მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემი რჩევაა დამაწყნარებელი დალიონ, რადგან ჩვენი შეფასებებისგან ღამით კოშმარები დაესიზმრებათ" - რა ელით მონაწილეებს და მაყურებელს „მასტერშეფის“ ახალ სეზონში
15:20 / 21-05-2020
კულინარიული მეგაშოუ "მასტერშეფი" ბრუნდება! როგორ მიმდინარეობს ქასთინგები და რას უნდა ელოდოს მაყურებელი „მასტერშეფის“ მესამე სეზონში - ამის შესახებ ჟიურის წევრები: ლუკა ნაჭყებია, ლევან კობიაშვილი და კონსტანტინე თედელური ჩვენს მკითხველს მოუყვებიან.
ლუკა ნაჭყებია:
"მესამე სეზონი იწყება და სტანდარტების ამაღლების მოლოდინი მაქვს, მაყურებელსაც და მონაწილეებსაც გეტყვით, რომ წელს ბევრად მკაცრები ვიქნებით, მივხვდი რომ წინა სეზონებში შედარებით ლმობიერი ვიყავი, წელს ამის ილუზია ნამდვილად არ უნდა ჰქონდეს არავის, ჩემი მხრიდან ეს აღარ განმეორდება.
მეტი მინდა მონაწილეებისგან, მეტი საინტერესო სიახლე მინდა მათგან კრეატიულობით დაწყებული. კარგი კულინარიის განვითარებისთვის აუცილებელია დიდი მონდომება, ხალხის ე.წ. „გაწურვა“ მინდა, ვინაიდან ვფიქრობ, ასე უფრო შეეცდებიან თავიანთი შესაძლებლობების მაქსიმუმი დადონ. ჩემი რჩევაა, დამაწყნარებლები იყიდონ, ანტიდეპრესანტებიც გამოადგებათ სავარაუდოდ, დამაძინებლებიც კარგი ვარიანტია, იმიტომ რომ ჩვენი შეფასებებისგან ღამით ბევრი კოშმარი დაესიზმრებათ.“
ლევან კობიაშვილი:
"წელს ბევრ სიახლეს ველოდებით, ნიჭიერ ადამიანებს, ვინც ჩვენს გაოცებას მოახერხებს. დასაწყისისთვის გეტყვით, რომ ქასთინგზევე საკმაოდ ძლიერი ნაკადი შეინიშნებოდა, არჩევის კრიტერიუმები შეიცვალა და რა თქმა უნდა, ვეძებთ მათ ვისაც დიდი სურვილი აქვს საკუთარი შესაძლებლობების ფართე აუდიტორიასთან წარსადგენად.
რაც მთავარია გასული ორი სეზონის შემდეგ ძალიან ბევრს გაუჩნდა სურვილი, სითამამე და გადაწყვიტეს „მასტერშეფში“ მოსვლა, რაც უკვე მისასალმებელია. წინა სეზონების მსგავსად სტანდარტული მოთხოვნები გვაქვს, თუმცა სიმკაცრე იქნება, ახალი გუნდი მოდის მოგეხსენებათ, შესაბამისად ვისურვებდი, რომ მომავალმა „მასტერშეფელებმა“ დახვეწონ თავიანთი კერძები და შესაძლებლობები რადგან უფრო კარგად წარმოაჩინონ საკუთარი თავი.“
კონსტანტინე თედელური:
"შედარებით ძლიერი კონკურსანტები მოვიდნენ წელს, გამოსწორებულია კერძების აწყობის მხარე, პროდუქტების თამაშიც გათამამებულია და სწორად არის მოწოდებული, მაგრამ ვთვლი რომ შესარჩევ ტურში ნერვიულობა ავტომატურად კერძზე აისახება.
ვნახოთ რა იქნება, ჯერჯერობით კმაყოფილი ვარ. კიდევ ერთხელ ავღნიშნავ, რომ ჯერ თვალით უნდა მიიღო საკვები, სანამ პირთან მიიტან, მანამდე ცხვირმა უნდა იგრძნოს, შემდეგ კი პირის რეცეპტორებმა, ეს ჯაჭვი აუცილებლად იქნება ჩემში, სანამ მე აქ ვიდგები. დამატებითი მოთხოვნები ალბათ უფრო გაძლიერებული იქნება, ვინაიდან ყველა წინამორბედ გამარჯვებულს, წლევანდელმა „მასტერშეფის“ ტიტულის მფლობელმა უნდა გადააბიჯოს. რჩევის სახით კი ახალ კონკურსანტებს ვეტყოდი, რომ გააზრებულად მომაწოდონ შეხამებული პროდუქტების სინთეზი.“
კულინარიული შოუ 24 მაისიდან, ყოველ კვირა დღეს გავა ეთერში. გადაცემის გენერალური სპონსორია ჰიპერმარკეტების ქსელი „გუდვილი“, ხოლო მხარდამჭერები პირველი ონლაინ კატალოგი საქართველოში - „Onoff.ge“; საკონდიტრო კომპანია - „სანდომი“; „სანტე“; „პრეზიდენტი“; „სანებო“; „სანტინო“; „სანტისიმო“; „მელოჩი ჟიზნი“; ქართული აგრო სახლი - „პლანტა“; „ბონდუელი“ და ღვინის კომპანია - „რთველისი“
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Vai tqvens patrons
სულმოუთქმელად გელით, მიყვარს ეს პროექტი ძალიან. <3