მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ადამიანი - ორკესტრი" - გაიცანით ახალგაზრდა ქართველი მუსიკოსი, რომელიც ყველა ინსტრუმენტზე უკრავს და უნიკალურ პროექტებზე მუშაობს
13:10 / 22-01-2020
მკითხველს ყოველთვის აქტიურად ვაცნობთ ახალგაზრდა ნიჭიერ მუსიკოსებს, ერთ-ერთი ასეთი ლუკა შარაშენიძე გახლავთ, მას ადამიანი-ორკესტრი შევარქვი, რადგანაც თითქმის ყველა ინსტრუმენტზე უკრავს (ჩასაბერი, დასარტყამი, სიმებიანი, კლავიშებიანი), მღერის, არის მუსიკალური პროდიუსერიც, ზრუნავს როგორც თავისი მუსიკალური პროდუქტის შექმნაზე, ასევე სხვებსაც ეხმარება.
ლუკა თბილისის სახელმწიფო კონსერვატორიის სტუდენტია, მუსიკის ტექნოლოგიაზე ხმის ინჟინერიას სწავლობს. „შარშან, ერთი წელი ამავე მიმართულებით რომშიც ვსწავლობდი. ახლა ჩამოვედი და ჩვენს კონსერვატორიაში გავაგრძელე სწავლა,“ - გვეუბნება ლუკა შარაშენიძე, რომელიც როგორც აღნიშნავს, კარგი სტუდენტია, სტიპენდიანტი. რომში მიღებული ცოდნით კმაყოფილია. „იქ შევხვდი ძალიან კარგ მუსიკოსებს, ელექტრონული მუსიკის მიმართულებით ურთიერთობა მქონდა მუსიკის გურუებთან. შესაბამისად, ავიღე „ევიდის“ სერტიფიკატი, გავხდი ერთ-ერთი პროგრამის იუზერი (ამ პროგრამით პროფესიონალი მუსიკალური სამყარო მუშაობს). რაც შეეხება ჩემს მუსიკალურ კარიერას, ვაკეთებ საკუთარ მუსიკას, მაქვს ჩემი ხმის ჩამწერი სტუდია, სადაც საკუთარი მუსიკის გარდა, სხვა არტისტების მუსიკასაც ვაკეთებ. პროდიუსინგს ვუწევ მათ. იტალიაში ფიუჟენ ალბომი გავაკეთე, ქართული ფოლკლორიც არის შერეული ჯაზთან, ჰიპ-ჰოპთან და ბლუზთან ერთად. განვაგრძობ მუშაობას მოდერატო კვარტეტთან, სადაც მხოლოდ ქართულს კი არა, უცხოურ მუსიკასაც აქტიურად ვქმნით. ვიღებთ ვიდეოებს და ვთანამშრომლობთ კარგ ქართველ კომპოზიტორებთან (მაცაცო სებისკვერაძე, თეა ჯინორია, ნუნუ დუღაშვილი და ა.შ.) ახალი პროექტიც დავიწყეთ - მივიწყებული ქართული სიმღერების ახალი ინტერპრეტაცია. ოღონდ, ძალიან განსხვავებულ ჟანრში, რეგის სტილში და ბათუმში ზაფხულში დიდ კონცერტს ვაპირებთ.
- მუსიკალური ტექნოლოგიების ფაკულტეტზე რატომ ჩააბარე?
- ამ ფაკულტეტის სულისჩამდგმელი რეზო კიკნაძეა და ის უკვე 6 წელია, არსებობს. ვსწავლობდი თბილისის სახელმწიფო უნივერსიტეტში აღმოსავლეთმცოდნეობის განხრით, თურქოლოგიაზე, თუმცა მანამდე საგუნდო სადირიჟორო მაქვს დამთავრებული თორმეტწლედი ევგენი მიქალაძის სასწავლებელში. მინდოდა, საგუნდოს გავყოლოდი და რატომღაც ბოლო წელს გადავიფიქრე, მაგრამ ბოლოს ცდუნებას მაინც ვერ გავუძელი და ისევ კონსერვატორიაში ჩავაბარე, სადაც ვსწავლობ პროდიუსინგს, ელექტრონული მუსიკის კომპოზიციას, აუდიორექორდინგს, მიქსინგს, ლაივინჟინერიას, მუსიკის ისტორიას, ძირითადად ტექნოლოგიებთან გვაქვს შეხება, სინთეზატორებთან, ძირითადად ექსპერიმენტული მუსიკაა. საბოლოოდ, არჩეული მაქვს პროფილი - აუდიორექორდინგი, მიქსინგი და მასტერინგი.
