სა­ქარ­თვე­ლო­ში ახა­ლი კო­რო­ნა­ვირუ­სით ინ­ფი­ცი­რე­ბის შემ­თხვე­ვე­ბი ყო­ველ­დღი­უ­რად ახალ-ახალ ან­ტირ­ე­კორ­დებს ამ­ყა­რებს, იზ­რდე­ბა გარ­დაც­ვლილ­თა რა­ო­დე­ნო­ბაც.

15 ოქ­ტომ­ბერს, სა­ქარ­თვე­ლო­ში COVID-19-ის 919 ახა­ლი შემ­თხვე­ვა გა­მოვ­ლინ­და, ხოლო 4ადა­მი­ა­ნი გარ­და­იც­ვა­ლა. ბოლო მო­ნა­ცე­მე­ბით, სა­ერ­თო ჯამ­ში, ქვე­ყა­ნა­ში ვირუ­სის 14 440 შემ­თხვე­ვაა გა­მოვ­ლე­ნი­ლი, მათ შო­რის 7367 პა­ცი­ენ­ტი გა­მო­ჯან­მრთელ­და, 113 კი გარ­და­იც­ვა­ლა.

აღ­ნიშ­ნუ­ლი მო­ნა­ცე­მე­ბის გათ­ვა­ლის­წი­ნე­ბით, სა­ზო­გა­დო­ე­ბა­ში სულ უფრო აქ­ტი­ურ­დე­ბა მსჯე­ლო­ბა მო­სა­ლოდ­ნე­ლი სა­მე­დი­ცი­ნო კო­ლაფ­სის შე­სა­ხებ. ის­მის კი­თხვე­ბი: რო­დემ­დე გაწ­ვდე­ბა ჯან­დაც­ვის სის­ტე­მა ინ­ფი­ცი­რე­ბულ­თა რი­ცხვს და გვე­მუქ­რე­ბა თუ არა იმ ქვეყ­ნე­ბის ბედი, რომ­ლებ­მაც კო­რო­ნა­ვირუს­თან ბრძო­ლა­ში კრა­ხი გა­ნი­ცა­დეს.

და­ა­ვა­დე­ბა­თა კონ­ტრო­ლის ცენ­ტრის დი­რექ­ტორ­მა ამი­რან გამ­ყრე­ლი­ძემ არ­სე­ბუ­ლი ეპიდსი­ტუ­ა­ცია შე­ა­ფა­სა და აღ­ნიშ­ნა, რომ ვი­თა­რე­ბა თან­და­თან იძა­ბე­ბა.

ასევე დაგაინტერესებთ

22:26 / 14-10-2020

"ქალბატონთან ერთად, რომლისგანაც დავინფიცირდი, უბრალოდ, ერთ ოთახში ვიყავი" - ნოდიკო ტატიშვილს კორონავირუსი დაუდასტურდა

11:36 / 15-10-2020

"ნუ მალავთ ტემპერატურას, ნუ დადიხართ ავადმყოფები ჯანმრთელებად შენიღბულები" - რას წერს ცნობილი პედიატრი

11:38 / 15-10-2020

რომელ რეგიონებში ფიქსირდება კორონავირუსის ყველაზე მაღალი მაჩვენებელი - "კლასტერები გავრცელდა ქვეყანაში - ახლა უკვე ქუჩაში უნდა ვიაროთ პირბადით"

