მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დიდი საქმე გააკეთა ნოდარმა... ჩვენი გზები გაიყარა" - გვარამიას და მელაძის პირველი კომენტარები "მთავარსა" და "ტვ პირველში" მომხდარ ცვლილებებზე
11:52 / 04-05-2020
ბოლო პერიოდში მსოფლიო და ქართული მედიის საუბრის მთავარი თემა კორონავირუსია, თუმცა ქართულ სატელევიზიო სივრცეში მომხდარმა დიდმა გადაადგილებებმა ინტერნეტსაზოგადოებას რამდენიმე დღით დაავიწყა COVID-19.
"რუსთავი 2"-ის ყოფილი და ამჟამინდელი "მთავარი არხის" ერთ-ერთმა მთავარმა სახემ - ნოდარ მელაძემ, ახალი ტელევიზიის დაფუძნებიდან 6 თვის შემდეგ საინფორმაციო სამსახურის უფროსის პოსტი დატოვა და "ტვ პირველში" გადაბარგდა.
რამდენიმე დღის განმავლობაში მოარული ხმები, მელაძემ 20 აპრილს დაადასტურა მოკლე კომენტარით: "ბევრი წარმატება იმ მაგარ გუნდს, რომელიც რჩება ამ არხზე" - დაწერა მან "ფეისბუქზე".
გავრცელებული ინფორმაციით, ნოდარ მელაძის არხიდან წასვლის მიზეზი მასსა და გენერალურ დირექტორს, ნიკა გვარამიას შორის არსებული უთანხმოება გახდა. საინფორმაციო სამსახურის უფროსთან ერთად ტელეკომპანია დატოვეს "მთავარი არხის" ახალმა სახეებმაც: ვასილ დაბრუნდაშვილი (რომელიც "იმედიდან" გადავიდა "მთავარზე"), მაკა ანდრონიკაშვილი, რუსუდან ჯაბანიშვილი და ეკო მაღრაძე (რომელიც "რუსთავი 2"-ის ძველი შემადგენლობიდან გადავიდა "მთავარზე").
რამდენიმედღიანი მცდელობის შემდეგ AMBEBI.GE-მ ნიკა გვარამიას კომენტარის მოპოვება შეძლო. მან მელაძესთან დაპირისპირება არც უარყო და არც დაადასტურა და აღნიშნა, რომ კომპანიის შიდა სამზარეულოს გასაჯაროება მიზანშეწონილად არ მიაჩნია.
"დეტალებზე საუბარი არ მსურს. რაც ჩვენი კომპანიის საქმეა, მხოლოდ შიგნით. ჩვენ ძალიან დიდხანს ვიმუშავეთ ერთად და მგონია, რომ ძალიან დიდი საქმე გააკეთა ნოდარმა, ჯერ "რუსთავი 2"-ში და შემდეგ "მთავარ არხზე".
რაღაც წერტილში ჩვენი გზები გაიყარა და ეს, რა თქმა უნდა, ჩვეულებრივი მოვლენაა. ეს იმის წაშლის და დავიწყების შესაძლებლობას ნამდვილად არ მაძლევს, რაც მან გააკეთა" - განაცხადა გვარამიამ და AMBEBI.GE-ის ისიც უთხრა, რომ "მთავარ არხში" საინფორმაციო სამსახურის უფროსის პოზიცია, რომელიც მელაძეს ეკავა, გაუქმდა და შესაბამისად, არხზე მას ვერავინ ჩაანაცვლებს:
"ჩვენ სრულიად შეგნებულად მივიღეთ გადაწყვეტილება, რომ ეს თანამდებობა უბრალოდ აღარ არსებობს ტელევიზიაში. ნიუსს დღის განმავლობაში დღის პროდიუსერები უხელმძღვანელებენ" - გვითხრა ნიკა გვარამიამ.
"მთავარიდან" წამოსვლის მიზეზებზე საუბარი არც ნოდარ მელაძემ ისურვა. AMBEBI.GE-სთან თქვა, რომ "ყველაფერს თავისი მიზეზი აქვს":
"მე წამოვედი "მთავარი არხიდან" და არ ვფიქრობ, რომ ამ გადაწყვეტილებაზე ბევრი საუბარი სწორია. ტელეკომპანია "ტვ პირველში" ძალიან ბევრი მასშტაბური პროექტი იქნება, არხის რებრენდინგით დაწყებული, ახალი გადაცემებით დამთავრებული და ამაზე უფრო კონკრეტულად არხის დირექტორს შეუძლია საუბარი" - გვითხრა მელაძემ.
