საუდის არაბეთის რესტორნებში ქალები და მამაკაცები ერთი შესასვლელით ისარგებლებენ

საუდის არაბეთის ხელისუფლება აცხადებს, რომ რესტორნები აღარ იქნებიან ვალდებულები, ქალებისა და მამაკაცებისთვის სხვადასხვა შესასვლელი ჰქონდეთ, - ამის შესახებ ინფორმაციას „ბიბისი“ ავრცელებს.

გამოცემის ცნობით, დღემდე ქვეყნის ყველა რესტორანს ორი შესასვლელი ჰქონდა: ერთით ოჯახები და ქალები სარგებლობდნენ, მეორეთი კი - მამაკაცები. ახალი რეგულაციის თანახმად კი ცალ-ცალკე შესასვლელი სავალდებულო აღარაა და მხოლოდ რესტორნების ნებასურვილზეა დამოკიდებული.

საუდის არაბეთში ქალთა უფლებებზე ზრუნვა პრინცმა მუჰამედ ბენ სალმანმა დაიწყო. ქალებს მანქანის მართვისა და დამოუკიდებლად მოგზაურობის უფლება მისცეს. მუჰამედ ბენ სალმანის რეფორმებს საერთაშორისო საზოგადოება მიესალმება, თუმცა ქვეყნის შიგნით ბევრი მოწინააღმდეგე ჰყავს.

• საუდის არაბეთში ქალებს უფლება მიეცათ საზღვარგარეთ მამაკაცის თანხმობის გარეშე წავიდნენ
• არაბი ქალი აბაიას გარეშე - მისი დანახვა ქუჩაში ხალხისთვის შოკისმომგვრელი აღმოჩნდა