მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ მალავს, რომ აქვს ვირუსი" - კორონავირუსით ინფიცირებულებს შორის ბიზნესმენი ბენო ქაშაკაშვილი და მისი მეუღლე არიან
23:47 / 19-03-2020
კორონავირუსით ინფიცირებულ 40 ადამიანს შორის ბიზნესმენი ბენო ქაშაკაშვილია.
AMBEBI.GE-ს ინფორმაციით, ვირუსი დაუდგინდა მის მეუღლესაც, რომელიც თანაინვესტირების ფონდის ერთ-ერთი დირექტორია.
ცოტა ხნის წინ ქაშაკაშვილთან დაკავშირებით პოსტი გამოაქვეყნა ია ფარულავამ. როგორც მსახიობი წერს, ბიზნესმენი მეგობრისგან დაინფიცირდა, რომელსაც ის ვერ დაასახელებს.
"ამ წუთას ვესაუბრე ჩემს მეგობარს სასტუმრო ვინოტელის მეპატრონეს ბენო ქაშაყაშვილს რომელიც არ მალავს რომ აქვს ვირუსი და ამიტომაც ვწერ მის სახელს მისივე ნებართვით. თავს გრძნობს კარგად აქვს დაბალი სიცხე და აქეთ გვამხნევებს ყველას" - წერს ფარულავა.
ქაშაკაშვილი სწორედ იმ სასტუმროს მეპატრონეა, რომლის შესახებაც დღეს ამირან გამყრელიძეს ბრიფინგზე შეკითხვა დაუსვეს. საუბარია სასტუმრო "ვინოტელზე".
გამყრელიძემ პირის იდენტიფიცირება არ მოახდინა, თუმცა აღნიშნა, რომ ის ფლობს ინფორმაციას აღნიშნულთან დაკავშირებით და ამ პირთან დაკავშირებული ყველა კონტაქტი გამოკვლეულია:
"ეს გახლავთ პერსონალური ინფორმაცია, რა თქმა უნდა, მე ვფლობ მას და აქამდე გამოკვლეული იქნა 238 კონტაქტი ამ კონკრეტულ შემთხვევასთან დაკავშირებით, რაზეც თქვენ კითხვას მისვამთ.
ჩვენ ძალიან ჩაღრმავებულ კვლევებს ვაწარმოებთ ამასთან დაკავშირებით და სხვას მე ვერაფერს მოგახსენებთ. შემიძლია გითხრათ, ყველა ამ გამოკვლეული ადამიანის მდგომარეობა, კლინიკური მდგომარეობა დამაკმაყოფილებელია" - განაცხადა გამყრელიძემ.
რაც შეეხება, თანაინვესტირების ფონდის ერთ-ერთი დირექტორს, რომელიც ქაშაკაშვილის მეუღლეა, ის ვირუსის დადასტურებამდე თვითიზოლაციაში იმყოფებოდა.
ამის შესახებ „ინტერპრესნიუსს“ თანაინვესტირების ფონდში განუცხადეს და განმარტეს, რომ კორონავირუსით დაინფიცირებულ ქალს 10-მდე თანამშრომელთან ჰქონდა კონტაქტი, რომლებიც ამჟამად თვითიზოლაციაში იმყოფებიან. ამასთან, ფონდის ინფორმაციით, ის პირი, ვისგანაც ქალს ვირუსი გადაედო, თანაინვესტირების ფონდის თანამშრომელი არ არის, ცალკე დამოუკიდებელი პირია, რომელსაც თავის მხრივ შეხება ჰქონდა უცხოელებთან.
ბენედიქტ (ბენო) ქაშაკაშვილი სპორტსმენი და ბიზნესმენია. არის ალპინისტი, 100-ზე მეტი ასვლის მონაწილე კავკასიონზე, პამირზე, ტიან-შანზე და სხვა მასივებზე. 1999 წელს ხელმძღვანელობდა ოთხკაციან ჯგუფს, რომელმაც დალაშქრა ჯომოლუნგმა. ის არის საქართველოს ალპინიზმისა და მეკლდეურობის ასოციაციის პრეზიდენტი, ღირსებისა და ვახტანგ გორგასლის II ხარისხის ორდენების კავალერი.
რამდენიმე თვის წინ ქაშაკაშვილი საქართველოს პარლამენტში "ოცნების" სიით უნდა შესულიყო, თუმცა დეპუტატობაზე თავად თქვა უარი.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა რა უნდა უქნა ამათ, სხვებს რას ერჩოდნენ, ესენი გამოჯანმრთელდებიან და ფინანსურადაც არაფერი მოაკლდებათ და სხვებმა რა დააშავეს ასეთების გამო რომ პრობლემები შეექმნათ.
გამოჯანმრთელებას გისურვებთ ბატონო ვანო, თქვენი ჩვენი საზოგადოების ერთერთი საუკეთესოგანი ხართ....დიდხანს სიცოცხლეს და მრავალი კარგი საქმის კეთებას გისურვებთ!!!!!