"რომ შე­ვა­ჯა­მოთ სტა­ტის­ტი­კუ­რი მო­ნა­ცე­მე­ბი, მთლი­ა­ნა­დაც და ჩვენს ქვე­ყა­ნა­შიც, თან­და­თან იძა­ბე­ბა ეპიდსი­ტუ­ა­ცია და ეს მო­სა­ლოდ­ნე­ლი იყო შე­მოდ­გო­მა­ზე... მე­ო­რე ტალ­ღა და­წყე­ბუ­ლია, რო­მე­ლიც უფრო ძლი­ე­რია რი­ცხობ­რი­ვი თვალ­საზ­რი­სით, მაგ­რამ შე­და­რე­ბით უფრო მსუ­ბუ­ქი სიმ­ძი­მის თვალ­საზ­რი­სით, ანუ უფრო მე­ტია მსუ­ბუ­ქად და ასიმპტო­მუ­რად მიმ­დი­ნა­რე შემ­თხვე­ვე­ბი. დი­აგ­ნოს­ტი­რე­ბის დროს 36%-მდე უსიმპტო­მო პა­ცი­ენ­ტე­ბის რა­ო­დე­ნო­ბაა, ანუ საკ­მა­ოდ დიდი წი­ლია უსიმპტო­მო­ე­ბის და მსუ­ბუ­ქე­ბის, რომ­ლე­ბიც სწო­რედ უნდა იმარ­თონ ბი­ნა­ზე პირ­ვე­ლა­დი ჯან­დაც­ვის ექი­მე­ბის მიერ და ვი­საც ბი­ნა­ზე იზო­ლი­რე­ბის სა­შუ­ა­ლე­ბა არ აქვს, კო­ვიდ­სას­ტუმ­რო­ებ­ში სა­მე­დი­ცი­ნო პერ­სო­ნა­ლის მეთ­ვალ­ყუ­რე­ო­ბის ქვეშ, ხოლო სტა­ცი­ო­ნარ­ში უნდა მოხ­ვდნენ მძი­მე და კრი­ტი­კუ­ლი პა­ცი­ენ­ტე­ბი, ვი­საც აუ­ცი­ლებ­ლად სჭირ­დე­ბა ინ­ტენ­სი­უ­რი თე­რა­პია“, - გა­ცხა­და გამ­ყრე­ლი­ძემ.

ამ რამ­დე­ნი­მე დღის წინ კი, კი­თხვა­ზე, შე­საძ­ლოა თუ არა სა­ქარ­თვე­ლო­ში იტა­ლი­ის სცე­ნა­რი გან­მე­ორ­დეს, ამი­რან გამ­ყრე­ლი­ძემ გა­ნა­ცხა­და, რომ მსგავ­სი რამ მო­სა­ლოდ­ნე­ლი არ არის.

ჟურ­ნა­ლის­ტის კი­თხვას, რო­მე­ლიც სა­წო­ლე­ბის დე­ფი­ცი­ტის შექ­მნის სა­შიშ­რო­ე­ბას შე­ე­ხე­ბო­და, ჯან­დაც­ვის მი­ნის­ტრმა უპა­სუ­ხა, რომ ინ­ფი­ცი­რე­ბუ­ლე­ბის რა­ო­დე­ნო­ბის ზრდა სა­წო­ლე­ბის დე­ფი­ციტს არ გა­მო­იწ­ვევს. ეკა­ტე­რი­ნე ტი­კა­რა­ძის გან­ცხა­დე­ბით, ამის მი­ზე­ზი ისაა, რომ გა­მო­ჯან­მრთე­ლე­ბუ­ლი პა­ცი­ენ­ტე­ბის რა­ო­დე­ნო­ბა ყო­ველ­დღი­უ­რად იმა­ტებს და სა­წო­ლე­ბიც თა­ვი­სუფ­ლდე­ბა.

"პა­ცი­ენ­ტე­ბი ინ­ფი­ცირ­დე­ბი­ან, მაგ­რამ აუ­ცი­ლებ­ლად ჯან­მრთელ­დე­ბი­ან. მხო­ლოდ აჭა­რა­ში გუ­შინ გვყავ­და 207 გა­მო­ჯან­მრთე­ლე­ბუ­ლი. ამას ჯან­დაც­ვა­ში ეწო­დე­ბა სა­წოლბ­რუნ­ვა. გა­მომ­დი­ნა­რე აქე­დან, ინ­ფი­ცი­რე­ბუ­ლე­ბის მა­ტე­ბა ეს აუ­ცი­ლე­ბელ შემ­თხვე­ვა­ში არ გა­მო­იწ­ვევს სა­წო­ლე­ბის დე­ფი­ციტს. მო­ბი­ლი­ზე­ბუ­ლი გვაქვს 3500-მდე სა­წო­ლი, 2200-მდე პა­ცი­ენ­ტი გა­დის მკურ­ნა­ლო­ბას, სატ­რი­ა­ჟე სივ­რცე­შიც არი­ან პა­ცი­ენ­ტე­ბი, რომ­ლე­ბიც ან კო­ვი­დის ტეს­ტის პა­სუხს ელო­დე­ბი­ან, ან ექი­მის და­მა­ტე­ბით ჩა­რე­ვას იმი­სათ­ვის, რომ გა­დაყ­ვა­ნი­ლე­ბი იყ­ვნენ სხვა პრო­ფი­ლის სა­ა­ვად­მყო­ფო­ებ­ში", - გა­ნა­ცხა­და ეკა­ტე­რი­ნე ტი­კა­რა­ძემ.

