მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ტრაილერი უკნიდან დასჯახებია და, დაახლოებით, 150 მეტრზე წაუღია მიკროავტობუსი" - რას ყვებიან გორის ავარიისას დაღუპული ილია გაწერელიას ახლობლები
12:49 / 30-10-2020
წუხელ, გვიან ღამით, თბილისი-სენაკი-ლესელიძის საავტომობილო მაგისტრალის გორის მონაკვეთზე თბილისიდან ზუგდიდისკენ მიმავალ მიკროავტობუსს ტრაილერი შეეჯახა. ავტოსაგზაო შემთხვევის შედეგად 6 ადამიანი დაიღუპა, დანარჩენმა კი სხვადასხვა სახის დაზიანება მიიღო. მიკროავტობუსით "ნაციონალური მოძრაობის" მიერ თბილისში მოწყობილი აქციის მონაწილეების ერთი ნაწილი თბილისიდან ზუგდიდში მიემგზავრებოდა.
დაღუპულ მგზავრთა შორის არიან: როლანდ ახალაიას ძმისშვილი, ელვარდ ახალაიაა, ბაჩანა როგავა, ბაჩუკი შენგელია, გოგა ჯალაღონია, ოთარ ჯიქია და ილია გაწერელია.
1976 წელს დაბადებული, ზუგდიდელი ილია (იკა) გაწერელია წინა ხელისუფლების პერიოდში ერთხანს სამეგრელო-ზემო სვანეთის კუდის უფროსის მოადგილის პოსტს იკავებდა. ავარიის დეტალების გასარკვევად და ილია გაწერელიაზე სასაუბროდ ზუგდიდში გარდაცვლილის ახლობლებს დავუკავშირდით.
დათა შელია, ზუგდიდის საკრებულოს წევრი:
- ახლა სწორედ იკას ოჯახში ვიმყოფები, უკვე მოასვენებენ, ქუთაისს გამოსცდნენ. ძალიან მიჭირს მასზე ლაპარაკი. უკეთილშობილესი ადამიანი იყო, მორწმუნე, ქვეყნის პატრიოტი, თავისი ქვეყანა უყვარდა, უფროსი და უმცროსი იცოდა... მეუღლე და ორი ბავშვი დარჩა, გოგონა და ვაჟი, დაწყებით კლასებში სწავლობენ. 11 ნოემბერს 44 წლის გახდებოდა, ძალიან განვიცდი მის ამბავს.
- როგორც შევიტყვე, წინა ხელისუფლების მმართველობის პერიოდში თანამდებობაზეც მუშაობდა...
- დიახ, ჯერ სამეგრელო-ზემო სვანეთის კუდი-ს უფროსის მოადგილე იყო, შემდეგ - სამეგრელო-ზემო სვანეთის სამხედრო დაზვერვის უფროსის მოადგილე. ადრე, შევარდნაძის პრეზიდენტობის პერიოდში ოპერად მუშაობდა, კრიმინალური პოლიციის თანამშრომელი იყო და მერე - ჯგუფის უფროსი. შესანიშნავი პროფესიონალი გახლდათ.
- ავტოსაგზაო შემთხვევის დეტალები თუ იცით?
- ვიცი, რომ მიკროავტობუსი ავტობანის გორის მონაკვეთზე გაუჩერებიათ და სიგარეტის მოსაწევად გადასულან. მანქანის უკან მდგარან. ტრაილერი უკნიდან დასჯახებია და, დაახლოებით, 150 მეტრზე წაუღია მიკროავტობუსი.
ავტოსაგზაო შემთხვევასა და ილია გაწერელიას ოჯახზე მის კიდევ ერთ ახლობელს ვესაუბრე. მისი თქმით, ტრასაზე გაჩერებული მიკროავტობუსის უკან სიგარეტის მოსაწევად ილიასთან ერთად რამდენიმე ბიჭი და მძღოლიც მდგარან. დანარჩენი მგზავრებიც გადმოსულები ყოფილან, ოღონდ ცოტა მოშორებით გაჩერებულან. მხოლოდ ერთი ბიჭი დარჩენილა მანქანაში და ისიც უკან მჯდარა. მიკროავტობუსს ტრაილერი რომ დასჯახებია, ისე შეუტანია უკანა მხარე, ის ბიჭიც დაღუპულა. რაც შეეხება ილიას ოჯახს, - "მისი მეუღლე, სამუშაოდ მალტაშია, შვილებს ილია ზრდიდა. გამორჩეულად ყურადღებიანი და მზრუნველი მამა იყო, ბავშვებს ყველაფერს თავად უკეთებდა. თბილისში რომ წავიდა, აქციაზე, ბავშვები, სავარაუდოდ, თავის დედას დაუტოვა. ბავშვებისთვის ჯერ არ უთქვამთ მამის გარდაცვალების ამბავი. ისინი წუხელვე, ღამით ილიას დასთან მიიყვანეს ილიასავე მანქანით", - გვითხრა გარდაცვლილის ახლობელმა.
ავტორი: ირმა ხარშილაძე
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სავარაუდოდ, ტრაილერის მძღოლს ჩაეძინა. ნორმალურ ქვეყნებში ტრაილერის მძღოლის სამუშაო დრო მკაცრად კონტროლდება, რათა ზედმეტად არ იმუშაოს და გადაღლის გამო არ შექმნას საავარიო ვითარება.
ვუსამძიმრებ დაღუპულების ოჯახს, ნათელში ამყოფოს მათი სული უფალმა.