მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნამდვილი ექიმისთვის საზღვრები არ არსებობს... მათ ომშიც არ ესვრიან" - რას წერენ ოსები ვაჟა გაფრინდაშვილის დაკავებაზე
10:06 / 17-11-2019
რუსი სამხედროების მიერ 9 ნოემბერს დაკავებული ქართველი ექიმის ვაჟა გაფრინდაშვილის ბედი ჯერ კიდევ უცნობია. რამდენიმე დღის წინ გავრცელებული ინფორმაციის თანახმად, მას ორთვიანი წინასწარი პატიმრობა მიუსაჯეს.
ახლობლების ცნობით, ვაჟა გაფრინდაშვილი 9 ნოემბერს თბილისიდან საკუთარი მანქანით, კოლეგებთან ერთად გორისკენ გაემგზავრა. ე.წ. გამყოფ ზოლამდე მისული მანქანიდან გადმოვიდა, კოლეგებს კი თბილისში დაბრუნება ურჩია და თავად რუსების მიერ კონტროლირებად ტერიტორიაზე გადავიდა. რამდენიმე სააათში კი მეუღლეს მისი დაკავების შესახებ ამცნო.
გორის სამედიცინო ცენტრის ექიმი დავით ღვინიაშვილი აცხადებს, რომ ცხინვალის იზოლატორიდან 15 ნოემბერს გათავისუფლებული მოქალაქეების ინფორმაციით, რუსი სამხედროების მიერ დაკავებული ქართველი ექიმი ვაჟა გაფრინდაშვილი “საზღვრის კვეთას” არ აღიარებს და ამბობს, რომ დღემდე საქართველოს ტერიორიაზე იმყოფება. ღვინიაშვილის თქმით, მას ამის შესახებ იმ ადამიანებმა უამბეს, ვისაც ცხინვალის იზოლატორში გარკვეული პერიოდით ყოფნა მოუწია.
თავიდან გავრცელდა ინფორმაცია, რომ ქართველი ექიმი, რამდენიმე ხნის წინ ჭაში ჩავარდნილი ქალის, თამარ გიგაურის დასახმარებლად მიდიოდა. ახალგორელი სამოქალაქო აქტივისტის, თამარ მეარაყიშვილი ცნობით, გიგაური ცხინვალის ე.წ. რესპუბლიკურ საავადმყოფოში იმყოფებოდა, მკურნალობა ჩაუტარეს, რამდენიმე დღის შემდეგ გამოწერეს, თუმცა, ძალიან მალე ჯანმრთელობის მდგომარეობა დამძიმდა...
გიგაურის ოჯახის წევრების ცნობით, გავრცელებული ინფორმაცია იმის შესახებ, რომ ექიმი ვაჟა გაფრინდაშვილი თბილისიდან ახალგორის რაიონში მათთან ჩადიოდა, მათთვის მოულოდნელი იყო, რადგან ამის შესახებ არაფერი იცოდნენ.
გიგაურის ნათესავების ცნობით, "ოსურ ხელისუფლებასთან" პაციენტის თბილისში ტრანსპორტირების საკითხზე მოლაპარაკებები ამ ეტაპზეც მიმდინარეობს.
ის, რომ ახალგორის რაიონში ყველა სფეროში მძიმე ვითარებაა, როგორც ქართული, ასევე, ოსური მხარისთვის ცნობილია. ოსური მხარე, წნელისთან გახსნილი საგუშაგოს გაუქმებას ითხოვს. არსებული ინფორმაციით, ოსური "მილიციის" წარმომადგენლებმა რაიონში ჩარჩენილ მოხუცებს უთხრეს, რომ საქართველოს სახელმწიფოსგან საგუშაგოს გაუქმება მოითხოვონ და პრობლემაც მოგვარდება.
ქართველი ექიმის დაკავების ფაქტმა თავად ოსურ მოსახლეობაშიც აზრთა სხვადასხვაობა გამოიწვია. ერთი ნაწილის თქმით, "თუ ქართველმა ექიმმა მართლა შეგნებულად გადაკვეთა საზღვარი, მან ამაზე პასუხი უნდა აგოს, რადგან ქართველებს დღემდე ოსური კანონმდებლობის აღიარება არ უნდათ, რაც ორივე მხარეს ჯანსაღი ურთიერთობის ჩამოყალიბებაში ხელს უშლის".
არიან ისეთები, ვისი გულისწყრომაც ქართველი პაციენტის ოჯახის წევრებისკენ არის მიმართული.
"თუ მას ცხინვალის საავადმყოფოდან გამოწერის შემდეგ, მკურნალობის გაგრძელება სჭირდებოდა, შეეძლო ეს ახალგორის საავადმყოფოში გაეკეთებინა. თუმცა, ქართველებს მაინც თბილისისკენ უჭირავთ თვალი. ჩვენს ექიმებს აღარ ენდობიან და აღარც ჩვენი სამედიცინო მომსახურებით სარგებლობენ... ეს რეალობა უნდა შეიცვალოს" - წერენ ოსები სოციალურ ქსელში.
"ძნელია ქართველი ექიმის გამბედაობა არ დააფასო. ნამდვილი ექიმისთვის საზღვრები არ არსებობს. მათ ომშიც არ ესვრიან... გადაახდევინონ ჯარიმა და გაუშვან, ერთხელ ხომ შეიძლება კავკასიური ღირსებით მივიღოთ გადაწყვეტილება... ცხინვალის იზოლატორის სისასტიკეებზე ყველასთვის ცნობილია, ეს იცოდა ქართველმა ექიმმაც, თუმცა ქართველი პაციენტი მაინც გაიმეტა... რამდენჯერმე წავიკითხე გაფრინაშვილზე ნიუსები, ერთი-ორი ასეთი სპეციალისტი არ გვაწყენდა. აქ როგორც კი რამეს ისწავლიან, ვლადიკივკაზში ან რუსეთის რომელიმე ქალაქში გარბიან" - წერს ინტერნეტმომხმარებელი ანია იანოვსკაია.
"რაც უნდა ვთქვათ, ისინი ჩვენს ავადმყოფებს უფასოდ მკურნალობენ და საკმაოდ ბევრი ადამიანი გადაარჩინეს, რატომ არასდროს გვახსენდება ეს. თუ არაფერი გვინდა მათგან, მაშინ ნურც პაციენტებს გავუშვებთ და ჩვენმა სახელმწიფომ უზრუნველყოს, ან რუსეთში გაუშვას. როდემდე ეს ორმაგი სტანდარტები?.." - წერს კიდევ ერთი ინტერნეტმომხმარებელი, ფსევდონიმით "ცხინვალელი ოსი".
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა, რას ამბობენ ოსები, ეს მიწა მათია? რატომ არ გაყრიან და არ იცხოვრებნ ისე, როგორც ბათუმში ამ ქუთაისში ცხოვრობენ, ჩვემს გარშემო იმდენი ოსები არიან, იმიტომ რუსმა ჩვენ მიწაზე იბოგინოს უნდა შეუძვრნენ მათ? რუსები გვჯობიან?
ხოდა აგერ ახლა ამდენი ხალხი რომ იკრიბება პარლამენტის წინ, ყველა ერთად რომ დაიძრას ცხინვალისკენ, აიღებენ ცხინვალს. მეც შემოგიერთდებოდით სიამოვნებით