გი­ორ­გი შა­ქა­რაშ­ვი­ლის სა­ეჭ­ვო ვი­თა­რე­ბა­ში გარ­დაც­ვა­ლე­ბის საქ­მე, უკვე იქცა ბოლო დრო­ის ერთ-ერთ ყვე­ლა­ზე გახ­მა­უ­რე­ბულ და­ნა­შა­უ­ლად. გა­მო­ძი­ე­ბის და­წყე­ბი­დან თით­ქმის სამი კვი­რის შემ­დეგ, საქ­მე­ში პა­სუ­ხებ­ზე მეტი კი­თხვე­ბია, რო­გორც სა­გა­მო­ძი­ე­ბო პრო­ცე­სე­ბის მი­უ­კერ­ძო­ებ­ლო­ბას­თან, ისე სა­მარ­თალ­დამ­ცველ­თა პრო­ფე­სი­ო­ნა­ლიზ­მთან და­კავ­ში­რე­ბით.

• შეც­ვლი­ლი ჩვე­ნე­ბე­ბი

გან­სა­კუთ­რე­ბულ კი­თხვის ნიშ­ნებს აჩენს ფაქ­ტი, რომ საქ­მის მთა­ვარ­მა მოწ­მე­ებ­მა ჩვე­ნე­ბე­ბი არა­ერ­თხელ შეც­ვა­ლეს, თა­ნაც ისე, რომ ყო­ვე­ლი ახა­ლი ჩვე­ნე­ბა, წი­ნა­აღ­დე­გო­ბა­ში მო­დის მათ წინა ჩვე­ნე­ბას­თან და კი­დევ უფრო სა­ყუ­რა­დღე­ბოა, რომ შეც­ვლი­ლი ჩვე­ნე­ბე­ბი ბრალ­დე­ბუ­ლე­ბის სა­სარ­გებ­ლოდ მუ­შა­ობს.

ასე მა­გა­ლი­თად, გარ­დაც­ვლი­ლის უახ­ლო­ე­სი მე­გო­ბა­რი, გუ­რამ ამირ­ხა­ნაშ­ვი­ლი, რო­მე­ლიც წვე­უ­ლე­ბა­ზე გი­ორ­გი შა­ქა­რაშ­ვილ­თან ერ­თად იმ­ყო­ფე­ბო­და, თავ­და­პირ­ველ ჩვე­ნე­ბა­ში აღ­წერს, რომ თავ­დამ­სხმე­ლებ­მა იგი ძა­ლა­დო­ბის შე­დე­გად ჩა­ის­ვეს ავ­ტო­მო­ბილ­ში და თბი­ლის­ში წა­იყ­ვა­ნეს. შეც­ვლილ ჩვე­ნე­ბა­ში კი უარ­ყოფს ძა­ლა­დო­ბის ფაქტს და ამ­ბობს, რომ იძუ­ლე­ბის გა­რე­შე ჩაჯ­და თავ­დამ­სხმე­ლე­ბის მან­ქა­ნა­ში.

საქ­მის კი­დევ ერთი მთა­ვა­რი მოწ­მე ვახო ახვლე­დი­ა­ნი, რო­მე­ლიც თავ­დას­ხმამ­დე ცოტა ხნით ადრე მცხე­თის გზატ­კე­ცილ­ზე შა­ქა­რაშ­ვილ­თან ერ­თად იმ­ყო­ფე­ბო­და, თავ­და­პირ­ველ ჩვე­ნე­ბა­ში აღ­წერ­და, თუ რო­გორ და­ესხნენ თავს ავ­ტო­მო­ბი­ლი­დან გად­მო­სუ­ლი პი­რე­ბი და შემ­დეგ რო­გორ და­ე­დევ­ნენ გი­ნე­ბი­თა და მუ­ქა­რით სა­მა­ლა­ვის­კენ გაქ­ცე­უ­ლებს.

