მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
20 ფეხმძიმე და 32 ბავშვი - კორონავირუსით ინფიცირებული რამდენი პაციენტი მკურნალობს ბათუმის კლინიკებში და რა ვითარებაა რეგიონში
14:07 / 20-09-2020
ბათუმის სამშობიარო სახლში კორონავირუსით ინფიცირებული ფეხმძიმე ქალების რაოდენობა გაიზარდა. როგორც კლინიკის ექიმი ნუგზარ პაპავა "ინტერპრესნიუსთან" საუბრისას აცხადებს, კლინიკაში 20 ფეხმძიმე ქალია მოთავსებული, მათი ჯანმრთელობის მდგომარეობა სტაბილურია.
"ჩვენს კლინიკაში ფეხმძიმე ქალბატონების რაოდენობა 20-მდე გაიზარდა. მათი ჯანმრთელობის მდგომარეობა სტაბილურია. მეთვალყურეობის ქვეშ იმყოფებიან. ფაქტობრივად უსიმპტომოდ მიმდინარეობს", - აცხადებს ნუგზარ პაპავა
ამასთან, ბათუმის ინფექციურ საავადმყოფოში კორონავირუსით ინფიცირებული არასრულწლოვნების რაოდენობა 32-მდე გაიზარდა, აქედან ორს პნევმონია აღენიშნება.
როგორც კლინიკის დირექტორი ციური აბულაძე აცხადებს, ინფიცირებული ყველაზე პატარა 9 თვის ბავშვია.
"ინფექციურ საავადმყოფოში ამ ეტაპზე 57 დადასტურებული კოვიდინფიცირებული პაციენტი გვყავს. აქედან 32 არასრულწლოვანია. ყველაზე პატარა 9 თვის პაციენტი გვყავს. ორ არასრულწლოვანს მსუბუქი ფორმით აღენიშნება პნევმონია.ყველა ბავშვის ჯანმრთელობის მდგომარეობა დამაკმაყოფილებელია. 10 ზრდასრულ პაციენტს აღენიშნება პნევმონია. მძიმე პაციენტები არ გვყავს", - განაცხადა ციური აბულაძემ.
ცმობისთვის, ბათუმის სამედიცინო დაწესებულებებში კორნავირუსით ინფიცირებული 519 პაციენტი მკურნალობს. აჭარის ჯანდაცვის სამინისტროს ინფორმაციით, კოვიდ კარანტინებში მეთვალყურეობას 377 პაციენტი გადის.
უწყების ცნობით, გასული 24 საათის განმავლობაში აჭარაში ჩატარდა 4 000-მდე PCR ტესტი.
„გამოვლინდა 128 ახალი დადასტურებული შემთხვევა.
დღეს არსებული მონაცემებით, სამედიცინო დაწესებულებებში მკურნალობის კურსს გადის 519 პაციენტი, კოვიდ კარანტინებში მეთვალყურეობაზე იმყოფება 377 პაციენტი.
ახალ შემთხვევებთან ერთად გვაქვს პოზიტიური შედეგებიც, საკარანტინო სივრციდან გამოჯანმრთელდა და ბინაზე გაეწერა 34 პაციენტი. სტაციონარი დატოვა ორმა გამოჯანმრთელებულმა პაციენტმა. ამ რიცხვს დღეს სავარაუდოდ, კიდევ 2 პაციენტი დაემატება", - აცხადებენ უწყებაში.
აჭარის საზოგადოებრივი ჯანდაცვის ცენტრის დირექტორის მოადგილის ნონა ეფაძის განცხადებით კი, მოლოდინი აქვთ, რომ აჭარაში უახლოეს დღეების კორონავირუსის შემთხვევები იკლებს.
"ყველა შემთხვევის მიდევნება ხდება. ყველა სტრუქტურა კოორდინაციაშია. რამდენიმე ე. წ კლასტერული დაჯგუფება შეიძლება, ჩვენთვის ეს კიდევ ეპიდემიოლოგიური დამუშავების პროცესშია. რამდენიმე შემთხვევა ჯერ კიდევ, რომელიც არის 24 საათის განმავლობაში, გვიან გადმოცემული, მიმდინარეობს ეპიდკვლევა. სტატისტიკური მონაცემების შემდეგ, გახდება ცნობილი თითოეულის წყარო.
საჭიროების შესაბამისად, წინასწარი გათვლით, პროგნოზირების საფუძველზე ხდება, როგორც საწოლ ფონდის, ასევე კოვიდკარანტინების დამატება.
იმედი გვაქვს, შეიძლება, ეს დღეები გვქონდეს ახალი შემთხვევები და წავიდეთ კლებისკენ", - განაცხადა აჭარის საზოგადოებრივი ჯანდაცვის ცენტრის დირექტორის მოადგილემ ნონა ეფაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
