მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კორონავირუსით გარდაცვლილ ორივე პაციენტს მძიმე თანმხლები დაავადებები ჰქონდა - რა ვითარებაა ბათუმის კლინიკებში
15:00 / 22-09-2020
ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, კორონავირუსით გარდაცვლილ ორივე პაციენტს მძიმე თანმხლები დაავადებები ჰქონდა. მისივე თქმით, გარდაცვლილთაგან ერთი ბათუმში მკურნალობდა, ხოლო მეორე ქუთაისიდან იყო ბათუმში გადაყვანილი.
„გარდაიცვალა 2 პაციენტი. აქედან, ერთ-ერთი 67 წლის მამაკაცი, რომელიც ბათუმის რესპუბლიკურ საავადმყოფოში მკურნალობდა, იყო კრიტიკულად მძიმე, ჰქონდა სხვადასხვა თანმხლები დაავადება ესენია: არტერიული ჰიპერტენზია, ინსულტი, შაქრიანი დიაბეტი, ქრონიკული მოციმციმე არითმია და შესაბამისად, ამ პაციენტის მდგომარეობიდან გამოყვანა ვერ მოხერხდა.
მეორე გარდაცვლილ პაციენტსაც მძიმე თანმხლები დაავადებები ჰქონდა, ესენია: შაქრიანი დიაბეტი, ინსულტი, თავის ტვინის ქერქის ატროფია, ორმხრივი მწვავე პნევმონია, გულის იშემიური დაავადება და შესაბამისად, მისი გადარჩენაც ვერ მოხერხდა“, - განაცხადა ინფექციური მარინა ენდელაძემ.
ცნობისთვის, ბათუმის რესპუბლიკურ საავადმყოფოში კორნავირუსით ინფიცირებული 160 პაციენტიდან 21 რეანიმაციულ განყოფილებაშია მოთავსებული.
როგორც ბათუმის რესპუბლიკური საავადმყოფოს ექიმი გია კიკაბიძე ჟურნალისტებთან საუბრისას აცხადებს, 21-დან ოთხის მდგომარეობა მძიმეა.
მისი ინფორმაციით, ხუთ პაციენტს ჟანგბადი მუდმივად მიეწოდება.
„21 პაციენტი რეანიმაციაში გვყავს, აქედან ოთხი აპარატზე იმყოფება. აქვთ ორმხრივი პნევმონია, ფილტვის ქსოვილის დიდი ნაწილი დაზიანებულია. მათი მდგომარეობა მძიმეა. ხუთ პაციენტს მუდმივ რეჟიმში მიეწოდება ჟანგბადი, დანარჩენი პაციენტების მდგომარეობა შედარებით სტაბილურია", - განაცხადა გია კიკაბიძემ.
გარდა ამისა, ბათუმის სამშობიარო საავადმყოფოში კორონავირუსით ინფიცირებული ფეხმძიმეების რაოდენობა 21-მდე გაიზარდა. როგორც კლინიკის ექიმი ნუგზარ პაპავა აცხადებს, კლინიკაში ასევე დედა და ახალშობილი ბავშვი იმყოფება, რომლებიც გუშინ შეიყვანეს.
"ქალს საკეისრო კვეთა სხვა კლინიკაში გაუკეთდა, დედა არის ინფიცირებული, რაც შეეხება ახალშობილს, მას ლაბორატორიული კვლევისთვის ნიმუშს დღეს ავუღებთ. სხვა ინფიცირებული ფეხმძიმე ქალბატონების მდგომარეობა სტაბილურია, უსიმპტომოდ მიმდინარეობს", - აცხადებს ნუგზარ პაპავა.
ცნობისთვის, საქართველოში კორონავირუსით ინფიცირების შემთხვევათა რაოდენობა 3913-ს შეადგენს, საიდანაც 1574 უკვე გამოჯანმრთელდა, ხოლო 22 ადამიანი გარდაიცვალა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბათუმის კლინიკებს არც მამა და არც დედა ყავს!