მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
შაბათი, მთვარის მეჩვიდმეტე დღე დაიწყება 21:07-ზე, მთვარე სასწორშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
„გახდი ბესტსელერის ავტორი 2020“-ის სამი გამარჯვებული უკვე დასახელდა
16:05 / 10-07-2020
„გახდი ბესტსელერის ავტორი 2020“-ის გამარჯვებულები უკვე ცნობილია. ხალხმა და ჟიურიმ არჩევანი 16 ფინალისტს შორის გააკეთა.
კონკურსის გამარჯვებულები არიან:
- ჟიურის რჩეული - ნიკოლოზ ცისკარიშვილი - „ცეცხლისწამკიდებელი“;
- ხალხისა და ჟიურის ერთობლივი არჩევანი - ქარდა ქარდუხი - „ჰერმესის დახლიდარები“;
- ხალხის რჩეული - დავით ჩომახიძე - „დეტექტივობანა“.
„გახდი ბესტსელერის ავტორი 2020“-ის მონაწილეებმა ნამუშევრის პირველად წარდგენიდან გამარჯვებამდე საკმაოდ რთული კონკურენცია გამოიარეს. გამოცდილი და კომპეტენტური ჟიურისთვისაც საკმაოდ რთული აღმოჩნდა ამ ათობით განსხვავებულ ნამუშევარში საუკეთესოების ამორჩევა.
როგორც მწერალმა დავით გაბუნიამ ჩვენთან საუბარში აღნიშნა,
„კონკურსის ძალიან დიდი სირთულე არის ის, რომ ძალიან ბევრი ტექსტია წარმოდგენილი. პირველ ტურში იყო ტექსტები, რომელიც წარმოდგენილ 21 გვერდში ძალიან კარგ შთაბეჭდილებას ტოვებდა, მაგრამ მეორე ტურში გაგრძელება სამწუხაროდ, ისეთივე კარგი აღარ იყო. მკითხველისა და ჟიურის აზრი მხოლოდ ერთ ტექსტზე დაემთხვა ერთმანეთს და ეს არის ქარდა ქარდუხის „ჰერმესის დახლიდარები“. ეს ტექსტი ძალიან საინტერესოა იმ თვალსაზრისით, რომ გამოცდილი ლიტერატორის ხელი ეტყობა, რაც შეუმჩნეველი არ დაგვრჩა. რაც შეეხება ჟიურის რჩეულს, ნიკოლოზ ცისკარიშვილის „ცეცლისწამკიდებელს“, ესეც ძალიან საინტერესო ტექსტია, ავტორიც ახალგაზრდაა. მისი ნამუშევარი საინტერესო იყო იმ კუთხით, რომ ავტორი ცდილობდა შეექმნა ჟანრული ნაწარმოები და აღწერაშიც თვითონ ასე უთითებს, მაგრამ სინამდვილეში მგონი ჟანრული კი არა, საბოლოოდ, იმაზე სერიოზული ნაწარმოები გამოუვა, ვიდრე ავტორს ჰგონია“, - აღნიშნავს დავით გაბუნია.
ჟიურის კიდევ ერთი წევრის გურამ ოდიშარიას შეფასებით, „პალიტრა L”-ის ეს პროექტი და ავტორთა მხარდამჭერი სხვა ღონისძიებები არის ის, რაც ლიტერატურას აცოცხლებს.
„რაც შეეხება კონკურსს, ჩვენ საუკეთესოს შერჩევა გაგვიჭირდა, რადგან ძალიან ბევრი ახალი ხედვით დანახული მათი სამყარო საინტერესო იყო ჩვენთვის. რა თქმა უნდა, გარკვეული ხარვეზები აქვთ, მაგრამ ეს პროცესი მათ სამომავლოდ ძალიან წაადგებათ და „პალიტრა L”-ს თავიანთ საუკეთესო მოგონებებში ყოველთვის გაიხსენებენ“, - განმარტა მან.
ლიტერატორ პაატა ჩხეიძის განმარტებით, კონკურსის ფარგლებში ჟიური ბევრ საინტერესო ტექსტს გაეცნო და ობიექტურად შეარჩია გამარჯვებულები.
„კონკურსში იყო რამდენიმე ძალიან კარგი ნაწარმოები. შევაფასეთ ობიექტურად, მოგვეცა საშუალება, რომ საუკეთესო გამოგვერჩია და თავისუფლად გვემუშავა და ვინც ჟიურის რჩეულებად დასახელდა, ვფიქრობ, ისინი ობიექტურად იმსახურებდნენ გამარჯვებას“, - აღნიშნა პაატა ჩხეიძემ.
გამომცემლობა „პალიტრა L”-ის ლიტერატურული კონკურსი „გახდი ბესტსელერის ავტორი“ მე-4 წელია ტარდება. პროექტმა არაერთი საინტერესო დამწყები და უკვე შემდგარი ავტორი აღმოაჩინა, რომელთა ნამუშევრებიც გაყიდვებით ტოპ წიგნების სიაში მოხვდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
