6
მაისიდღის ზოგადი ასტროლოგიური პროგნოზი
ბრიტანელი მეცნიერების მიგნებასთან დაკავშირებით, რომლის თანახმადაც, "დექსამეტაზონი“ COVID-19-ით ინფიცირებული ადამიანების გამოსაჯანმრთელებლად ეფექტური პრეპარატია, ჯანდაცვის მსოფლიო ორგანიზაცია განცხადებას ავრცელებს.
მასში აღნიშნულია, რომ ჯანმო მიესალმება "დექსამეტაზონთან" დაკავშირებული კლინიკური კვლევების შედეგს, რომლის მიხედვითაც აღნიშნულ წამალს კრიტიკულ მდგომარეობაში მყოფი პაციენტის სიცოცხლის გადარჩენა შეუძლია.
"ეს არის პირველი პრეპარატი, რომელმაც აჩვენა, რომ შეუძლია სიკვდილიანობის შემცირება COVID-19-ით ინფიცირებულ იმ პაციენტებში, რომლებსაც ფილტვის ხელოვნური ვენტილაცია და ჟანგბადი ესაჭიროებათ.
ვულოცავ დიდი ბრიტანეთის მთავრობას, ოქსფორდის უნივერსიტეტს და ბრიტანელ ექიმებს, რომლებმაც სიცოცხლის გადამრჩენელ სამეცნიერო გარღვევაში წვლილი შეიტანეს“, - ამბობს ჯანდაცვის მსოფლიო ორგანიზაციის ხელმძღვანელი ტედროს ადჰანომ გებრეისუსი.
ცნობისთვის, გუშინ ცნობილი გახდა, რომ იაფ და ფართოდ გავრცელებულ პრეპარატ "დექსამეტაზონს" შეუძლია კორონავირუსით ინფიცირებული კრიტიკულ მდგომარეობაში მყოფი პაციენტების სიცოცხლე გადაარჩინოს.
BBC-ის ცნობით, ბრიტანელი ექსპერტები ამბობენ, რომ წამალი ეფექტურად იბრძვის ვირუსის წინააღმდეგ. მეცნიერებმა შესაბამისი კვლევა ჩაატარეს, "დექსამეტაზონთან" დაკავშირებული ცდები კვლავ მიმდინარეობს, თუმცა მკვლევარები უკვე საუბრობენ იმაზე, რომ წამალი ეფექტურია.
ბრიტანელ ექსპერტთა თქმით, კვლევამ აჩვენა, რომ "დექსამეტაზონი" 1/3-ით ამცირებს გარდაცვალების რისკს ისეთ პაციენტებში, რომელთაც ფილტვის ხელოვნური ვენტილაცია სჭირდებათ, ხოლო 1/5-ით ისეთ პაციენტებში, რომლებსაც ჟანგბადი ესაჭიროებათ.
სპეციალისტების თქმით, დიდ ბრიტანეთს ეს პრეპარატი პანდემიის დასაწყისიდანვე რომ გამოეყენებინა, შესაძლებელი იქნებოდა დაახლოებით 5 000 პაციენტის სიცოცხლის გადარჩენა.
BBC წერს, რომ ეს აღმოჩენა შეიძლება ძალიან სასარგებლო იყოს ღარიბი ქვეყნებისთვის, სადაც ვირუსით ინფიცრებულთა რაოდენობა ძალიან დიდია.
კორონავირუსის ახალი შტამი, COVID-19 ოფიციალური ვერსიით, ჩინეთის ქალაქ უხანიდან გავრცელდა. ჯანდაცვის მსოფლიო ორგანიზაციამ 11 მარტს პანდემია გამოაცხადა. ბოლო ინფორმაციით, კორონავირუსით ინფიცირებულთა რაოდენობამ, მსოფლიო მასშტაბით, 8 მილიონს გადააჭარბა, გარდაიცვალა 446,180 პაციენტი, ხოლო გამოჯანმრთელებულთა რიცხვი 4.3 მილიონია.
ამ ადამიანის აღარაფერი მჯერა...დედამიწას პატრონი რომ ჰყავდეს, ამას პასუხი უნდა აგებინონ.
დექსამეტაზონს ჩვენი ინფექციონისტები იურული ხანიდან იყენებენ !!!
გარღვევაო, კაცო, გარღვევა! ამათ შარვალი და ტვინი აქვთ გარღვეული და
რომ უბერავთ, ვერცა გრძნობენ!