- 23 წლის ხარ, ბავშვობიდან (5 წლის ასაკიდან) მუსიკას უკავშირდები (სიმღერა „მართვეში“ დაგიწყია). ეს რის საშუალებას გაძლევს?
- ჯერ ერთი, ცხოვრების სტილია და მერე ის ენერგეტიკაა, რომელიც მთლიანად გალაქტიკაშია და საერთოდ, ჩემი აზრით, ყველაფერში მუსიკაა. ექსპერიმენტულ მუსიკასაც ვქმნი და ვფიქრობ, რომ ყველაფერს თავისი ხმა აქვს და ხმის გამოცემა შეუძლია. ამიტომ, ეს ცხოვრების ძალიან საინტერესო ნაწილია.
- ე.ი. რომში სწავლით კმაყოფილი ხარ.
- კი, რომში საინტერესო კოლაბორაცია მოხდა, იქ როგორც ვთქვი, შევხვდი მუსიკოსს, კანადელ პროდიუსერს, დევიდ ლოგანს, რომელიც ცნობილ კომპოზიტორებთან მუშაობდა. ექსპერიმენტული ინტერნაციონალური ჯგუფი გაკეთდა, რომელიც სამ-სამ კაცად დაიყო. ექსპერიმენტული მუსიკა შევქმენით, რომელშიც ყველა ქვეყნის ფოლკი იყო ჩართული, ერთი ტრეკი ქართული გამოგვივიდა. ის დღეს იტალიის ერთ-ერთ რადიოში ტრიალებს. მასში ერთად არის ქართული ფოლკი, ჯაზი, ელექტრომუსიკა, ფიუჯენი და მიქსი, რაც ძალიან საინტერესოა.
- როგორია შენი სამომავლო გეგმები?
- მინდა, რომ არტისტის კარიერა ცალკე მქონდეს და პროდიუსერის - ცალკე. მქონდეს საკუთარი ლეიბლი, სადაც ქართველ არტისტებს პოპულარიზაციას გავუწევ და საზღვარგარეთ გავიტან, ყველას მოვასმენინებ. მუსიკა, რაც გაკეთდება, უნდა იყოს ქართული პროდუქტი და იყოს ქართულად.
ქართული მუსიკა ჩვენი ისტორიული განძია. განსაკუთრებულია, ყოველთვის დიდი შესაძლებლობები აქვს. ჩვენს ფოლკლორზე ყველა ქვეყნის წარმომადგენელი უცხოელები გიჟდებოდნენ. ურთულესია, განსაკუთრებულია შესასრულებლად. პირველ რიგში, რთული, ყველა ვერ ასრულებს (იაპონელებს თუ არ ჩავთვლით).
სამომავლოდ კარგად შეგვიძლია ქართული ფოლკის გამოყენება, თანამედროვე მუსიკაში ბევრი ექსპერიმენტული ჟანრი არსებობს, მაგალითად, შვიდხმიანი „ნადური“, დღემდე ამოუხსნელი გურული კრიმანჭული, რომელიც ვოკალური ჯაზის ერთ-ერთი მიმდინარეობაა.
გარდა იმისა, რომ ქართული სიმღერა რთულია, ქართველი მსმენელიც მგრძნობიარე და კომპეტენტურია, რომელსაც ვერ მოატყუებ...
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები ამ ახალგაზრდას . მოხვიდე დღემდე და იყო წარმატებული დიდი შრომის შედეგია, ხვალამდე კიდევ უფრო მეტი შრომის.
რაც შეეხება ავტორს გურულ კრიმანჭულზე ვეთანხმები დროს უსწრებს, მეტიც ფარდობითობით N 1 სიმღერაა მსოფლიოში . ვერ დავეთანხმები რომ ვოკალური ჯაზის ერთ-ერთი მიმდინარეობაა.