მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ის სასწავლებლები, რომლებმაც სწავლა უკვე დაიწყეს, უნდა გადავიდნენ დისტანციურ სწავლებაზე" - განათლების მინისტრის მოადგილე
17:48 / 11-09-2020
ის სასწავლო დაწესებულებები, რომლებმაც სწავლა უკვე დაიწყეს, უნდა გადავიდნენ დისტანციური სწავლების ფორმატზე, - ამის შესახებ განათლების მინისტრის მოადგილემ ეკატერინე დგებუაძემ განაცხადა.
მისივე თქმით, გადაწყვეტილება ეხება როგორც საჯარო, ისე კერძო სკოლებს და ასევე უმაღლეს საგანმანათლებლო დაწესებულებებს.
„თბილისის, რუსთავის, ქუთაისის, გორის, ზუგდიდისა და ფოთის გარდა, დანარჩენ მუნიციპალიტეტებში 15 სექტემბერს სასწავლო პროცესი დაიწყება საკლასო ოთახებში და ასევე აუდიტორიებში. განათლების სამინისტრო მზადაა სასწავლო პროცესი დაიწყოს როგორც საკლასო ოთახში, ასევე დისტანციურად.
კორონავირუსის პანდემიის გამო, განათლების სამინისტრომ ზაფხულში მნიშვნელოვანი ნაბიჯები გადადგა მომხდარიყო დისტანციური სწავლების განვითარება და დღეს შეგვიძლია ვთქვათ, რომ განათლების სისტემა მზად არის იმისთვის, რომ როგორც საკლასო ოთახში, ასევე დისტანციურად წარმართოს სასწავლო პროცესი", - განაცხადა დგებუაძემ.
ჯანდაცვის მინისტრის, ეკატერინე ტიკარაძის თქმით, დიდ ქალაქებში სწავლის გადადებით სასწავლო პროცესი არ შეყოვნდება.
„ყველასთვის ცნობილია, რომ ბოლო 7 თვის განმავლობაში დღეს რეკორდული მაჩვენებელი, 87 ახალი შემთხვევა დაფიქსირდა. თუმცა, ჩვენ არაერთხელ ვისაუბრეთ, რომ შემოდგომის დადგომასთან ერთად იყო მოლოდინი, რომ ინფიცირებულთა რაოდენობა გაიზრდებოდა. ამას თან ახლდა შეზღუდვების მოხსნა, რომელიც ეპიდემიოლოგებთან და კლინიკურ ჯგუფთან იყო შეთანხმებული.
ჩვენ ამ პერიოდის განმავლობაში არაერთი მნიშვნელოვანი სამუშაო ჩავატარეთ. როგორც ჰოსპიტალურ, ასევე პირველადი ჯანდაცვის დონეზე. გაუმჯობესდა მოცულობები ლაბორატორიის, რაც ძალიან მნიშვნელოვანი იყო შემოდგომისთვის და ზამთრისთვის მოსამზადებლად, ვინაიდან ველოდებით ინფიცირებულების რაოდენობის ზრდას.
სწავლის გადავადება დიდ ქალაქებში დამყარებულია იმ პრინციპზე, რომ დიდ ქალაქებში ადამიანების მობილობა ბევრად მაღალია, აქ გვაქვს საშუალება ინერნეტიზაციიდან გამომდინარე სწავლა ჰიბრიდული მეთოდით დაიწყოს, შესაბამისად, არ მოხდება სწავლის პროცესზე შეყოვნება. ჩვენ დამატებით ვმუშაობთ განათლების სამინისტროსთან“, - განაცხადა ტიკარაძემ.
ამასთან, როგორც განათლების მინისტრის მოადგილემ ეკატერინე დგებუაძემ დღეს ბრიფინგზე განაცხადა, "კომპიუტერებისა და სახელმძღვანელოების მოსწავლეებისთვის მიწოდების პროცესს სკოლები უზრუნველყოფენ". ასევე გაგრძელდება პროექტი „ტელესკოლა“, რომლის ფარგლებშიც პირველიდან მე-12 კლასის ჩათვლით გაკვეთილები უკვე ჩაწერილია.
„სამინისტრომ უკვე უზრუნველყო სახელმძღვანელოებისა და პირველკლასელებისთვის კომპიუტერების მიწოდება. სკოლები დააორგანიზებენ კომპიუტერებისა და სახელმძღვანელოების მოსწავლეებისთვის მიწოდების პროცესს. გარდა ამისა, ზაფხულის განმავლობაში პანდემიის გამო სამინისტრო ინტენსიურად მუშაობდა პროექტ „ტელესკოლაზე“ და დღეს შეგვიძლია ვთქვათ, რომ ცხრილის მიხედვით პირველი კლასიდან მე-12 კლასის ჩათვლით უკვე არის ჩაწერილი გაკვეთილები. ასევე ეთნიკური უმცირესობებისთვის გაკვეთილები არის სომხურ და აზერბაიჯანულ ენებზე. დამატებითი საგანმანათლებლო რესურსის სახით პრობრამა გავა „პირველი არხი - განათლება“ „ტელესკოლის“ ფარგლებში.
მოსწავლეებს და მშობლებს მიეცემათ შესაძლებლობა ხელი შეუწყონ საკუთარ შვილებს გამოიყენონ დამატებითი საგანმანათლებლო რესურსი“, - განაცხადა დგებუაძემ.
ამასთან, მინისტრის მოადგილემ განმარტა, რომ სამინისტრომ შექმნა ელექტრონული ჟურნალიც, რომლითაც სკოლას ექნება შესაძლებლობა მოახდინოს როგორც დასწრების, ასევე აკადემიური მოსწრების აღნიშვნის და შეფასების პროცესი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
