა, მიხეილ სააკაშვილმა განცხადება გააკეთა, რომლითაც მან ოპოზიციას მიმაართა.
„მეგობრებო, ჩემი სიცოცხლე ჩემს ქვეყანას ეკუთვნის, თუ ყველა ერთად გადაწყვეტთ, თუ ოპოზიცია გადაწყვეტს და ჩემი ჩამოსვლით ხელს არ შევუშლი, რა თქმა უნდა, სანამ მათი პარლამენტის ინაუგურაცია იქნება, რეისები არის, ლეგალური უფლება მაქვს დაბრუნების, ბილეთს ავიღებ, მოვიწვევ, ვისაც ჩემთან ერთად უნდა წამოსვლა, მაგრამ მე თქვენს გადაწყვეტილებებს ველი. არ მინდა დავარღვიო ოპოზიციის ერთიანობა, ამავე დროს ყველა ჩემი ინსტინქტი და გული მეუბნება, რომ ეს უნდა გავაკეთო. იმედია იმ დროისთვის საკმარისად ძლიერები იქნებით, რომ მათ ჩემთვის ხელის შეშლა ვერ შეძლონ“, - აღნიშნა სააკაშვილმა.
ბოლო დღებში პროცესების რადიკალიზაციაზე სრულ პასუხისმგებლობას ხელისუფლებას აკისრებს ექსპერტი ხათუნა ლაგაზიძე.
"ორი დღის წინ ცესკოსთან განვითარებული მოვლენები, სამწუხაროდ, იყო ლოგიკური გაგრძელება „ქართული ოცნების“ აბსოლუტურად მცდარი და დამანგრეველი 8- წლიანი პოლიტიკის, რომელიც გამოიხატებოდა საკუთარი საზოგადოების ერთმანეთის მიმართ მტრულ ნაწილებად დაყოფაში. „ქართული ოცნება“ ყველაფერს აკეთებს რომ საზოგადოება დაყოს თავისიანებად და „ნაციონალებად“, ამითი შენარჩუნებულიყო ხელისუფლებაში, ის ცუდია მაგრამ მე იმაზე ნაკლებად ცუდი ვარ. ცუდსა და უარეს შორის გვაკეთებინებდა არჩევანს ამ 8 წლის განმავლობაში. პროცესების რადიკალიზაცია, რასაც ვხედავთ, თავიდან ბოლომდე „ქართული ოცნების“ კისერზეა“, - განაცხადა ლაგაზიძემ.
ხათუნა ლაგაზიძის თქმით, ოპოზიციის მხრიდან ხელისუფლებასთან მოლაპარაკებებზე წასვლა თამარ ჟვანიას თანამდებობაზე ყოფნის დროს, ოპოზიციისთვის „თავზე ნაცრის წაყრააა“.
„თამარ ჟვანიას გადაყენება უნდა იყოს მთავარი მოთხოვნა. თამარ ჟვანიას თანამდებობაზე დარჩენის პირობებში ოპოზიციის მხრიდან რაიმე ტიპის მოლაპარაკებაზე წასვლა იქნება მხოლოდ თავზე ნაცრის წაყრა, თავის და ამომრჩევლის მოტყუების მცდელობა.
„ქართული ოცნების“ ხელში, თამარ ჟვანია უსირცხვილობის, უსინდისობის და საკუთარი ხალხის წინააღმდეგ ბრძოლის სიმბოლოდ იქცა.
პირველი რიგის ამოცანა უნდა იყოს თამარ ჟვანიას გადაყენება. შემდეგ პროცესები უნდა გაგრძელდეს მოლაპარაკების მაგიდაზე, არა გაყალბებული არჩევნების შედეგების გადათვლის მოთხოვნით, არამედ ხელახალი არჩევნების დანიშვნის პირობით“, - განაცხადა ლაგაზიძემ.
მკითხველის კომენტარები /
30 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქ-ნო ხათუნა, გეკითხებით - გაერთიანებული ოპოზიცია, სადაც მგონი 9 პარტია შედის, მიტინგზე 6000 კაცზე მეტს ვერ კრეფს, მთელს საქართველოში, 27 % როგორ აიღებდა? ანუუუუ ნაცმა თამარ ჟვანიამ ნაცების სასარგებლოდ გააყალბა არჩევნები!!!!!
ველი პასუხს.
არ დაბლოკოთ.
არ
პირველი-ქალბატონი ლაგაზიძის ექსპერტობა უხერხული ნათქვამია მას ალბათ მალე გადაუვლის ოცნებისგან მისი პერსონის უარყოფით მიღებული გადაწყვეტილება და დაუბრუნდება ადექვატური შეფასების ფარგლებს.
მეორე-მიშას სქართველოში შემოსვლა ნიშნავს საზღვარზევე მის დაპატიმრებას და საპატიმროში განწესებას თან არა ერთი წლით ესაა რეალობა და მიშამაც იცის ამიტომ ის ჩამომსვლელი არ არის
მესამე-მიშას ციხეში ყოფნა ოპოზიციის დიდ ნაწილს მათ შორის ვითომ მიშას ოპონენტ ოპოზიციონერთა ნაწილსაც ბურჯანაძე ბესელია ელისაშვილს დააკავებს მიშას პოლიტიკურ პატიმრად შერაცხვის და განთავისუფლების მოთხოვნის აქტივობით ამიტომ არჩევნების თემა ქვედა პლანზე დაიწევს თუმც მგონი ოპოზიციას ეს მოცემულიბა ხელს აძლაევს ვინაიდან მათი სამართლებრივად უვარგისი მოთხოვნის აბსურდულობას გრძნობენ
ბოკერიას გუნდმა შეიძლება ზემოთ ნახსენებ პერსონებთან ერთად კარტ-ბლანში მისცენ მიშას საკითხს და სთქვან რომ ეს ერთობას არ დააზიანებს მაგრამ მიშა ვერ გაბედავს ჩამოსვლას რადგან ეს მისი სტილი არ არის საკანში მიშა განულდება