მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არაყი და საუნა კორონავირუსს ამარცხებს“ - ბელორუსის პრეზიდენტის "რეკომენდაციები" COVID-19-თან საბრძოლველად
14:20 / 30-03-2020
ბელორუსი იმ მცირე ქვეყნების რიცხვს მიეკუთვნება, სადაც კორონავირუსის გამო მკაცრი შეზღუდვები არ მოქმედებს. განსხვავებით სხვა ქვეყნებისგან, ბელორუსში ისევ მიმდინარეობს საფეხბურთო მატჩები და სპორტული ტურნირების გადადების გადაწყვეტილება არ მიუღიათ.
როგორც sky.com წერს, მოედანზე ისევ დადიან გულშემატკივრები და მათ ძალიან მცირე ნაწილს უკეთია დამცავი პირბადე,
ბელორუსის საფეხბურთო ჩემპიონატის ორგანიზატორები ამბობენ, რომ არ აპირებენ მატჩების გადადებასა და სეზონის გაუქმებას. ქვეყნის ლიდერიც, ალექსანდრ ლუკაშენკოც ამავე აზრზეა.
პრეზიდენტი გასულ შაბათს ყინულის ჰოკეის მატჩს დაესწრო, თავადაც ითამაშა, მატჩის შემდეგ კი თქვა, რომ სპორტი საუკეთესო ანტივირუსული საშუალებაა.
"უმჯობესია მოკვდე ორ ფეხზე მდგომი, ვიდრე იცხოვრო მუხლებზე დაჩოქილმა“, - უთხრა ლუკაშენკომ ჟურნალისტებს.
როდესაც პრეზიდენტს ჰკითხეს, არსებობს თუ არა ისეთი რამ, რაც მას მატჩების გადადებას გადააწყვეტინებდა, მან უპასუხა - „შესაძლებელია, მაგრამ რატომ? მე არ მესმის. აქ არანაირი ვირუსი არ არის. აქ რაიმე დაფრინავს? მე ვერ ვხედავ“, - თქვა ლუკაშენკომ.
როგორც sky.com წერს, მან რამდენიმე დღით ადრე რეკომენდაცია მისცა მოსახლეობას, რომ ყოველ დღე 50 მლ არაყი დალიონ. ლუკაშენკო თვლის, რომ ამ შემთხვევაში ვირუსი ვერ მიეკარებათ. პრეზიდენტი იმასაც ურჩევს მოქალაქეებს, რომ სამსახურში დალევას თავი აარიდონ. ლუკაშენკოს რჩევა, რა თქმა უნდა, მთლიანად ეწინააღმდეგება ჯანდაცვის მსოფლიო ორგანიზაციის რეკომენდაციებს.
ბელორუსის პრეზიდენტი ასევე ურჩევს ადამიანებს, რომ რეგულარულად იარონ საუნაში, იმუშაონ მინდვრებში, მიირთვან დროულად ჯანსაღი საუზმე. მეზობელ რუსეთსა და სხვა ქვეყნებში დაწესებულ მკაცრ შეზღუდვებს კი ის აღმაშფოთებლად მიიჩნევს და „ფსიქოზად“ აფასებს.
ლუკაშენკომ ასევე პირობა დადო, რომ აუცილებლად იზეიმებენ 9 მაისს, მოეწყობა აღლუმი და მეორე მსოფლიო ომის ვეტერანები ქუჩაში გამოვლენ. როგორც ჩანს, პრეზიდენტი არ აპირებს იმის გათვალისწინებას, რომ ხანდაზმული ადამიანები ვირუსის მიმართ უფრო დაუცველები არიან.
ოფიციალური მონაცემებით ქვეყანაში კორონავირუსით 94 ადამიანია დაინფიცირებული, მათ შორის 32 გამოჯანმრთელდა, გარდაცვალების ფაქტი კი არ ფიქსირდება.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაყი, საუნა . . . ნატაშა არ გამომიტოვო, თუ გიყვარდე
ალკოჰოლი არ ვიცი და საუნა და ცხელი საერთოდ /ინჰალაცია / რომ კლავს ამ ვირუსს ვიცი
და მიშველა კიდეც