ასევე დაგაინტერესებთ

07:59 / 09-07-2020

მცხეთაში ჩხუბის და შაქარაშვილის გაუჩინარების შემდეგ, წვეულება თემქაზე გაგრძელდა - რა ფოტოებს ავრცელებს ვახო სანაია ფოტოგრაფ იაკობ ბრეგვაძის აპარატიდან

7 ივ­ლისს კი, გავ­რცელ­და ახვლე­დი­ა­ნის სრუ­ლი­ად სა­პი­რის­პი­რო ჩვე­ნე­ბა, რომ­ლის თა­ნახ­მა­დაც მოწ­მემ გა­ნა­ცხა­და, რომ "თბი­ლი­სი­დან ჩა­მო­სუ­ლებს ჩხუ­ბი არ სურ­დათ" (შე­ნიშ­ვნა: მოგ­ვი­ა­ნე­ბით, ახვლე­დი­ა­ნის ოჯახ­მა და ად­ვო­კატ­მა ჩვე­ნე­ბას­თან და­კავ­ში­რე­ბით გან­ცხა­დე­ბა გა­არ­ცე­ლეს).

ერ­თმა­ნეთ­თან შე­უ­სა­ბა­მო­ბა­შია ფო­ტოგ­რაფ ია­კობ ბრეგ­ვა­ძის მიერ მი­ცე­მუ­ლი ჩვე­ნე­ბე­ბიც. მან სულ სამ­ჯერ მის­ცა ჩვე­ნე­ბა გა­მო­ძი­ე­ბას და იდენ­ტუ­რი არ­ცერ­თი არ არის.

იმა­ზე, რომ ჩვე­ნე­ბებ­ში სა­ეჭ­ვო წი­ნა­აღ­მდე­გო­ბე­ბია, 7 ივ­ლისს გა­მარ­თულ ბრი­ფინგზე, შს მი­ნის­ტრის მო­ად­გი­ლემ, ვლა­დი­მერ ბორ­ცვა­ძე­მაც ისა­უბ­რა. მი­ნის­ტრის მო­ად­გი­ლის თქმით, თუკი და­დას­ტურ­და, რომ რო­მე­ლი­მე მოწ­მემ მარ­თლმსა­ჯუ­ლე­ბის­თვის ხე­ლის შეშ­ლის მიზ­ნით არას­წო­რი ჩვე­ნე­ბა მის­ცა, ამის შე­სა­ხებ იმ­სჯე­ლე­ბენ.

რა­ტომ იც­ვლე­ბა ჩვე­ნე­ბე­ბი და რაზე მი­უ­თი­თებს ეს ფაქ­ტი? - AMBEBI.GE-სთან სა­უ­ბარ­ში "ადა­მი­ა­ნის უფ­ლე­ბა­თა ცენ­ტრის" ად­ვო­კა­ტი ნეს­ტან ლონ­და­რი­ძე, რო­მე­ლიც ხო­რა­ვას ქუ­ჩა­ზე მოკ­ლუ­ლი და­თუ­ნა სა­რა­ლი­ძის ოჯა­ხის ად­ვო­კა­ტია, ამ­ბობს, რომ მოწ­მე­თა ჩვე­ნე­ბე­ბის არა­ა­დეკ­ვა­ტუ­რად ხში­რი ცვლი­ლე­ბა ან საქ­მის გა­ყალ­ბე­ბის მცედ­ლო­ბა­ზე მი­უ­თი­თებს, ან გა­მომ­ძი­ე­ბელ­თა არაპრო­ფე­სი­ო­ნა­ლიზ­მზე.

"აშ­კა­რაა, რომ საქ­მის არას­წო­რი წარ­მარ­თვა ხდე­ბა. ჩვენ ვხე­დავთ რო­გორ დღი­თი­დღე იც­ვლე­ბა ჩვე­ნე­ბე­ბი. ჩვე­ნე­ბის შეც­ვლა, ცხა­დია, შე­საძ­ლე­ბე­ლია, მაგ­რამ და­სა­ზუს­ტებ­ლად და არა ში­ნა­არ­სის სა­პი­რის­პი­როდ შე­საც­ვლე­ლად. აქ და­ზუს­ტე­ბას­თან არ გვაქვს საქ­მე. რაზე მი­უ­თი­თებს ეს? თუ არა ამომ­წუ­რა­ვად დას­მუ­ლი გა­მომ­ძი­ებ­ლის კი­თხვე­ბი, რაც თა­ვი­დან აგ­ვა­ცი­ლებ­და ხე­ლა­ხალ გა­მო­კი­თხვებს.

