გიორგი შაქარაშვილის მკვლელობაში ბრალდებულებმა ნაფიც მსაჯულთა სასამართლოზე უარი განაცხადეს
ფეხბურთელ გიორგი შაქარაშვილის მკვლელობის ბრალდებით დაკავებულმა ბრალდებულებმა ნაფიც მსაჯულთა სასამართლოზე უარი განაცხადეს.
სისხლის სამართლის საპროცესო კოდექსის თანახმად, აღნიშნული უფლების რეალიზების საშუალება მხოლოდ სრულწლოვნებს აქვთ, შესაბამისად, ნაფიც მსაჯულთა სასამართლოს მიერ საქმის განხილვაზე უარი არჩილ გაგნიძემ, ვახტანგ ჩიქოვანმა და ნიკოლოზ რევაზიშვილმა განაცხადეს.
ადვოკატების განცხადებით, ბრალდების მხარემ საზოგადოებაში დაუსაბუთებელი განცხადებებით უკვე შექმნა საზოგადოებრივი მცდარი აზრი, რომელიც საქმეში არსებულ მტკიცებულებებს არ შეესაბამება, რის გამოც, ნაფიცი მსაჯულების არჩევა, ანუ საზოგადოების მხრიდან მართლმსაჯულების განხორციელება შეიცავს მაღალ რისკს, რომ მოხდეს უდანაშაულო ადამიანების მსჯავრდება.
ამ წუთებში, მცხეთის რაიონული სასამართლო საქმის არსებითად გადაცემაზე მსჯელობს.
ცნობისთვის, ფეხბურთელ გიორგი შაქარაშვილის მკვლელობის საქმეზე 5 პირი: ნიკოლოზ რევაზიშვილი, არჩილ გაგნიძე, ზ.ხ., ა.ქ. და ვახტანგ ჩიქოვანი არიან ბრალდებულები.
"ორ დღეში მივიღე გადაწყვეტილება, მიმეტევებინა.. ვლოცულობდი მისთვის და მისი ოჯახისთვის" - რას ჰყვება სმიტების ოჯახის შემზარავი მკვლელობის შესახებ რაიან სმიტის დედა
"ექსპერტიზის დასკვნა თავდაყირა აყენებს ბრალდების ვერსიას, თითქოს 5 ადამიანი იყო მდინარის პირას ჩასული და მათ ჩააგდეს შაქარაშვილი წყალში" - ადვოკატი
