ნარკოტიკის მოხმარებისთვის პოლიციელი დააკავეს - შსს განცხადებას ავრცელებს

ნარკოტიკული საშუალებების მოხმარების ფაქტზე შსს-მ პოლიციის თანამშრომელი ჰ.მ. დააკავა. სამინისტროს ინფორმაციით, საქართველოს გენერალურ პროკურატურაში დაიწყო გამოძიება, ნარკოტიკული საშუალებების უკანონო შენახვის ფაქტზე, საქართველოს სისხლის სამართლის კოდექსის 260-ე მუხლის 1-ლი ნაწილით.

7 ოქტომბერს ჰ.მ.-ს ბრალი წარედგინა სსკ-ის 260-ე მუხლის 1-ლი ნაწილით და 236-ე მუხლის მე-3 ნაწილით, თბილისის საქალაქო სასამართლომ ბრალდებულს აღკვეთის ღონისძიების სახით საპატიმრო გირაო შეუფარდა.

დაკავებული პოლიციელი ჩადენილ დანაშაულს აღიარებს.

საქმეზე გრძელდება საგამოძიებო და საპროცესო მოქმედებები.