მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"COVID-19 ძალას კარგავს" - იტალიელ ექიმებს პოზიტიური პროგნოზი აქვთ, ქვეყანაში ინფიცირებულთა რაოდენობა მკვეთრად იკლებს
12:53 / 01-06-2020
კორონავირუსის პანდემიის გამოცხადებიდან სამი თვის შემდეგ, იტალიელი ექიმები აცხადებენ, რომ COVID-19-მა ძალა დაკარგა და ის აღარ არის იმდენად ლეტალური, როგორიც თვეების წინ იყო. ამის შესახებ სააგენტო "როიტერსი“ წერს.
აღსანიშნავია, რომ აღნიშნულზე საუბრობენ იტალიის ჩრდილოეთ რეგიონში მომუშავე მედიკოსები. საზოგადოებისთვის ცნობილია, რომ კორონავირუსმა ყველაზე მძიმე გავლენა სწორედ იტალიის ჩრდილოეთ ნაწილზე, კონკრეტულად კი, ლომბარდიის რეგიონზე მოახდინა.
ახალი კორონავირუსის ამჟამინდელ ნაკლებ ლეტალურობაზე საუბრობს იტალიაში პოპულარული და გავლენიანი ექიმი, მილანის რაფაელეს საავადმყოფოს ინტენსიური განყოფილების ხელმძღვანელი, ალბერტო ძანგრილო.
"სინამდვილეში, კლინიკურად იტალიაში ვირუსი აღარ არსებობს“, - ამბობს ექიმი. მისივე თქმით, ზოგიერთი ექსპერტი ზედმეტ პანიკაშია ინფიცირების მოსალოდნელ მეორე ტალღასთან დაკავშირებით.
"ჩვენ უნდა დავუბრუნდეთ ნორმალურ ცხოვრებას, ქვეყანა უნდა დაუბრუნდეს ნორმალურ ცხოვრებას და ვინმემ უნდა აიღოს პასუხისმგებლობა ქვეყნის ტერორზე“, - ამბობს ძანგრილო.
იმ ფონზე, რომ იტალიის ხელისუფლება მოქალაქეებს მაქსიმალური სიფრთხილის გამოჩენისკენ მოუწოდებს და საუბრობენ იმის შესახებ, რომ გამარჯვებამდე ჯერ კიდევ დიდი დროა, კიდევ ერთი ექიმი ჩრდილოეთ იტალიის რეგიონიდან ამბობს, რომ კორონავირუსმა ძალა დაკარგა.
"ვირუსი აღარ არის დღეს ისეთი ძლიერი, როგორიც ორი თვის წინ იყო“ - ამბობს ინფექციური დაავადებების ექსპერტი, ექიმი მატეო ბასეტი, რომელიც ჯენუას სან მარტინოს საავადმყოფოში COVID-19-ით ინფიცირებულ პაციენტებს მკურნალობს.
"ნათელია, რომ COVID-19 დღეს სხვანაირი დაავადებაა“, - ამბობს ექიმი.
იტალია კორონავირუსით ინფიცირებულთა რაოდენობის მიხედვით, ამ დროისთვის მსოფლიოს მეექვსე ქვეყანაა. ბოლო ინფორმაციით, ვირუსის გავრცელებიდან დღემდე, იქ 232 997 ადამიანი დაინფიცირდა, გარდაიცვალა 33 415, ხოლო გამოჯანმრთელდა 157 507 პაციენტი. იტალია ამ დროისთვის შეზღუდვების მოხსნის ეტაპზეა და ადამიანები თანდათან ნორმალური ცხოვრების რიტმს უბრუნდებიან.
პარალელურად ძალიან ბევრს საუბრობენ ინფიცირების მოსალოდნელ მეორე ტალღაზე და ვირუსოლოგთა ნაწილი ადამიანებს ურჩევს, რომ მაქსიმალურად შეიკავონ თავი გარეთ გამოსვლისგან. ზოგიერთი შეზღუდვების მოხსნას ნაადრევად მიიჩნევს და ამბობენ, რომ შესაძლოა, ამან ქვეყანა კიდევ უფრო დიდ კატასტროფამდე მიიყვანოს.
აღსანიშნავია, რომ შეზღუდვების მოხსნის შემდეგ იტალიაში ახალი ინფიცირებულების ყოველდღიური რაოდენობა დიდად არ იზრდება. ბოლო ოთხი დღის სტატისტიკა კი ასე გამოიყურება:
- 28 მაისი - 593 ახალი ინფიცირებული
- 29 მაისი - 516 ახალი ინფიცირებული
- 30 მაისი - 416 ახალი ინფიცირებული
- 31 მაისი - 333 ახალი ინფიცირებულები
რაც შეეხება COVID-19-ით გარდაცვალების სტატისტიკას, ბოლო 4 დღის მაჩვენებელი ასეთია:
- 28 მაისი - გარდაცვალების 70 შემთხვევა
- 29 მაისი - გარდაცვალების 87 შემთხვევა
- 30 მაისი - გარდაცვალების 111 შემთხვევა
- 31 მაისი - გარდაცვალების 71 შემთხვევა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იტალიელი პარლამენტარები რომ გამოვიდნენ სიტყვით ბარანავირუსზე და გააპროტესტეს ეს აფიორა .არ უნდა უთხრათ ხალხს.აბა ვნახოთ რა დემოკრატიული პრესა ხართ.აგრეთვე ავსტრიელი ბერძენი დეპუტატები.ვნახოთ სისტემას ემსახურებით თუ ხალხს.