მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
20 წელი ლიტერატურის ქომაგი - ჟურნალი "გზა" განახლებული ფორმატით, ლიტერატურულ ჩანართთან ერთად გამოვა
14:23 / 16-06-2020
უკვე 20-წლიანი ისტორიის მქონე ჟურნალი გზა 18 ივნისიდან ლიტერატურულ ჩანართთან ერთად გამოიცემა. ჟურნალი ამდენივე წელია, რაც აქტიურად ქომაგობს ლიტერატურას და მკითხველს სხვადასხვა ლიტერატურული საკითხავებითა და წიგნებით ანებივრებს.
სწორედ ჟურნალ „გზას“ მიყვებოდა ისეთი სერიული პროექტები, როგორიცაა ქართული ლიტერატურის სერია „ჩემი რჩეული“ და მსოფლიო პროზის საგანძური - „ჩემი რჩეული მსოფლიო“, ასევე „იკითხე ქართული“, „მსოფლიოს ხალხთა ზღაპრები“ და სხვა.
ამ გადაწყვეტილებასთან და ჟურნალის ისტორიასთან დაკავშირებით რედაქტორს, ზურაბ აბაშიძეს ვესაუბრეთ:
- ცოტა ხნის წინ "გზა" 20 წლის გახდა. ეს თარიღი კორონავირუსის შემოტევას დაემთხვა და განსაზღვრული ჩანაფიქრები გადაგვადებინა. სამაგიეროდ, თვითიზოლაციის პერიოდში თანამედროვე ლიტერატურაზე გაზრდილმა მოთხოვნამ და მკითხველების წერილებმა ამჟამად არსებული ლიტერატურული ჩანართის მოცულობის გაზრდასა და გამრავალფეროვნებაზე დაგვაფიქრა.
შევიმუშავეთ ახალი პროექტი, სახელწოდებით - "ლიტერატურული გზა", სადაც მკითხველს სხვადასხვა ჟანრის ნაწარმოებებს შევთავაზებთ, ანუ ეს იქნება "ჟურნალი ჟურნალში", საგანგებოდ მხატვრული სიტყვის მოყვარულთათვის.
ჩვენი, ერთობ ხანგრძლივი ისტორიის განმავლობაში, არაერთხელ შეგვითავაზებია სიახლე, რომელსაც მკითხველი გვიწონებდა და ინტერესით ეგებებოდა, რადგან ხედავდა, რომ გამუდმებით განვითარებასა და მასთან მეტად დაახლოებაზე ზრუნვით იყო ნაკარნახევი. ეს სიახლეები არა მარტო ჟურნალის შიგთავსს - ახალ რუბრიკებს, ამბების მიწოდების ხერხებს შეხებია, არამედ მის ფარგლებსაც გასცდა: "გზა" პირველი ჟურნალი იყო, რომელმაც მკითხველს ერთიან შეფუთვაში, ხელმისაწვდომ ფასად, წიგნები შესთავაზა.
თუმცა, თანდართულ წიგნებამდეც ვიცით, რომ ჟურნალი მნიშვნელოვან ადგილს უთმობდა მხატვრული ლიტერატურის პოპულარიზებას... ასეა, ჟურნალში მანამდეც იყო მხატვრული ლიტერატურა, აქტიურად ქვეყნდებოდა სხვადასხვა ნაწარმოები, იწერებოდა მწერლების ცხოვრება-შემოქმედებაზე...
- რომელი იყო პირველი სერიული პროექტი, რომელიც ჟურნალს გაყვა?
- თანდართულმა სერიამ - "ქართული პროზის საგანძური", სიტყვიერებასთან მის უფრო მჭიდრო კავშირს დაუდო სათავე. ამ პროექტს მოჰყვა კლასიკური და თანამედროვე ქართული მწერლობის სერია - "ჩემი რჩეული", რომლითაც 32 ავტორის 115 წიგნი გამოიცა, შემდგომ კი უცხოური ლიტერატურის სერია "ჩემი რჩეული მსოფლიო" - 43 ავტორის 280 წიგნით.
გამომცემლობა "პალიტრა L"-თან ერთად მომზადებულმა ამ სერიებმა დიდად შეუწყო ხელი წიგნის პოპულარიზაციას, ის მკითხველთა ფართო წრისთვის უფრო ხელმისაწვდომი გახადა, რადგან, ფაქტობრივად, სოციალური პროექტიც გახლდათ - ჟურნალთან ერთად, გაცილებით დაბალ ფასად სთავაზობდა წიგნებს ლიტერატურის მოყვარულთ.
- რას შესთავაზებს "გზა" მკითხველს ახალ ლიტერატურულ ჩანართში?
- ლიტერატურულ ჩანართში წიგნის "გურმანებისთვის" ბევრ "საკბილოს" შემოგთავაზებთ. უპირველეს ყოვლისა - თქვენთვის ჯერ კიდევ უცნობ, გამორჩეულ ნაწარმოებებს: როგორც ქართულს, ასევე უცხოური პროზისა და პოეზიის ახალ ნიმუშებს, გავიხსენებთ აგრეთვე, მონატრებულ კლასიკოსებს, ჩანართის ერთი "ფანჯარა" კი უცვლელად დაეთმობა საერთაშორისო ბესტსელერთა რიგიდან არჩეულ რომანს, რომელიც ყველა კატეგორიის მკითხველს უდიდეს სიამოვნებას მიანიჭებს.
ამჯერად ეს რომანია ბრიტანელი კრისტოფერ პრისტის "პრესტიჟი", რომლის პოპულარობაც ამავე სახელწოდების ფილმის დიდი წარმატების საფუძვლადაც იქცა.
მაშ, ასე, ვიწყებთ ახალ პროექტს - "ლიტერატურული გზა", რომელიც ჟურნალ "გზის" მკითხველისთვის იქნება გზა ნამდვილ ლიტერატურაში!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