რაც შე­ე­ხე­ბა, გარ­დაც­ვლილ­თა რა­ო­დე­ნო­ბის ზრდას, სა­კი­თხის შე­სა­ხებ მე­დი­ას­თან ისა­უბ­რა თენ­გიზ ცერ­ცვა­ძემ. მისი თქმით, შემ­თხვე­ვე­ბის ეს მა­ტე­ბა იყო გარ­და­უ­ვა­ლი და მო­სა­ლოდ­ნე­ლი, ვი­ნა­ი­დან მო­იხ­სნა შე­ზღუდ­ვე­ბი. ცერ­ცვა­ძე ამ­ბობს, სიკ­ვდი­ლი­ა­ნო­ბა სა­ქარ­თვე­ლოს­თვის არის დიდი, თო­რემ სხვა ქვეყ­ნებ­ში ასეთ მაჩ­ვე­ნე­ბელ­ზე ოც­ნე­ბო­ბენ.

"სრუ­ლი პა­სუ­ხის­მგებ­ლო­ბით ვამ­ბობ, რომ მი­უ­ხე­და­ვად გარ­კვე­უ­ლი მა­ტე­ბი­სა, სა­ქარ­თვე­ლო ინარ­ჩუ­ნებს იმ ქვეყ­ნის სტა­ტუსს, რო­მელ­საც დღემ­დე ევ­რო­პის 49 ქვე­ყა­ნა­სა და ჩრდი­ლო­ეთ ამე­რი­კის ქვეყ­ნებს შო­რის (ორი მცი­რე ქვეყ­ნის გა­მოკ­ლე­ბით) ჰყავს ერთ მი­ლი­ონ მო­სახ­ლე­ზე ყვე­ლა­ზე ნაკ­ლე­ბი გარ­დაც­ვლი­ლი", - თქვა ცერ­ცვა­ძემ.

ჯან­დაც­ვის ექ­სპერ­ტე­ბი ვირუ­სის შემ­თხვე­ვე­ბის რე­კორ­დუ­ლი მა­ტე­ბის უკან მთავ­რო­ბის არა­ე­ფექ­ტურ ქმე­დე­ბებ­სა და სა­ზო­გა­დო­ე­ბას­თან არას­წორ კო­მუ­ნი­კა­ცი­ას ხე­და­ვენ.

ჯან­დაც­ვის ექ­სპერ­ტი და "სტრა­ტე­გია აღ­მა­შე­ნებ­ლის" წარ­მო­მად­გე­ნე­ლი სერ­გო ჩიხ­ლა­ძე ambebi.ge -სთან იმ მი­ზე­ზებს ასა­ხე­ლებს, რა­მაც, მისი შე­სა­ფე­ბით, ეპიდსი­ტუ­ა­ცი­ის გამ­წვა­ვე­ბა გა­ნა­პი­რო­ბა:

