მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვირუსმა არც მის ოჯახს აუარა გვერდი..." - როგორ ცხოვრობს კადიროვი 10 შვილთან და მეუღლესთან ერთად, რომელიც მოდის ბიზნეშია ჩართული
09:43 / 23-05-2020
რამდენიმე დღეა რუსული მედია ავრცელებს ინფორმაციას ჩეჩნეთის ლიდერის რამზან კადიროვის მოსკოვის საავადმყოფოში ჰოსპიტალიზაციასთან დაკავშირებით. ТАСС–ის ინფორმაციით, ის სპეცრეისით გადაიყვანეს.
ამის შესახებ ერთ-ერთი სამედიცინო პერსონალისგან გახდა ცნობილი. არაოფიციალური ინფორმაციით, მას გასულ ხუთშაბათს COVID-19-ის დიაგნოზი ჩეჩნეთის მთავარ საავადმყოფოში დაუსვეს. თუმცა, ამ დროისთვის მისი ჯანმრთელობის მდგომარეობა სტაბილურია.
მისი თანაშემწე ახმედ დუდაევი გავრცელებულ ინფორმაციას უარყოფს და აცხადებს, რომ მსგავს ცნობებს სხვადასხვა მედია რეიტინგის ასაწევად იყენებს. მიმდინარე წლის იანვარში გავრცელდა ინფორმაცია, რომ ის "დროებით მიუწვდომელი იყო, რადგან უბრალო ვირუსი შეეყარა..."
რამდენიმე დღის წინ ცნობილი გახდა, რომ ჩეჩნეთის ლიდერი ყველა იმ ექიმს, ვინც ვირუსის გამო შექმნილ პრობლემებზე ხმამაღლა საუბრობდა, სამსახურიდან დათხოვნით დაემუქრა. ტრადიციულად, სოციალური ქსელის მის გვერდზე აიტვირთა საბოდიშო ვიდეოები, სადაც ექიმები საავადმყოფოში არსებული პრობლემებისა და სხვადასხვა მიმარულებით არსებული დეფიციტის გამო გამოთქმული საყვედურებისთვის ბოდიშებს იხდიდნენ და თავიანთ განცხადებებს, "ემოციას აყოლილ საყვედურებს" უწოდებდნენ...
"ასე მოაგვარა ტირანმა პრობლემა, რასაც ათეულობით ექიმის ჯანმრთელობა და სიცოცხლე ეწირება. ყველა გააჩუმა და პრობლემაც მოგვარდა. თუმცა, ვირუსმა არც მასა და მის ოჯახს აუარა გვერდი!.." – წერდნენ ინტერნეტმომხმარებლები, რომელთა ცნობითაც, ვირუსი დაუდგინდა მისი მრავალრიცხოვანი ოჯახის რამდენიმე წევრს.
ცნობისთვის, ისინი ერთ სახლში, კადიროვის მიერ დამკვიდრებული წესებით ცხოვრობენ. ნორვეგიელი მწერალი და ჟურნალისტი, ოსნე საიშტადი თავის ცნობილ წიგნში "გროზნოს ანგელოზი", რომელიც რესპუბლიკაში რუსეთ-ჩეჩნეთის პირველი ომიდან მოყოლებულ ამბებს აღწერს, რამზან კადიროვთან შეხვედრისას აღწერს, რომ ჩეჩნეთის ლიდერი მოკლე წინადადებით, დაუხვეწავი რუსულით საუბრობს, რაც ნიშნავს, რომ სკოლაში ცუდად სწავლობდა და არც შემდეგ უზრუნია განათლებაზე...
24smi.org-ის ცნობით, მან 1998 წელს მახაჩყალის უნივერსიტეტი დაამთავრა. თუმცა, ბოლო წლებში კადიროვი არაპირდაპირ, მაგრამ ძალისხმევას არ იშურებდა, რომ ოჯახის წევრებს ევროპული განათლება მიეღოთ.
მას ცოლად თანასოფლელი მედნი აიდამიროვა ჰყავს, რომელიც ახლა ჩეჩნეთსა და ჩრდილო კავკასიაში დიდი გავლენებით სარგებლობს. ის ტრადიციული მოდის მიმდევარია. ასევე დააფუძნა საკუთარი ბრენდის ხაზი Firdaws, რომლის ჩვენება ახლახან ევროპაშიც მოაწყო.
კადიროვებს 10 შვილი ჰყავთ: 6 გოგონა - აიშატი, კარინა, ხედი, ტაბარიკი, აშურა, ეიშატი და 4 ვაჟი – აბდულა, ადამი, ზელიმხანი და ახმატი. კადიროვის თხოვნით, 2006-2007 წლებში მათ ორი მოზარდი იშვილეს, რომლებიც ასევე კადიროვების სახლში ცხოვრობენ.
ქალიშვილებიდან ერთ-ერთი, აიშატ კადიროვა, დედასთან ერთად, სამოდელო ბიზნესით არის გატაცებული და Firdaws-ის ხელმძღვანელია. თებერვლის ბოლოს, მან პირველად პარიზში ჩვენება მოაწყო, რისთვისაც მამამისმა "მადლიერების ნიშნად, ჩეჩნეთის კულტურის პოპულარიზაციისთვის ღირსების ორდენით დააჯილდოვა". ადგილობრივების ნაწილმა, მას “მამა-შვილის მასკარადი” უწოდეს.
ცნობილია, რომ ის კადიროვის გამორჩეულად საყვარელი შვილია. ჩეჩნეთის ლიდერი ამაყობს იმით, რომ აიშატ კადიროვამ ყურანი ზეპირად იცის. გოგონა დღეში 9 საათი მეცადინეობდა, რომ მუსულმანების წმინდა წიგნი აეთვისებინა. 2017 წელს ის თავის კლასელს, კადიროვის მეგობრის შვილს გაჰყვა ცოლად.
ერთ-ერთი მათგანი, ტაბარიკი კი მსახიობის პროფესიით იყო გატაცებული, რამაც ჩეჩნეთის ლიდერის უკმაყოფილება გამოიწვია. მით უფრო, რომ გოგონამ ჰიჯაბის ტარებაზე უარი თქვა. საბოლოოდ, ყველაფერი ჩეჩნეთის ლიდერის გამარჯვებით დასრულდა და "გოგონა ღირსეულ, ტრადიციულ ცხოვრებას დაუბრუნდა...". სინამდვილეში, გოგონას უფლება არ მისცეს ჩეჩნური ტრადიციებისთვის გადაეხვია.
რამდენიმე ხნის წინ რამზან კადიროვის შვილებმა თავიანთ მწვრთნელს აბდულ-კერიმ ედილოვს, რომელიც შერეული საბრძოლო ხელოვნების მრავალგზის პრიზიორია, დაბადების დღეზე ახალი "პორშე პანამერა" აჩუქეს.
მან ამის შესახებ ინსტაგრამზე დაწერა და ფოტოც გამოაქვეყნა. ანტიკრემლისტური რუსული მედიის ცნობით, ის, რომ კადიროვების სასახლიდან სკანდალის ხმები არ გამოდის, მედნი კადიროვას დამსახურებაა, რადგან ის მუდმივად ცდილობს ვითარების დაბალანსებას.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სააკაშვილის ნაირი კრიმინალი და სამშობლოს მოღალატეა ეს კადიროვი ! ესეც სააკაშვილივით ჩაფლულია ბიუჯეტიდან მოპარულ ფულში !
ეს 10 შვილი ერთმა ცოლმა გაუჩინა, თუ დამხმარეებიც ჰყავდა?