ერთი პი­რის 4-5-ჯერ და­კი­თხვა მი­უ­თი­თებს ორ რა­მე­ზე: ეს შე­იძ­ლე­ბა იყოს გა­მომ­ძი­ებ­ლის არაპრო­ფე­სი­ო­ნა­ლიზ­მი და მე­ო­რეს მხრივ, საქ­მე გვქონ­დეს სა­გა­მო­ძი­ე­ბო ორ­გა­ნო­ე­ბის მიერ მოწ­მე­ებ­ზე ირიბ მი­თი­თე­ბას­თან, რომ შეც­ვა­ლონ ჩვე­ნე­ბე­ბი. ვი­მე­ო­რებ, გან­მე­ო­რე­ბით და­კი­თხვა ჩვე­უ­ლებ­რი­ვი პრაქ­ტი­კაა, მაგ­რამ ყო­ვე­ლი შემ­დე­გი და­კი­თხვა უნდა ხდე­ბო­დეს და­სა­ზუს­ტებ­ლად და არა ჩვე­ნე­ბის ში­ნა­არ­სის არ­სობ­რი­ვად შე­საც­ვლე­ლად. წარ­მო­უდ­გე­ნე­ლია ყო­ველ­დღი­უ­რად იკი­თხე­ბოდ­ნენ მოწ­მე­ე­ბი და ყო­ველ­დღე იც­ვლე­ბო­დეს ჩვე­ნე­ბე­ბი. ამას სა­ზო­გა­დო­ე­ბა ადევ­ნებს თვალ­ყურს და ნდო­ბის ფაქ­ტო­რი სა­გა­მო­ძი­ე­ბო უწყე­ბე­ბის მი­მართ ქრე­ბა" - გვე­უბ­ნე­ბა ად­ვო­კა­ტი.

• და­უც­ვე­ლი შემ­თხვე­ვის ად­გი­ლი

ად­ვო­კა­ტი ნეს­ტან ლონ­და­რი­ძე, რო­მე­ლიც ხო­რა­ვას საქ­მე­ში ზაზა სა­რა­ლი­ძის ინ­ტე­რე­სებს იცავ­და, ამ ორ საქ­მე­ში არა­ერთ მსგავ­სე­ბას ხე­დავს. უფ­ლე­ბა­დამ­ცვე­ლი პა­რა­ლელს ავ­ლებს შემ­თხვე­ვის ად­გილ­თან მი­მარ­თე­ბა­შიც. მისი თქმით, სა­გა­მო­ძი­ე­ბო სტრუქ­ტუ­რებ­მა შემ­თხვე­ვის ად­გი­ლის დაც­ვა ვერ­ცერთ საქ­მე­ში ვერ შეძ­ლეს.

"ახლა გა­მო­ძი­ე­ბა მიმ­დი­ნა­რე­ობს იმის და­სად­გე­ნა­დაც, ხე­ლოვ­ნუ­რად დაწ­ვეს თუ შემ­თხვე­ვით გა­და­იწ­ვა ის ად­გი­ლი, სა­დაც ამირ­ხა­ნაშ­ვი­ლი იმა­ლე­ბო­და. ეს დე­ტა­ლი ძა­ლი­ან მა­გო­ნებს ხო­რა­ვას საქ­მეს, იქაც გა­ნად­გურ­და შემ­თხვე­ვის ად­გი­ლი გა­მო­ძი­ე­ბის დას­რუ­ლე­ბამ­დე. ფარ­დუ­ლი, რო­მელ­შიც ჩხუ­ბი მოხ­და, ისე და­ან­გრი­ეს, რომ ზო­მე­ბიც კი არ ჰქონ­დათ აღე­ბუ­ლი. სა­გა­მო­ძი­ე­ბო ორ­გა­ნო­ებს არ გა­უ­ტა­რე­ბი­ათ არა­ნა­ი­რი ღო­ნის­ძი­ე­ბა, რომ შემ­თხვე­ვის ად­გი­ლი ყო­ფი­ლი­ყო და­ცუ­ლი" - გვე­უბ­ნე­ბა უფ­ლე­ბა­დამ­ცვე­ლი.