მართალია ის, "მთავარი არხიდან" წამოსვლის მიზეზებზე კონკრეტულად არ საუბრობს, თუმცა ამ გადაწყვეტილებას რომ გარკვეული უსიამოვნებები უძღოდა წინ, ამას "ფეისბუქის" პირად გვერდზე გუშინ გამოქვეყნებული სტატუსი მოწმობს:
"რა კარგია გქონდეს უნარი, დუმილით უყურო როგორ კარგავენ ადამიანები სახეს. ეს დუმილი, გეხმარება, არ გახდე მათნაირი და ხელს უწყობს მათ, კარგად გამოაჩინონ თავისი რეალური სახე! ხვალ, დღევანდელ ამბავს ყავლი გაუვა, ხვალინდელს - ზეგ, უბრალოდ სულ მაინტერესებს, ნეტა შემოხედვა თუ შერცხვებათ? დუმილი ჩემთვის ოქროა, აბა ჩალის ფასი რომ ჰქონდეს, რამდენ რამეს დაწერდა კაცი! ჩემთვის მთავარი პრინციპია ცხოვრებაში - შრომა, შრომა და შრომა. ჰოდა მე ისევ ვიშრომებ, სხვებს შეუძლია ტალახი ზილონ", - წერს მელაძე "ფეისბუქზე".
რაც შეეხება მის ახალ თანამდებობას, "TV პირველის" გენერალურმა დირექტორმა ინგა გრიგოლიამ მეგობარს და კოლეგას 21 აპრილს საჯარო პოსტით მიულოცა "ტვ პირველის" გენერალურ პროდიუსერად დანიშვნა და აღნიშნა, რომ მელაძე ტელევიზიისთვის "უდიდესი შენაძენია".
თუმცა, კულუარული ინფორმაციით, "ტვ პირველში" ნოდარ მელაძის მისვლა ინგა გრიგოლიასავით არ გახარებია ყველას. ცვლილებების მოყვარულმა მელაძემ პირველი სამუშაო დღე სამუშაო სივრცის რემონტითა და ცვლილებებით დაიწყო - ტელეკომპანიაში მიიყვანა "მთავარი არხიდან" წამოსული ზემოთხსენებული 4 ჟურნალისტი და როგორც AMBEBI.GE-ს წყარო უყვება, "ტვ პირველის" რამდენიმე ჟურნალისტს სწორედ ძველი თანამშრომლებით ჩაანაცვლებს.
სავარაუდოდ, სწორედ ეს გახდა "ტვ პირველში" შიდა დაპირისპირების მიზეზიც - ტელეწამყვანმა ნინო ჟიჟილაშვილმა "პირველის" საინფორმაციო სამსახურის უფროსის პოსტი დატოვა და გადაწყვეტილება იმით ახსნა, რომ მისი და "არხის ხელმძღვანელობის ხედვები საინფორმაციო სამსახურის განვითარების მიმართულებით, ამ ეტაპზე ერთმანეთს არ დაემთხვა".
ინგა გრიგოლიას თქმით კი, ჟიჟილაშვილი ჩვეულებრივად აგრძელებს არხზე მუშაობას, "შეიძლება ერთმანეთის აზრს არ ვიზიარებდეთ. ნოდართან არანაირ კავშირში არ არის ეს ყველაფერი" - უთხრა "ტაბულას" გრიგოლიამ და დასძინა, რომ არხზე 3 ახალი თოქ-შოუ გავა, რომელთაც ნინო ჟიჟილაშვილი, თეონა ბაკურიძე (აჭარის საზოგადოებრივი მაუწყებლიდან გათავისუფლებული წამყვანი, რომელიც "ტვ პირველზე" ცოტა ხნის წინ გადავიდა) და ნოდარ მელაძე წაიყვანენ.
მკითხველის კომენტარები /
58 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სუცრუეზე, ანგარებაზე და ბოროტებაზე აგებული ნებისმიერი ორგანიზმი იშლება ადრე თუ გვიან, მითუმეტეს როცა გვარამიას მსგავსი ნევრასტენიკი მართავს.
აუფ, რა გვეშველება აწი?