რა გესმით: იანი, თუ ლორალი? - ამ აუდიოჩანაწერმა მსოფლიო ორად გაყო

სოციალურ ქსელებში დაახლოებით ერთი წლის წინ აქტუალური იყო აუდიოჩანაწერი, საიდანაც უნდა გამოგერკვიათ, თუ რომელი სახელი გესმოდათ - იანი (Yanny), თუ ლორელი (Laurel).

მაშინ მსოფლიოს საზოგადოება ორ ნაწილად გაიყო და ყოველივე დისკუსიის საგანი გახდა. ნაწილს ლორელი, ნაწილს კი იანი ესმოდა.

იზოლაციაში ყოფნის დროს ჩანაწერმა კვლავ დაიბრუნა აქტუალობა და ადამიანები ვირუსულად აზიარებენ მას. ჩანაწერი თავდაპირველად სოციალურ ქსელ Reddit-ზე გავრცელდა. აღნიშნულ თემას მსოფლიოს ავტორიტეტულმა გამოცემებმა და ტელევიზიებმა დრო დაუთმეს და თემას სტატიები და გადაცემები მიუძღვნეს.

<iframe width="560" height="315" src="https://www.youtube.com/embed/7X_WvGAhMlQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

რეალურად, კომპიუტერული აუდიო ჩანაწერი დაბალი ხარისხისაა და ის იმგვარადაა ჩაწერილი, რომ ერთგვარ აუდიო ილუზიას ქმნის. სიდნეის ფსიქოლოგიის სკოლის პროფესორი, დევიდ ალაისი ამბობს, რომ ყოველივე ადამიანის ბგერების აღქმაზეა და ასევე იმაზეა დამოკიდებული, თუ როგორ გარემოში უსმენს აკუსტიკური თვალსაზრისით და რით უსმენს.

"ადამიანებს შეუძლია ის აღიქვან ორგვარად და გონება სხვადასხვაგვარად ირეკლავს, ორგვარ ინტერპრეტაციას აკეთებს“, - ამბობს ალაისი.

არიზონას უნივერსიტეტის მეტყველებისა და ენის პროფესორის, ბრედ სტორის თქმით, რადგანაც ჩანაწერის ხარისხი ძალიან დაბალია, მისი ორაზროვნად გაგების საშუალებას იძლევა.

ასევე ის, თუ როგორ აღიქვამთ წარმოთქმულ სახელებს დამოკიდებულია იმაზე, თუ რა საშუალებით უსმენთ მას - ტელეფონით, თუ სხვა ციფრული მოწყობილობით.

როგორც CNN წერს, თუ ჩანაწერში ლორელი გესმით თქვენ ინტერნეტ დებატების გამარჯვებული ხართ, რადგანაც სინამდვილეში მამაკაცი სწორედ ამ სახელს წარმოთქვამს.

და, თქვენ რომელი სახელი გესმით?