"ხატები გაიწმინდოს სპირტით... ლოცვები დაიწყოს საღამოს 4-ზე და ტაძრები დაიკეტოს არაუგვანეს 8 საათისა" - საპატრიარქოს დავალება ტაძრებს
საქართველოს საპატრიარქოსგან ტაძრებმა რამდენიმე რეკომენდაცია მიიღეს. ამის შესახებ ბრიფინგზე საპატრიარქოს პრესსამსახურის უფროსმა მამა ანდრია ჯაღმაიძემ ისაუბრა.
მისი თქმით, ხვალიდან ე.წ. კომენდანტის საათის გათვალისწინებით ტაძრებში ლოცვები შუადღის 4 საათზე უნდა დაიწყოს, ხოლო ყოველდღე ტაძრები უნდა დაიკეტოს არაუგვიანეს საღამოს 8 საათისა.
"ეს იმისთვის კეთდება, რომ მრევლმა "კომენდანტის საათამდე" სახლში მისვლა მოასწროს. იმ ტაძრებს, სადაც ჯერ კიდევ არ დასრულებული მეტრანახევრის დაშორების ნიშნულების გაკეთება, მათ შევახსენებ, რომ საჭიროა ამ ნიშნულების გაკეთება.
ასევე კიდევ ერთხელ ვახსენებთ, რომ მოხდეს ხშირად ხატების და სიწმინდეების სპირტით გაწმენდა ან ვარდის წყლით, რომელიც ასევე სპირტნარევია. ეს მუდმივად ხდება ეკლესიებში. ჩვენ განსაკუთრებულ ვითარებაში განსაკუთრებულ სიფრთხილეს ვიჩენთ. ყველა ტაძარს ეს დაევალა და ეს განმარტებები მიეცათ საპატრიარკოსგან" - აღნიშნა ჯაღმაიძემ.
მან ერთი კოვზით ზიარების შესახებ კიდევ ერთხელ გააკეთა კომენტარი და აღნიშნა, რომ ამ საკითხზე საპატრიარქოს პოზიცია არ შეუცვლია.
“ერთი კოვზით ზიარების პრინციპი არ შეუცვლია არც ერთ ეკლესიას, ამიტომ იქნებ დავასრულოთ ამაზე შეკითხვები. მუდმივად ვერ ვილაპარაკებთ ამაზე. სინოდმა მიიღო გადაწყვეტილება და ამაზე დამთავრდა მსჯელობა”, - განაცხადა ჯაღმაიძემ.
"თუ არ დავრჩებით სახლში, გვექნება უდიდესი მსხვერპლი... ვეღარ დავითვლით კუბოებს, ეს გინდათ?" - იმნაძე
"თქვენ მაძლევთ გარანტიას, რომ არ გჭირთ კორონავირუსი და მე არ მაავადებთ?" - დეკანოზი ანდრია ჯაღმაიძე ჟურნალისტს