მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საპარტნიორო ფონდმა" ინფექციურ საავადმყოფოსა და ბოჭორიშვილის სახელობის კლინიკას საჩუქრად სამედიცინო ეკიპირება გადასცა
19:53 / 05-05-2020
„საპარტნიორო ფონდმა“ ინფექციური პათოლოგიისა და შიდსის ცენტრს და აკ. ვახტანგ ბოჭორიშვილის სახელობის კლინიკას საჩუქრად გადასცა ჩინეთის განსუს პროვინციის მიერ „საპარტნიორო ფონდისადმი“ მეგობრობის ნიშნად გადმოცემული სამედიცინო ეკიპირების კომპლექტები. ამის შესახებ „ინტერპრესნიუსს“ „საპარტნიორო ფონდიდან“ აცნობეს.
მათი ინფორმაციით, „საპარტნიორო ფონდის“ აღმასრულებელმა დირექტორმა დავით საგანელიძემ ქართველ მედიკოსებს დაუღალავი შრომისთვის მადლობა გადაუხადა.
„დიდ მადლობას ვუხდი ქართველ მედიკოსებს დაუღალავი შრომისთვის. „საპარტნიორო ფონდის“ მეგობრებმა ჩინეთში, განსუს პროვინციის ხელმძღვანელობამ გამოხატა მხარდაჭერა და ფონდს გამოუგზავნა სამედიცინო პირბადეები და კომბინიზონები, რომლებიც გადავწყვიტეთ, რომ საჩუქრად გადავცეთ ინფექციურ კლინიკასა და ვახტანგ ბოჭორიშვილის სახელობის კლინიკას. მოხარული ვარ, რომ გვაქვს საშუალება, ამ გზით დავაფიქსიროთ ჩვენი პატივისცემა და მოწიწება მედპერსონალისადმი და მივაწოდოთ ის ინვენტარი, რომელიც მათთვის ესოდენ საჭიროა პანდემიასთან ბრძოლაში. აქვე მადლობას ვუხდი განსუს პროვინციის მთავრობას ეპიდემიის რთულ პერიოდში „საპარტნიორო ფონდისა“ და ქართველი ხალხისადმი გამოხატული თანადგომისთვის“, - განაცხადა დავით საგანელიძემ.
ინფექციური საავადმყოფოს დირექტორმა „საპარტნიორო ფონდს“ საჩუქრისთვის მადლობა გადაუხადა და აღნიშნა, რომ დამცავი საშუალებები არის ის, რაც ყოველთვის დეფიციტშია და მათზე ყოველთვის არის დიდი მოთხოვნა .
„საპარტნიორო ფონდმა და მისმა გუნდმა დღეს საჩუქრად გადმოგვცა ყველაზე ძვირფასი, რაც კი შეიძლება, რომ დღეს ექიმს გადასცე - ეს არის დამცავი საშუალებები, პირბადეები, მაღალი დაცვის რესპირატორები და კომბინიზონები. ეს არის ის, რაც ყოველთვის დეფიციტშია და მათზე ყოველთვის არის დიდი მოთხოვნა, ვინაიდან ინფექცია გრძელდება და ჩვენ მუდმივად გვჭირდება ამ მარაგების შევსება“, - აღნიშნა ინფექციური პათოლოგიისა და შიდსის ცენტრის ხელმძღვანელმა თენგიზ ცერცვაძემ.
ბოჭორიშვილის სახელობის კლინიკის გენერალურმა დირექტორმა დავით გადელიამ კი აღნიშნა, რომ კლინიკისთვის ეს მნიშვნელოვანი საჩუქარია.
„ადამიანური რესურსი, კარგი სპეციალისტები ყოველთვის გვყავდა, მაგრამ სწორედ ამგვარი ეკიპირება ძალიან გვჭირდებოდა. ის, რაც „საპარტნიორო ფონდისგან“ მივიღეთ, ეს ჩვენთვის ძალიან მნიშვნელოვანი საჩუქარია,“ - განაცხადა დავით გადელიამ.
ფონდის ინფორმაციით, „საპარტნიორო ფონდმა“ აკ. ვახტანგ ბოჭორიშვილის კლინიკასა და ინფექციური პათოლოგიისა და შიდსის ცენტრს საჩუქრად 10 000-მდე ერთეული აღჭურვილობა გადასცა. „საპარტნიორო ფონდი“ მსგავს აქციას, საერთაშორისო პარტნიორების მხარდაჭერით, სამომავლოდაც გეგმავს.
(R)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