"მთავ­რო­ბას ალ­ბათ ეგო­ნა, მუდ­მი­ვად 10 და 15 შემ­თხვე­ვა იქ­ნე­ბო­და და ამას კარ­გად მარ­თავ­და. ასეთ მცი­რე მაჩ­ვე­ნე­ბელს უგან­დას­ნა­ი­რი ქვეყ­ნე­ბიც გა­არ­თმე­ვენ თავს. და ეს ხომ არ ნიშ­ნავს იმას, რომ კარ­გი კრი­ზის-მე­ნე­ჯე­რე­ბი არი­ან. მარ­ტი­დან მო­ყო­ლე­ბუ­ლი სულ იმა­ზე ვსვამ­დით ექ­სპერ­ტე­ბი კი­თხვებს, რა გეგ­მე­ბი ჰქონ­და სა­ხელ­მწი­ფოს იმ შემ­თხვე­ვა­ში, თუ სი­ტუ­ა­ცია ისე გან­ვი­თარ­დე­ბო­და, რო­გო­რიც ახ­ლაა, მაგ­რამ იმათ არა­სო­დეს ჰქონ­დათ კონ­კრე­ტუ­ლი პა­სუ­ხე­ბი. მთავ­რო­ბამ აირ­ჩია სა­ზო­გა­დო­ე­ბას­თან არას­წო­რი კო­მუ­ნი­კა­ცი­ის ფორ­მა. რაც გა­მო­ი­ხა­ტა იმა­ში, რომ ბრი­ფინ­გე­ბით გა­მო­დი­ოდ­ნენ და აკე­თებ­დნენ მცდარ გზავ­ნი­ლებს, ჩვენ კარ­გად ვმარ­თეთ კო­რო­ნა, ამი­ტომ გვაქვს ასე ცოტა შემ­თხვე­ვაო და სა­ზო­გა­დო­ე­ბაც ხოტ­ბას ას­ხამ­და მათ. ამის შე­დე­გია ის, რომ ხალ­ხმა და­ი­ჯე­რა, რომ თით­ქოს ყვე­ლა­ფე­რი კარ­გად არის, საფრ­თხე ნაკ­ლე­ბია და მო­დუნ­და. არა­და, სი­ნამ­დვი­ლე­ში ეს იყო შე­კა­ვე­ბის პე­რი­ო­დი და წინ იყო მე­ო­რე ტალ­ღა. რომ­ლის­თვი­საც სა­თა­ნა­დოდ უნდა მომ­ზა­დე­ბუ­ლი­ყო სის­ტე­მა.

მე­ო­რე შეც­დო­მა ის იყო, რომ ვრცელ­დე­ბო­და არა­თან­მიმ­დევ­რუ­ლი და არას­წო­რი ინ­ფორ­მა­ცია. ტეს­ტე­ბი პა­ნა­ცეა არ არი­სო, ამ­ბობ­დნენ, დღეს კი პი­რი­ქით გა­ი­ძა­ხი­ან, რომ მთა­ვა­რი მე­ქა­ნიზ­მი დი­აგ­ნოს­ტი­კა ყო­ფი­ლა თურ­მე. არა­ფერს ვამ­ბობ, ყბა­და­ღე­ბულ და ყოვ­ლად­და­უშ­ვე­ბელ გზავ­ნი­ლებ­ზე ქრო­ნი­კუ­ლი და­ა­ვა­დე­ბე­ბის მქო­ნე პი­რე­ბის შე­სა­ხებ. ფაქ­ტობ­რი­ვად, ქვე­ტექ­სტი ასე­თია, რომ ეს ადა­მი­ა­ნი მა­ინც და­ი­ღუ­პე­ბო­და და კო­რო­ნა არა­ფერ შუ­ა­შია. აბა, სხვა­ნა­ი­რად დავ­სვათ სა­კი­თხი - კო­რო­ნა რომ არ ყო­ფი­ლი­ყო, რამ­დენ ხანს იცო­ცხლებ­და კი­დევ ის ადა­მი­ა­ნი. ამას­თა­ნა­ვე, ბოლო დროს, ჩემი დაკ­ვირ­ვე­ბით, კო­რო­ნა­ვირუ­სის მიერ გა­მოწ­ვე­ულ გარ­თუ­ლე­ბებ­საც მი­ა­წე­რენ ქრი­ნი­კულ და­ა­ვა­დე­ბებს. სა­ზო­გა­დო­ე­ბის დიდი ნა­წი­ლი ვერ ერ­კვე­ვა სა­მე­დი­ცი­ნო ტერ­მი­ნო­ლო­გი­ა­ში და აღიქ­ვამს ისე, თით­ქოს სუნ­თქვის უკ­მა­რი­სო­ბა ან პნევ­მო­ნია იყოს ქრო­ნი­კუ­ლი პრობ­ლე­მა... არა­და, ოჯა­ხის ექი­მე­ბი რომ აქამ­დე გა­დაგ­ვემ­ზა­დე­ბი­ნა და პირ­ვე­ლა­დი ჯან­დაც­ვა მოგ­ვემ­ზა­დე­ბი­ნა ამ გა­მოწ­ვე­ვე­ბის­თვის, ხომ შე­იძ­ლე­ბო­და. მი­ნის­ტრი ამ­ბობს, რომ 3 ოქ­ტომ­ბერს და­ი­წყეს ოჯა­ხის ექი­მე­ბის გა­დამ­ზა­დე­ბა ბა­თუმ­ში. ახლა უნდა და­წყე­ბუ­ლი­ყო ეს? ან ონ­ლა­ინ კლი­ნი­კე­ბი 22 რომ იყო მარ­ტში და ახ­ლაც ამ­დე­ნია, ხომ შე­იძ­ლე­ბო­და გაგ­ვე­ზარ­და?!" - ამ­ბობს სერ­გო ჩიხ­ლა­ძე.

