"პოლიციის მთელი განყოფილება ფეხზე იდგა... "მარშუტკაში" იპოვეს ჩემი შვილი" - რას ამბობს თბილისში დაკარგული ბიჭის მამა

დაკარგული 7 წლის ბიჭის მამა ვალერი მსმოიანი პოლიციას სწრაფი რეაგირებისთვის მადლობას უხდის. როგორც მან AMBEBI.GE-ს განუცხადა, მისი შვილი სამგორის ტერიტორიაზე, სამარშუტო ტაქსიში იპოვეს.

"ძალიან მადლიერი ვარ პოლიციის, განყოფილებაში მგონი არავინ დარჩა, ყველა ფეხზე დადგა და სამარშუტო ტაქსიში იპოვეს ჩემი შვილი. აუტისტური სპექტრის არის.

დღეს სკოლასთან ელოდებოდა დედა. ბევრი ბავშვი რომ გამოვიდა, აირია ბავშვებში და დედამ ვერ იპოვა. ბავშვს გაუჩერებია "მარშუტკა" და წაყოლია. შეშინებული არ არის, ცოტა დაბნეული თვალები აქვს" - განაცხადა ბავშვის მამამ.

ცნობისთვის, ბიჭის დაკარგვის შესახებ ინფორმაცია დღეს გავრცელდა. იგი ბოლოს სამგორის მეტროს ტერიტორიაზე ნახეს. ინფორმაციას ოჯახის ახლობლები სოციალურ ქსელში ავრცელებდნენ და საზოგადოებას დახმარებას სთხოვდნენ.