მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ რა თანხა შესწირა მმართველ და ოპოზიციურ პარტიებს და ვინ არიან ცნობილი შემომწირველები - 9 თვის მონაცემები
12:28 / 07-10-2020
"ქართულ ოცნებას" სექტემბრის თვეში 6 495 650 ლარი შესწირეს. სახელმწიფო აუდიტის სამსახურის ოფიციალურ ვებ-გვერდზე განთავსებული ინფორმაციის მიხედვით, პარტიის მიმართ ფულადი შემოწირულება 245-მა სუბიექტმა განახორციელა.
აღსანიშნავია, რომ შემომწირველებიდან 118-მა „ქართული ოცნების“ სასარგებლოდ 20 ათასი ლარიდან - 60 ათას ლარამდე გაიღო.
რაც შეეხება მიმდინარე წლის 9 თვის მონაცემებს, 1-ელი იანვრიდან 30 სექტემბრის ჩათვლით, მმართველ პარტიას თანხა სულ 549-მა სუბიექტმა ჩაურიცხა.
ოპოზიციური პარტიებიდან ყველაზე მეტი შემოწირულება პოლიტიკურ გაერთიანება „ლელო საქართველოსთვის“ აქვს. მას სექტემბრის თვეში 1 312 590,51 ლარი შესწირეს.
ოპოზიციურ პარტიებს შორის შემოწირულების კუთხით მეორე ადგილზეა „გიორგი ვაშაძე-სტრატეგია აღმაშენებელი“, რომლის შემოწირულობამ სექტემბერში 1 172 837 ლარი შეადგინა.
მესამე ადგილზეა, „ერთიანი ნაციონალური მოძრაობა“, რომელსაც გასულ თვეს 665 400 ლარი ჩაურიცხეს. „ევროპული საქართველოს“ სექტემბრის თვის შემოწირულობამ კი 408 031,3 ლარი შეადგინა.
რაც შეეხება კონკრეტული პარტიების შემომწირველების ოდენობას, სახელმწიფო აუდიტის სამსახურის ინფორმაციით, „ლელოს“ თანხა 59-მა სუბიექტმა შესწირა, მათ შორის 35-მა მათგანმა პარტიას 20 ათასი ლარიდან 60 ათას ლარამდე ჩაურიცხა.
„სტრატეგია აღმაშენებლს“ თანხა ჯამში 36-მა სუბიექტმა ჩაურიცხა, მათ შორის 24-მა პარტიას 20 ათასი ლარიდან 60 ათას ლარამდე შესწირა.
„ერთიან ნაციონალურ მოძრაობას“ სექტემბრის თვეში, ჯამში, თანხა 90-მა სუბიექტმა შესწირა, მათ შორის 9 მათგანმა პარტიას 20 ათასი ლარიდან 60 ათას ლარამდე ჩაურიცხა. შემომწირველებს შორისაა ოპერისა და ბალეტის თეატრის სამხატვრო ხელმძღვანელი ნინო ანანიაშვილი, რომელმაც პარტიას 60 ათასი ლარი შესწირა. ასევე, გაერთიანებული ოპოზიციის მაჟორიტარი დეპუტატობის კანდიდატი ცეზარ ჩოჩელი, რომელმაც პარტიის მიმართ 55 ათასი ლარი გაიღო. მსახიობმა გოგოლა კალანდაძემ პარტიას 30 ათასი ლარი ჩაურიცხა. ხატია დეკანოიძემ კი 18 ათასი ლარი. შემომწირველებს შორისაა დიმიტრი შაშკინიც, რომელმაც პარტიას 2625 ლარი შესწირა.
რაც შეეხება მიმდინარე წლის 9 თვის მონაცემებს, 1-ელი იანვრიდან 30 სექტემბრის ჩათვლით, „ერთიან ნაციონალურ მოძრაობას“ თანხა სულ 279-მა სუბიექტმა ჩაურიცხა.
„ევროპულ საქართველოს“ კი თანხა 63- მა სუბიექტმა ჩაურიცხა, მათ შორის 6-მა მათგანმა პარტიას 20 ათასი ლარიდან 60 ათას ლარამდე შესწირა. შემომწირველებს შორისაა: პარტიის წევრი ოთარ კახიძე, რომელმაც პარტიას 4 ათასი ლარი შესწირა. მარიამ რამინაშვილი, რომელმაც პარტიის მიმართ 5 ათასი ლარი გაიღო. ირაკლი კიკნაველიძემ პარტიას 4998.50 ლარი შესწირა. ზურაბ ჭიაბერაშვილმა 3 ათასი ლარი გაიღო, გიორგი კანდელაკმა და გიორგი აბაშვილმა კი 5 ათას - 5 ათას ლარი შესწირეს.
რაც შეეხება მიმდინარე წლის 9 თვის მონაცემებს, 1-ელი იანვრიდან 30 სექტემბრის ჩათვლით, „ევროპულ საქართველოს“ თანხა სულ 135-მა სუბიექტმა შესწირა.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ლელოს,ნაცებს,ოცნებას და ვითონ ევროპულ საქართველოს კი ვხდებით ვინც აფინანსებს,მაგრამ ამ ვითომ სტრატეგია აღმაშენებელს ვინ შესწირა ამდენი ფული საინტერესოა! ძალიან ბევრ ფულს ხარჯავს ეს ესემესა ვაშაძე,უამრავ რეკლამას და პიარს იკეთებს,თან გაიძახის სუფთა ხელები მაქვსო,ცოტა არალოგიკურია!
იყიდება ნაცარი. უმაღლესი ხარისხის. ფასი შეთანხმებით, გარანტია 4 წელი