მისი პროგ­ნო­ზის მი­ხედ­ვით, თუ ინ­ფი­ცი­რე­ბის გა­მოვ­ლე­ნის ბო­ლოდ­რო­ინ­დე­ლი სტა­ტის­ტი­კა შე­ნარ­ჩუნ­დე­ბა, სა­წო­ლე­ბის დე­ფი­ცი­ტი გარ­და­უ­ვა­ლია.

"პე­სი­მის­ტი არ ვარ, მაგ­რამ ოპ­ტი­მის­ტუ­რა­დაც ვერ შევ­ხე­დავ მო­სა­ლოდ­ნელ სუ­რათს. ძა­ლი­ან მალე სე­ზო­ნუ­რი გრი­პე­ბი და­ე­მა­ტე­ბა კო­რო­ნა­ვირუსს და ცნო­ბი­ლია, რომ ჩე­უ­ლებ­რი­ვი გრი­პის სე­ზონ­ზე სა­წო­ლე­ბი გა­დავ­სე­ბუ­ლია ხოლ­მე. არ გა­მოვ­რი­ცხავ, რომ იგი­ვე გან­მე­ორ­დეს თბი­ლის­ში, რაც აჭა­რა­ში მოხ­და, რო­დე­საც სი­ტუ­ა­ცია იყო უმარ­თა­ვი. თუ ასე გაგ­რძელ­და, კო­ლაფ­სი გარ­და­უ­ვა­ლია, რად­გან ხე­ლი­სუფ­ლე­ბამ ეფექ­ტუ­რად არ გა­მო­ი­ყე­ნა გა­სუ­ლი 6-7 თვე", - აცხა­დებს ambebi.ge -სთან ჩიხ­ლა­ძე.

ექ­სპერ­ტი ჯან­დაც­ვის სა­კი­თხებ­ში მა­რი­ნა ბე­რი­ძე მი­იჩ­ნევს, რომ თუ კი მთავ­რო­ბის მხრი­დან სწო­რი ნა­ბი­ჯე­ბი იქ­ნე­ბა გა­დად­გმუ­ლი, კო­ლაფ­სის თა­ვი­დან აცი­ლე­ბა სავ­სე­ბით შე­საძ­ლე­ბე­ლია. მისი თქმით, სის­ტე­მუ­რი პრობ­ლე­მე­ბი, რო­მე­ლიც ჯან­დაც­ვის სფე­რო­ში წლე­ბია არ­სე­ბობს, კო­რო­ნა­ვირუ­სის პან­დე­მი­ამ კი­დევ უფრო თვალ­სა­ჩი­ნო გა­ხა­და.

