მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თვალებში ნაცრის შეყრაა... ტყუილია, რომ 350 ათას ადამიანს მივცემთ თვეში 200 ლარსო" - როგორ აფასებენ ანტიკრიზისულ გეგმას ოპოზიციონერები და ექსპერტები
18:49 / 24-04-2020
პრემიერ-მინისტრმა მთავრობის ანტიკრიზისული გეგმა წარმოადგინა. გიორგი გახარიას თქმით, ჯამში, კრიზისული მენეჯმენტისთვის ქვეყანა დახარჯავს 3 მილიარდ 500 მილიონ ლარს, საიდანაც 1 მილიარდ 35 მილიონი ლარი იქნება მოქალაქის მიზნობრივი სოციალური მხარდაჭერა, ეკონომიკაზე და მეწარმეებზე ზრუნვა იქნება 2 მილიარდ 110 მილიონი ლარი და თითოეული მოქალაქის ჯანმრთელობაზე ზრუნვის თვალსაზრისით სახელმწიფო დახარჯავს 350 მილიონ ლარს.
მთავრობის გეგმას უკვე მოჰყვა შეფასებები ოპოზიციის წარმომადგენლებისა და ექსპერტებს მხრიდან.
"ნაციონალური მოძრაობის" თავმჯდომარემ რომან გოცირიძემ "ინტერპრესნიუსთან" საუბრისას აღნიშნა, რომ ანტიკრიზისული გეგმა, რაც ახლა ჩვენ მოვისმინეთ, არის თვალებში ნაცრის შეყრა.
მისი თქმით, ტყუილია ისიც, რომ სახელმწიფო 6 თვის განმავლობაში ყოველთვიურად 200 ლარით 350 ათას ადამიანს დაეხმარება. გოცირიძის განცხადებით, მთავრობის მიერ წარმოდგენილი გეგმა პროპაგანდისტულია და საგანგებო ბიუჯეტის პარლამენტში წარდგენა სწორედ ამის გამო არ ხდება.
"ანტიკრიზისული გეგმა, რაც ახლა ჩვენ მოვისმინეთ, არის თვალებში ნაცრის შეყრა. სწორედ ამიტომ არ წარმოადგინა მთავრობამ საგანგებო ბიუჯეტი პარლამენტში, ვინაიდან ბიუჯეტში ყველაფერი ნათელი გახდებოდა. მხოლოდ სოციალური დახმარების პაკეტი უმუშევრად დარჩენილი და სახლში გამოკეტილი მილიონამდე მოქალაქისთვის შეადგენს 200 მილიონ დოლარს. ამ გაუფასურებული და გასაცოდავებული ლარის პირობებში, ეს არის სავალუტო ფონდის მიერ გადმორიცხული ერთი ტრანში, რომელიც ახლა ბიუჯეტში გრანტის სახით შემოვა. თუ დავუმატებთ მას იმ კომუნალურ შეღავათებს, მთელი დახმარების პაკეტის ღირებულება მაქსიმუმ შეიძლება იყოს 250 მილიონი დოლარი.
ტყუილია განცხადება, რომ 350 ათას ადამიანს მივცემთ თვეში 200 ლარსო. საგადასახადო სამსახურში, ვინც ახლა სამსახური დაკარგა, აღრიცხვაზე არის, დაახლოებით, 200 ათასი მოქალაქე.
რაც შეეხება ეკონომიკურ ნაწილს, ეს არის ძალიან ბუნდოვანი. ამ პროგრამის ნამდვილი სახე გამოჩნდება ბიუჯეტში, რომლის პარლამენტში წარმოდგენაც არ უნდათ ივნისის თვემდე. ანუ ანტიკრიზისულ გეგმას ამ პერიოდში პროპაგანდისტულად გამოიყენებენ და მისი რეალური ღირებულება იმდენად მწირია, რომ ამ უმძიმეს მდგომარეობაში ჩავარდნილ ჩვენს მოქალაქეებს, ჩვენს ბიზნესს და ჩვენს ქვეყანას ვერავითარ შვებას ვერ მოჰგვრის" - განაცხადა რომან გოცირიძემ.
"ახალი საქართველოს" ლიდერის გიორგი ვაშაძის თქმით, "ეს არის მოსახლეობის გასაჭირით წინასაარჩევნო სპეკულაცია".
"სამწუხაროა, რომ პანდემიის საფრთხეს ამოფარებულები, ცდილობენ, წლობით შეგვაგუონ შეზღუდვებსა და ზედამხედველობის პირობებში ცხოვრებას და რაც შეიძლება დიდი ხნით ჩვენს ხარჯზე, ჩვენს ზედამხედველებად და მმართველებად დარჩნენ, რაც არ გამოვა, რა თქმა უნდა .
შეზღუდვებითა და ხალხისთვის გროშების გადაყრით ძალაუფლების შენარჩუნება შესაძლებელი რომ ყოფილიყო, მსგავსი კომუნისტური და საბჭოთა პოლიტიკური სისტემა კრახს არ განიცდიდა, რაც წესით, უნდა იცოდნენ „ქართულ ოცნებაში“, სადაც დღესაც კომკავშირისა და ცეკას ბევრი ყოფილი ინსტრუქტორია.
ვწუხვარ, რომ ახლა უკვე ორ ფრონტზე- პანდემიასა და ძალაუფლებას დახარბებულ ავტოკრატიულ მმართველობასთან ერთდროულად მოგვიწევს ბრძოლა, რაც ჩვენი ენერგიული, გააზრებული ძალისხმევითა და ერთიანობით საქართველოსა და მისი მოქალაქეების გამარჯვებით დასრულდება", - აცხადებს გიორგი ვაშაძე.
ანტიკრიზისულ გეგმას სოციალურ ქსელში აფასებს, ექსპერტი გია ხუხაშვილი:
- "რაც ჩვენ მოვისმინეთ, უმნიშვნელო გამონაკლისის გარდა, არის სოციალური დახმარების პროგრამა და ეკონომიკის სტიმულირებასთან პრაქტიკულად კავშირი არა აქვს. სამწუხარო ის არის, რომ მთავრობის 80%-ს განსხვავებაც კი არ ესმის ეკონომიკასა და სოც. სფეროს შორის.
- კიდევ ერთხელ დავრწმუნდი, რომ განსაკუთრებით ამ რთულ ვითარებაში ივანიშვილმა უნდა მისცეს გახარიას საკუთარი გუნდის ჩამოყალიბების საშუალება. გაიყვანოს თამაშიდან თავისი პირადი მინისტრები და ინტერეს-ჯგუფები, რომლებიც, ეჭვი მაქვს, უკვე ხელებს იფშვნეტენ ამ ისედაც მწირ პაკეტში საფათუროდ" - წერს ხუხაშვილი.
მკითხველის კომენტარები /
111 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაიცანით პოლიტიკოსები, რომელებიც მუდმივად აკრიტიკებენ მთავრობას,
ამღვრევენ სიტუაციას, სძულს თავისი ქვეყანა და არაფერი სასიკეთო ქვეყნისათვის არ გაუკეთებიათ
ეს ორი . . . გასაგებია, მაგრამ,შენ მესამე . . . ო,თუ რამე იცი,გაუზიარე რაიმე კონკრეტული ვინმეს,ან მიშიკის გაუგზავნე კიევში და ისიც უკრაინას ააშენებს.