და­მო­უ­კი­დე­ბე­ლი ექ­სპერ­ტის ზაზა ალ­თუ­ნიშ­ვი­ლის თქმით, ის რომ შა­ქა­რაშ­ვი­ლის საქ­მე­ში შემ­თხვე­ვის ად­გი­ლი და­ცუ­ლი არ იყო, მნიშ­ვნე­ლოვ­ნად შე­ა­ფერ­ხებს სა­გა­მო­ძი­ე­ბო პრო­ცე­სე­ბის დრო­ულ და ეფექ­ტურ წარ­მარ­თვას.

"შემ­თხვე­ვის ად­გი­ლი არ იყო და­ცუ­ლი. იქ უამ­რა­ვი ადა­მი­ა­ნი ირე­ო­და. წე­სით უნდა და­ცუ­ლი­ყო თა­ვი­დან­ვე ეს ად­გი­ლი და მხო­ლოდ სა­გა­მო­ძი­ე­ბო პრო­ცეს­ში ჩარ­თულ პი­რებს ჰქო­ნო­დათ იქ გა­და­ად­გი­ლე­ბის უფ­ლე­ბა. როცა ამ­დე­ნი ხალ­ხი ირე­ვა, უკვე გარ­თუ­ლე­ბუ­ლია ად­გი­ლის დათ­ვა­ლი­ე­რე­ბა და იმ ნივთმტკი­ცე­ბე­ბის ამო­ღე­ბა, რაც საქ­მის­თვის ძა­ლი­ან მნიშ­ვნე­ლო­ვა­ნია. ჩვენ არ ვი­ცით, რა ნივ­თე­ბია ამო­ღე­ბუ­ლი და არის თუ არა ისი­ნი კავ­შირ­ში გა­მო­ძი­ე­ბას­თან.

ყო­ველ­დღი­უ­რად ახალ-ახა­ლი ინ­ფორ­მა­ცია ჩნდე­ბა ნივთმტკი­ცე­ბებ­თან და­კავ­ში­რე­ბით. ამი­ტომ ძნე­ლია გა­დაჭ­რით რა­ი­მეს თქმა. მაგ­რამ ის ფაქ­ტი, რომ შემ­თხვე­ვის ად­გი­ლი და­ცუ­ლი არ იყო და იქ უამ­რა­ვი ადა­მი­ა­ნი ირე­ო­და, გა­არ­თუ­ლებს საგ­ნე­ბის შე­საძ­ლე­ბელ გა­ი­გი­ვე­ბას სა­ვა­რა­უ­დო დამ­ნა­შა­ვე­ებ­თან" - აცხა­დებს AMBEBI.GE-სთან ექ­სპერ­ტი.

• ზარი 112-ში - სა­მო­ხე­ლეო და­ნა­შა­უ­ლი?!

შსს-მ, 7 ივ­ლისს გა­ავ­რცე­ლა აუ­დი­ო­ჩა­ნა­წე­რი, სა­დაც ის­მის, რო­გორ ატყო­ბი­ნებს ფო­ტოგ­რა­ფი ია­კობ ბრეგ­ვა­ძე 112-ს და­ნა­შა­უ­ლის შე­სა­ხებ და რა­ტომ გა­უჩ­ნდა მას გა­მო­ძა­ხე­ბის გა­უქ­მე­ბის სურ­ვი­ლი.