"ჩვენ ვერ ვი­ტყვით, რომ ხე­ლი­სუფ­ლე­ბა კო­რო­ნა­ვირუ­სის მარ­თვის მხრივ ცუ­დად მუ­შა­ობს. ბევ­რი სწო­რი გა­და­წყვე­ტი­ლე­ბა იყო მი­ღე­ბუ­ლი და თა­ვი­დან ძა­ლი­ან ეფექ­ტუ­რად მოხ­და პრო­ცე­სის შე­კა­ვე­ბა. მაგ­რამ არის ხარ­ვე­ზე­ბიც, ცხა­დია. თუმ­ცა ეს პრობ­ლე­მე­ბი ისე­დაც არ­სე­ბობ­და სის­ტე­მა­ში და კო­რო­ნა­ვირუსს არ გა­მო­უწ­ვე­ვია. უბ­რა­ლოდ, ახლა უფრო თვალ­სა­ჩი­ნო გახ­და. პირ­ველ რი­გის გა­მოწ­ვე­ვა, რა­საც გაზ­რდი­ლი სტა­ტის­ტი­კა პირ­და­პირ უკავ­შირ­დე­ბა, პირ­ვე­ლა­დი ჯან­დაც­ვის რგო­ლის გა­უ­მარ­თავ მუ­შა­ო­ბა­ში მდგო­მა­რე­ობს. მა­გა­ლი­თად, შეც­დო­მა იყო ის, რომ დაგ­ვი­ა­ნე­ბით მოხ­და ოჯა­ხის ექი­მე­ბის გა­დამ­ზა­დე­ბა, ეს პრო­ცე­სი გა­ცი­ლე­ბით ადრე უნდა და­წყე­ბუ­ლი­ყო. ასე­ვე, პრობ­ლე­მაა ისიც, რომ ექი­მე­ბი არ იყ­ვნენ სა­თა­ნა­დოდ წა­ხა­ლი­სე­ბუ­ლე­ბი კო­რო­ნა­ვირუს­თან ბრძო­ლის პრო­ცეს­ში სა­ხელ­მწი­ფოს მხრი­დან. იყო შემ­თხვე­ვე­ბი, რო­დე­საც ისი­ნი კუთ­ვნი­ლი ხელ­ფა­სე­ბის დაგ­ვი­ა­ნე­ბის გამო პრო­ტესტს გა­მოთ­ქვამ­დნენ, მა­შინ, რო­დე­საც ინ­ფექ­ცი­ას­თან ბრძო­ლის გამო, მათი დატ­ვირ­თვა გა­ი­ზარ­და და ხელ­ფა­სიც უნდა გაზ­რდო­დათ. პრობ­ლე­მაა ისიც, რომ ქვე­ყა­ნა­ში ექთ­ნე­ბის სე­რი­ო­ზუ­ლი დე­ფი­ცი­ტია, ექიმ­მა რაც არ უნდა კარ­გად წარ­მარ­თოს მკურ­ნა­ლო­ბის პრო­ცე­სი, თუ მას კვა­ლი­ფი­ცი­უ­რი ექთა­ნი არ ჰყავს გვერ­დით, შე­დე­გის მიღ­წე­ვა წარ­მო­უდ­გე­ნე­ლია. თუ ხე­ლი­სუფ­ლე­ბა დრო­უ­ლად და­ი­წყებს სე­ზო­ნუ­რი გრი­პის ვაქ­ცი­ნა­ცი­ას, თუ ვაქ­ცი­ნე­ბის დე­ფი­ცი­ტი არ შე­იქ­მნე­ბა, რო­გორც ადრე, მა­შინ არა­ნა­ი­რი კო­ლაფ­სი არ იქ­ნე­ბა. მთა­ვა­რია სე­ზო­ნურ­მა გრიპ­მა არ გა­არ­თუ­ლოს სი­ტუ­ა­ცია, თო­რემ კო­რო­ნა­ვირუ­სის შემ­თხვე­ვებ­თან გამ­კლა­ვე­ბა შე­უძ­ლე­ბე­ლი ნამ­დვი­ლად არ არის. ასე რომ, არ ღირს გა­მო­ვი­კე­ტოთ სახ­ლებ­ში და ადა­მი­ა­ნებ­თან ურ­თი­ერ­თო­ბე­ბის გვე­ში­ნო­დეს. მთა­ვა­რია, და­ვიც­ვათ რე­კო­მენ­და­ცი­ე­ბი თი­თო­ე­ულ­მა ჩვენ­გან­მა და სი­ტუ­ა­ცია სტა­ბი­ლუ­რი იქ­ნე­ბა", - აცა­დებს მა­რი­ნა ბე­რა­ძე.