ხელვაჩაურში, მდინარე მეჯინისწყალში 61 წლის მალხაზ ჯაფარიძეს მესამე დღეა ეძებენ

ხელვაჩაურში მდინარე მეჯინისწყალში გაუჩინარებულ 61 წლის მალხაზ ჯაფარიძეს მესამე დღეა ეძებენ.

საგანგებო სიტუაციების მართვის სამსახურის თანამშრომლები, სამძებრო სამუშაოებს როგორც მდინარეში, ასევე ზღვაზე ახორციელებენ.

როგორც ცნობილია, სტიქიის ღამეს მალხაზი და მისი თანმხლები პირი ხელვაჩაურში სოფელ სატეხიაში მსუბუქი ავტომობილით გადაადგილდებოდნენ და უეცრად მდინარიდან მოვარდნილმა წყალმა მანქანა გაიტაცა. მალხაზის გვერდით მჯდომმა პირმა გადასვლა მოასწრო, თუმცა თავად მდინარეში გაუჩინარდა.

მაშველებმა მსუბუქი ავტომობილი იპოვეს, თუმცა მალხაზი შიგნით არ დახვდათ. მალხაზ ჯაფარიძე აჭარის ავტონომიური რესპუბლიკის უმაღლესი საბჭოს თანამშრომელია, იგი მძღოლის პოზიციაზე მუშაობს.

ცნობისთვის, ხელვაჩაურში სტიქიამ 5 ადამიანის სიცოცხლე იმსხვერპლა, მათ ცხედრები უკვე ნაპოვნია.

• "ასე მგონია, ახლაც გვეხუმრება და სადაცაა გამოჩნდება" - 61 წლის მამაკაცი, რომელსაც ხელვაჩაურში, მდინარეში ეძებენ, აჭარის უმაღლესი საბჭოს თანამშრომელია