ბრეგ­ვა­ძე ოპე­რა­ტორს უხ­სნის, რომ მცხე­თა­ში მიმ­დი­ნა­რე­ობს ფი­ზი­კუ­რი და­პი­რის­პი­რე­ბა, თავს და­ეს­ხათ და­ახ­ლო­ე­ბით 10 პირი, აზუს­ტებს მის ად­გილმდე­ბა­რე­ო­ბას და ითხოვს, სა­მარ­თალ­დამ­ცვე­ლე­ბი ად­გილ­ზე დრო­უ­ლად მი­ვიდ­ნენ. ჩა­ნა­წე­რი­დან ირ­კვე­ვა, რომ პატ­რულ­მა ფო­ტოგ­რა­ფის ად­გილ­სამ­ყო­ფელს ვერ მი­აკ­ვლია და შემ­თხვე­ვის ად­გილ­ზე დრო­უ­ლად მის­ვლა ვერ მო­ა­ხერ­ხა, რის გა­მოც ფო­ტოგ­რა­ფი უკ­მა­ყო­ფი­ლე­ბას გა­მოთ­ქვამს და გა­მო­ძა­ხე­ბას აუქ­მებს.

ჩა­ნა­წე­რის გავ­რცე­ლე­ბის შემ­დეგ სა­ზო­გა­დო­ე­ბა­ში უამ­რა­ვი კი­თხვა გაჩ­ნდა - და­წყე­ბუ­ლი ჩა­ნა­წე­რის ნამ­დვი­ლო­ბი­დან, დას­რუ­ლე­ბუ­ლი სა­მარ­თალ­მდაც­ველ­თა რე­ა­გი­რე­ბით.

იმ შემ­თხვე­ვა­ში თუ ჩა­ნა­წე­რის ავ­თენ­ტუ­რო­ბა დად­გინ­დე­ბა, ნეს­ტან ლონ­და­რი­ძე სა­მარ­თალ­დამ­ცავ­თა პა­სუ­ხის­მგებ­ლო­ბის სა­კი­თხის და­ყე­ნე­ბის სა­ჭი­რო­ე­ბა­ზე აკე­თებს აქ­ცენტს. ად­ვო­კა­ტის თქმით, გე­ნე­რა­ლურ­მა პრო­კუ­რა­ტუ­რამ უნდა გას­ცეს პა­სუ­ხი კი­თხვას, ხომ არ იკ­ვე­თე­ბა სა­მო­ხე­ლეო და­ნა­შა­უ­ლი.

"სა­გა­მო­ძი­ე­ბო ორ­გა­ნო­ებს თუ ეგო­ნათ, ამ ჩა­ნა­წე­რის გა­სა­ჯა­რო­ე­ბით სა­ზო­გა­დო­ე­ბა­ში დაგ­რო­ვილ კი­თხვებს გას­ცემ­დნენ პა­სუხს, შეც­დნენ - პი­რი­ქით მოხ­და. გაჩ­ნდა უამ­რა­ვი კი­თხვა, რომ­ლებ­ზეც პა­სუ­ხი ჯერ არ ჩანს. რაზე მე­ტყვე­ლებს ეს ჩა­ნა­წე­რი? სა­მარ­თალ­დამ­ცველ­თა არაპრო­ფე­სი­ო­ნა­ლიზ­მზე თუ და­ნა­შა­უ­ლის შეგ­ნე­ბულ და­ფარ­ვა­ზე?!

ის ტონი, რა ტო­ნი­თაც ფო­ტოგ­რა­ფი ითხოვს გა­მო­ძა­ხე­ბის შე­წყვე­ტას, აშ­კა­რად მი­უ­თი­თებს უკ­მა­ყო­ფი­ლე­ბა­ზე, რაც პო­ლი­ცი­ის დაგ­ვი­ა­ნე­ბით არის გა­მოწ­ვე­უ­ლი. ჩემ­თვის ეს ტონი ძა­ლი­ან მნიშ­ვნე­ლო­ვა­ნია და ვვა­რა­უ­დობ, რომ დაგ­ვი­ა­ნე­ბის შუ­ა­ლე­დი იმ­დე­ნად დიდი იყო, გა­მო­ძა­ხე­ბას აზრი და­ე­კარ­გა. რო­დე­საც ადა­მი­ა­ნი აკე­თებს შე­ტყო­ბი­ნე­ბას და ამ­ბობს, რომ 10 პი­რია ჩხუბ­ში ჩარ­თუ­ლი, რომ შე­საძ­ლოა იყ­ვნენ და­შა­ვე­ბუ­ლე­ბიც, პო­ლი­ცია რას აკე­თებს? ამ­დე­ნი ხანი ად­გილს ვერ აგ­ნებს?

