მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მარიამს უხარია, როცა არაფერს აკეთებს და ისვენებს..." - ნუცა სურგულაძე მის "შურისძიებასა" და "მასტერშეფის" ახალ ეპიზოდზე
10:12 / 14-12-2019
ამბიციური და შრომისმოყვარე ნუცა სურგულაძე მიზანმიმართულად მიიწევს „მასტერშეფის“ ფინალისკენ. მან ორჯერ მოიპოვა იმუნიტეტი და დავალებების განაწილების პრივილეგია. ჟიურის წევრებმა ორივე ჯერზე აღნიშნეს, რომ ნუცამ იცის „თამაშის წესები“ და სწორი სტრატეგია აქვს არჩეული.
რის მიხედვით ხელმძღვანელობს, როცა დავალებებს ანაწილებს, პროექტიდან ვისი წასვლა ეწყინა და რა ელოდება მაყურებელს "მასტერშეფის" ახალ ეპიზოდში, წაიკითხეთ ინტერვიუში:
- როგორი გრძნობაა, როცა იმუნიტეტი გაქვს და იცი, არ ვარდები?
- ძალიან მაგარი გრძნობაა. თანაც ისე ხდებოდა, რომ თავიდან ვერ ვიღებდი იმუნიტეტს, მაგრამ მერე ყველაფერი ძალიან კარგად წავიდა. სიმართლე გითხრათ, იმუნიტეტში ყველაზე მეტად ის არ მომწონს, რომ ოთახში ჯდომა მიწევს. კეთებისთვის მოვედი აქ და არა დასასვენებლად. მირჩევნია, კერძები მოვამზადო, კრიტიკა თუ შექება მივიღო, ვიდრე იქ ვიჯდე და ვუყურო, როგორ ამზადებენ სხვები. რა თქმა უნდა, ზოგს უხარია იქ ჯდომა. მაგალითად, მარიამ ქურდიანს უხარია, როცა არაფერს აკეთებს და ისვენებს...
- ჟიური აღნიშნავს, რომ სტრატეგიულად სწორად ანაწილებ დავალებებს. ამაზე რამდენად ბევრს ფიქრობ?
- პირველად რომ გავანაწილე, პატარა შურისძიება იყო მარიამ ქურდიანის მიმართ იმის გამო, რომ წინა ჯერზე მე მომცა ცუდი დავალება. მერე დავაკვირდი, რომ ყველაზე რთული დავალება სინამდვილეში ყველაზე მარტივია, რადგან მეტი მოქმედების საშუალება გაქვს. მარტივი კერძი კი იმის საშუალებას ნაკლებად გაძლევს, რომ შენი თავი მაქსიმალურად გამოავლინო. ამიტომ რაღაც ეტაპზე დავალებების განაწილების ტაქტიკა შევცვალე.
- ყველაზე რთული დავალება რომელი იყო შენთვის?
- დანის გარეშე მომზადება, თუმცა ამავე დროს, ძალიან საინტერესო გამოწვევა იყო და მიხარია, რომ თავი წარმატებით გავართვი. მახსოვს, რომ ბავშვობაში ხშირად ვიჭრიდი ხელს კონსერვის ქილის თავსახურზე. ვიფიქრე, აბა, იქნებ, ხორცი გაჭრას-მეთქი და რომ გაჭრა, ისე გამიხარდა, ვერ აღვწერ. ყველაზე მეტად ის გამიხარდა, რომ ხალხი ადრე თუ ამბობდა, ნუცა კერძის მომზადებაში ვერ იღებს იმუნიტეტს და მხოლოდ ვაშლის დაჭრაში მიიღოო, ჩემი ხორცით დავამტკიცე, რომ კერძითაც შემიძლია იმუნიტეტის მოპოვება და ყველა გავაჩუმე.
- პროექტი უკვე ხუთმა მონაწილემ დატოვა. ყველაზე მეტად ვისი წასვლა გეწყინა?
- სოფოსი, რადგან ძალიან კარგი გოგოა და კარგადაც ამზადებს. მე მგონია, რომ კარგად ვერ ჩაწვდა "მასტერშეფის" კონცეფციას, თანაც საკმაოდ ძლიერი კონკურენტები შეხვდა. რაღაც ყოველთვის ხელს უშლიდა და საკუთარი თავის გამოვლენა ისე ვერ შეძლო, როგორც სურდა. შეიძლება, ეს იმის ბრალი იყო, რომ კონკურსებში მონაწილეობის გამოცდილება არ აქვს.
- დარჩენილი კონკურსანტებიდან რომელთან ერთად ისურვებდი მუშაობას?
- აუცილებლად გაგასთან, რადგან პროფესიონალია და ძალიან უყვარს თავისი საქმე. ვფიქრობ, საკმაოდ კარგი იქნებოდა ჩემი და გაგას ტანდემი.
- ყველაზე მეტად ვინ გაგაოცა "მასტერშეფის" განმავლობაში?
- მარიამ ქურდიანმა, რადგან მოლეკულურ სამზარეულოს შეეჭიდა, სიფონები და მთელი ალქიმიის მოწყობილობები გამოიწერა, რაც სახლის მზარეულისთვის საკმაოდ უჩვეულოა.
- თავად თუ "მეგობრობ" მოლეკულურ სამზარეულოსთან?
- მიყვარს, მაგრამ დიდი დოზით არა, რადგან ეს უკვე წარსულია ჩემთვის. ჩემთვის საინტერესო გემოვნური თვისებები ნამდვილად არ აქვს მოლეკულურ სამზარეულოს.
- რას უნდა ელოდოს მაყურებელი კვირას "მასტერშეფში"?
- ყველაზე საინტერესო და ყველაზე დაძაბული ეპიზოდი ელოდება მაყურებელს - თან გასართობი, თან სევდიანი, სიურპრიზებითა და მოულოდნელობებით სავსე. მოკლედ, ეს ის ეპიზოდია, რომელიც არავითარ შემთხვევაში არ უნდა გამოტოვოთ!
ავტორი: მარიამ ტურძილაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
