მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მე ვარ ეპიდ-კონტაქტი "ქორწილის კლასტერიდან", თავს ვალდებულად ვთვლი სიცხადე შემოვიტანო სიტუაციაში"
21:10 / 10-09-2020
პრემიერ-მინისტრ გიორგი გახარიას განცხადებით, თბილისში გამართულმა ერთმა ქორწილმა კორონავირუსის გავრცელების 5 კლასტერი შექმნა. ერთ-ერთი ვერსიით, ეს მრავალრიცხოვანი წვეულება რესტორან "მრავალჟამიერში" გაიმართა, რის შემდეგაც კორონავირუსი 5 პირს დაუდასტურდა.
მედიით გავრცელდა ინფორმაცია, რომ რესტორანი დაკეტილია. მისი დაკეტვის გადაწყვეტილება მას შემდეგ მიიღეს, რაც მთავრობამ მოკლე ტექსტური შეტყობინებები გააგზავნა იმის შესახებ, რომ თუკი ვინმე იმყოფებოდა ამ რესტორანში, საკუთარი მონაცემები, უსაფრთხოების მიზნით გადაემოწმებინათ.
ერთ-ერთი პირი, რომელიც აღნიშნულ ქორწილში იმყოფებოდა სოციალურ ქსელში პოსტს აქვეყნებს. დიმიტრი ლიპარტელიანი წერს, რომ ქორწილს 42 ადამიანი ესწრებოდა.
"მე ვარ ერთ-ერთი ეპიდ-კონტაქტი ე.წ. “ქორწილის კლასტერიდან”
ამაზე საჯაროდ საუბარს ამ მოვლენების დასრულებამდე არ ვგეგმავდი, მაგრამ რადგანაც დღეს პრემიერმა ლამის მთლიანად ამ ქორწილს დააბრალა მეორე ტალღის დაწყება (რაზეც ჩვენს ეპიდემიოლოგებს ჯერ არაფერი უთქვამთ, მაგრამ სავარაუდოდ, გახარიას სიტყვას არ გადათქვამენ), თავს ვალდებულად ვთვლი, გარკვეული სიცხადე შემოვიტანო სიტუაციაში.
როცა დაინფიცირების პირველი შემთხვევები დადასტურდა, მარინა ეზუგბაიამ ამ ქორწილის აღწერისას ასეთი ფრაზა თქვა: “5 ჯგუფური შემთხვევა გვაქვს ამ 45-ში, ჯგუფური გახლავთ ფართომასშტაბიანი ქორწილიდან თბილისში”
არ გაინტერესებთ ეს "ფართომასშტაბიანი ქორწილი" რამდენ ადამიანს გულისხმობს? 42
42 ადამიანი ვიყავით ქორწილზე და ეს ყოფილა თურმე “ფართომასშტაბიანი” ღონისძიება. ქალბატონ მარინას ჰკითხეთ ერთი, “ქართული ოცნების” მაჟორიტარული სიის წარდგენას რამდენი ადამიანი დაესწრო და იყო თუ არა ესეც ფართომასშტაბიანი ღონისძიება.
რაც შეეხება უშუალოდ ქორწილს
ყველანი ვიყავით იზოლირებულ კუპეში, რომლის შესასვლელშიც გავიარეთ დეზობარიერი და გაგვიზომეს სიცხე (ამაზე ვხუმრობდი კიდევაც, აქ რომ სიცხე ამოგიგდოს და სუფრაზე ვერ მოხვდე კაცითქო). მაგიდები განლაგებული იყო ერთმანეთისგან დიდი დაშორებით და თითოეულ სუფრაზე მხოლოდ 6 ადამიანი ვისხედით. ტრადიციული ღრეობის მსგავსი სუფრიდან სუფრაზე სირბილი, განსხვავებულებით ვახტანგურების სმა და უაზრო კოცნა-ლოშნა არ გვქონია. მეტ-ნაკლებად თავშეკავებულად ვიყავით, ზოგადი ეპიდ.სიტუაციიდან გამომდინარე.
ანუ, რა გამოდის: ჩავატარეთ ღონისძიება, რომლის ჩატარების უფლებაც კანონიერად გვქონდა მონიჭებული, რომელიც ექცეოდა სახელმწიფოს მიერ გაცემული ეპიდ. რეკომენდაციების ქვეშ და რომელზეც დამსწრე არც ერთ (!) ადამიანს რაიმე ჩივილი არ აწუხებდა.
სანამ აქ ვიღაცეები ბჭობენ, კორონავირუსის ახალი შემთხვევები მოგონილი რიცხვებია თუ არა, მანამდე ჩემი ყოველი დილა სანათესაოში რეკვით და იმის გარკვევით იწყება, ვინმეს ვირუსი ხომ არ დაუდასტურა ტესტირებამ. ამჟამად ლეჩხუმში მცხოვრები ჩემი ნათესავების უმეტესობა ზუგდიდის კლინიკაში COVID-19-ის დიაგნოზით წევს.
სანამ ვიღაცეები ამ ამბავზე ღლიცინებთ, მანამდე ჩემი დღე რუტინულად საავადმყოფოში გადაყვანილ ნათესავებთან დარეკვით და მათი ამბების გამოკითხვით გრძელდება.
სანამ იმას განიცდით, რომ "ძაან თესლი გულაობები გაიმაზა", მანამდე მე ჩემი განმეორებითი ანალიზის პასუხებს ველოდები. ჩემ მაგიდაზე მყოფთაგან 3 უახლოესი ნათესავი ახლა ზუგდიდის კლინიკაში წევს (მათგან ერთი ფილტვების ანთებით), 1 პასუხს დღეს ველოდებით და 2 გადავურჩით ვირუსს.
ჰოდა, სანამ ვინმე გამოვა და მორალისტურ პედესტალზე დამხობილი დაიწყებს ღაღადს, იქამდე დაფიქრდეს, რამდენად სრულად და ზუსტად იცავს თვითონ რეკომენდაციებს? რამდენად დაუცველია იმისგან, რომ სრულიად მოულოდნელად დაურეკონ და უთხრან, რომ ეპიდ.კონტაქტია?" - წერს ლიპარტელიანი.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
no comment! იმდენად სრულყოფილი ტექსტია, კომენტარს ვერ გააკეთებს კაცი.
აბსოლუტურად ვეთანხმები და ვუთანაგრძნობ ასეთი,,თავდასხმების" გამო ამ პიროვნებას! არავინ ვართ დაზღვეული ასეთი მიმაგრებული ,,იარლიყისგან"-კლასტერობისგან დ! ძალად ახალი ,,ტალღის" მცდელ9ბა, მიუხედავად გახარიასა და ექიმებისა დმი ჩემი სიმპათიისა!