აუ­ცი­ლე­ბე­ლია სა­ზო­გა­დო­ე­ბას მი­ე­წო­დოს ინ­ფორ­მა­ცია, დრო­ის რა მო­ნაკ­ვე­თი გა­დის პირ­ველ ზარ­სა და მე­ო­რე ზარს შო­რის. დრო­ის რა მო­ნაკ­ვეთ­ში გა­დის ადილ­ზე პო­ლი­ცია.

ფაქ­ტია, რომ სა­ხელ­მწი­ფოს ჰქონ­და ამ ზა­რით საკ­მა­რი­სი ინ­ფორ­მა­ცია, რომ ფეხ­ზე დამ­დგა­რი­ყო სა­გა­მო­ძი­ე­ბო უწყე­ბე­ბი და ად­გილ­ზე დრო­უ­ლად და­წყე­ბუ­ლი­ყო სა­გა­მო­ძი­ე­ბო ქმე­დე­ბე­ბი. ამ და სხვა გა­რე­მო­ე­ბე­ბის გამო, დღი­თი­დღე გვიმ­ძაფ­რდე­ბა ეჭვი, რომ საქ­მე გა­ყალ­ბე­ბუ­ლია" - აცხა­დებს ნეს­ტან ლონ­და­რი­ძე.

• საქ­მის კვა­ლი­ფი­კა­ცია

19 წლის ფეხ­ბურ­თე­ლის, გი­ორ­გი შა­ქა­რაშ­ვი­ლის გარ­დაც­ვა­ლე­ბის საქ­მე­ზე, გა­მო­ძი­ე­ბა სამი მუხ­ლით მიმ­დი­ნა­რე­ობს: თა­ვი­სუფ­ლე­ბის უკა­ნო­ნოდ აღ­კვე­თა, ძა­ლა­დო­ბა და ჯგუ­ფუ­რი ძა­ლა­დო­ბის ორ­გა­ნი­ზე­ბა. საქ­მე­ზე 17 პირს აღ­კვე­თის ღო­ნის­ძი­ე­ბის სა­ხით პა­ტიმ­რო­ბა აქვს შე­ფარ­დე­ბუ­ლი.

დღემ­დე საქ­მე არ აღ­ძრუ­ლა უშუ­ა­ლოდ ახალ­გაზ­რდა ფეხ­ბურ­თე­ლის გარ­დაც­ვა­ლე­ბის ფაქ­ტზე. რამ გა­მო­იწ­ვია 19 წლის ბი­ჭის სიკ­ვდი­ლი, რო­მელ­საც წინ უძღო­და ჯგუ­ფუ­რი ძა­ლა­დო­ბა - არც ერთი კვა­ლი­ფი­კა­ცია, რაც ამ დრო­ის­თვის არის გან­სა­ზღვრუ­ლი, ამ სა­კი­თხის გარ­კვე­ვას არ ისა­ხავს მიზ­ნად.

თბი­ლი­სის ყო­ფი­ლი მთა­ვა­რი პრო­კუ­რო­რი მაია მწა­რი­აშ­ვი­ლი მი­იჩ­ნევს, რომ გა­მო­ძი­ე­ბა გი­ორ­გი შა­ქა­რაშ­ვი­ლის გარ­დაც­ვა­ლე­ბის საქ­მეს უყუ­რებს, რო­გორც უბე­დურ შე­თხვე­ვას, რაც, მისი შე­ფა­სე­ბით, საქ­მის არას­წორ დაკ­ვა­ლი­ფი­ცი­რე­ბა­ში გა­მო­ი­ხა­ტა.

"ბავ­შვის გა­დაც­ვა­ლე­ბას­თან და­კავ­ში­რე­ბით კვა­ლი­ფი­კა­ცია არ არ­სე­ბობს. დღეს გა­მო­ძი­ე­ბა თვლის, რომ მას არ აქვს ის ცოდ­ნა და ინ­ფორ­მა­ცია, რაც მის­ცემ­და კვა­ლი­ფი­კა­ცი­ის შეც­ვლის სა­შუ­ა­ლე­ბას. გვყავს 17 და­კა­ვე­ბუ­ლი, მაგ­რამ ეს 17 და­კა­ვე­ბუ­ლი, ჩემი აზ­რით, არის სპე­ცე­ფექ­ტე­ბის ნა­წი­ლი. გვი­თხრეს, რომ აი, ჩვენ 17 ადა­მა­ი­ნი და­ვა­კა­ვეთ. უნდა და­წყე­ბუ­ლი­ყო საქ­მე სი­ცო­ცხლის მოს­პო­ბის კუ­თხით. საქ­მე თა­ვი­დან­ვე არას­წო­რი კვა­ლი­ფი­კა­ცი­ით და­ი­წყო, სწო­რედ ამი­ტომ, არ მაქვს მო­ლო­დი­ნი, რომ გა­ვარ­კვევთ გარ­დაც­ვა­ლე­ბა რამ გა­მო­იწ­ვია" - ამ­ბობს მწა­რი­აშ­ვი­ლი AMBEBI.GE-სთან სა­უბ­რი­სას.

ექ­სპერ­ტი­ზის პა­სუ­ხი, რო­მელ­მაც გი­ორ­გი შა­ქა­რაშ­ვი­ლის გარ­დაც­ვა­ლე­ბის მი­ზე­ზი უნდა და­ად­გი­ნოს, უახ­ლო­ეს დღე­ებ­ში გახ­დე­ბა ცნო­ბი­ლი. შს მი­ნის­ტრის მო­ად­გი­ლემ, ვლა­დი­მერ ბორ­ცვა­ძემ გა­ნა­ცხა­და, რომ ამის შემ­დეგ, შე­საძ­ლოა კვა­ლი­ფი­კა­ცია შე­იც­ვა­ლოს და ბრალ­დე­ბუ­ლებს ბრა­ლი და­უმ­ძიმ­დეთ.

შსს-ს ცნო­ბით, საქ­მე­ზე უწყვეტ რე­ჟიმ­ში გრძელ­დე­ბა სა­გა­მო­ძი­ე­ბო და ოპე­რა­ტი­უ­ლი მოქ­მე­დე­ბე­ბი, კერ­ძოდ: საქ­მე­ზე ჩა­ტა­რე­ბუ­ლია 450-მდე სა­გა­მო­ძი­ე­ბო და 400-მდე საპ­რო­ცე­სო მოქ­მე­დე­ბა. მათ შო­რის: გა­მო­კი­თხუ­ლია 93 პირი; ჩა­ტა­რე­ბუ­ლია 121 ჩხრე­კა-ამო­ღე­ბა; 41 პი­რის­გან აღე­ბუ­ლია დნმ-ის და დაქ­ტი­ლოს­კო­პი­უ­რი ნი­მუ­შე­ბი; ათე­უ­ლო­ბით ობი­ექ­ტი­დან გა­მო­თხო­ვი­ლია ვი­დე­ო­სათ­ვალ­თვა­ლო კა­მე­რე­ბის, და­ახ­ლო­ე­ბით, 600 სა­ა­თამ­დე ჩა­ნა­წე­რი; ამას­თან, და­ნიშ­ნუ­ლია 8 სა­ხე­ო­ბის 57 ექ­სპერ­ტი­ზა, მათ შო­რის, სა­სა­მარ­თლო-სა­მე­დი­ცი­ნო, ქი­მი­უ­რი, მიკ­რო­ნა­წი­ლა­კე­ბის, ბი­ო­ლო­გი­უ­რი, ნი­ა­და­გის, დაქ­ტი­ლოს­კო­პი­უ­რი, ტრა­სო­ლო­გი­უ­რი და სა­ინ­ფორ­მა­ციო-ტექ­ნო­ლო­გი­უ­რი ექ­სპერ­ტი­ზე­ბი.