განსხვავებული საფესტივალო სივრცე და მსოფლიოში აღიარებული არტისტები ყაზბეგში: „Mountain Set: Kazbegi“

მუსიკალური ფესტივალი Mountain Set: Kazbegi 3 დღის განმავლობაში გაგრძელდება და ის ყაზბეგში, სტეფანწმინდაში ჩატარდება. ორგანიზატორები სტუმრებს განსხვავებულ საფესტივალო გარემოს სთავაზობენ, იქნება ორი სცენა და სასემინარო სივრცე, სადაც 29 ივნისს შეხვედრების სემინარის სტუმარი იქნება Sandra Kowalskii თემით - „თანამედროვე პროვოკაციული ხატვა და ეროტიკა ხელოვნების სტილში“. 30 ივნისს კი ადგილობრივი მუსიკოსი Kordz [ალექსანდრე კორძაია] თემით - „ლაივ სეტი და მუსიკის პროდუქციის მეთოდები Ableton Live-ში“.

ფესტივალის ორგანიზატორები სტუმრებს საცხოვრებელი ადგილით სრულად უზრუნველყოფენ, იქნება კარვები და კოტეჯები კვებით, სამი დღის განმავლობაში.

გარდა ამისა, კეთდება კვების სხვადასხვა ზონები, მოსასვენებელი ადგილები და ბევრი გასართობი აქტივობა.

რაც შეეხება სტუმრების ტრასპორტირებას, ფესტივალი თავად უზრუვნელყოფს და შეკრების ადგილი მოგვიანებით გახდება ცნობილი.

Mountain Set: Kazbegi- ის პარტნიორი კომპანიაა Mixmag, რომელიც წარმოგიდგენთ ონლაინ ტრანსლაციას ფესტივალის მთავარი სცენიდან.

რაც შეეხება არტისტებს, 3 დღის განმავლობაში ფესტივალზე დაუკრავენ:

28 ივნისი:

Boston 168 [Live] | Keith Carnal | Kmyle [Live] | Blicz | DWIG [Live] | Levi Love Disco | Gabunia | Rati | L8 | Toke | Kdema

29 ივნისი:

Function | Ulwhednar [Anthony Linell / Abdulla Rashim + Varg] [Live] | Restive Plaggona [Live] | Schwefelgelb [Live] | Yanamaste | Newa | Matthieu Faubourg | Dasha Zet | Objector Trax B2B Lilith. | Hamatsuki | Sevda | Cosmic Love Rotation | Digital Groove Affair | Kote Japaridze | Mercurrio | Kvanchi

30 ივნისი:

Fabrizio Lapiana | SID & Eddy / Schwefelgelb | Blicz | CaotiČalm | Berika / Spacejam 92 | Gio Shengelia | Autumn Tree | Ash Scholem | Generali Minerali | Sumo | Ericsson | HERU | Tade | Audio Space | Nitrox

Boston 168

- ორი იტალიელი პროდიუსერის, ტურინელი Sergio Pace-ს და Vincenzo Ferramosca-ს მუსიკალური პროექტია, რომლის სადებიუტო "The Drill" EP 2014 წელს, ლეიბლ „Old and Young“-ზე გამოვიდა, ლეიბლზე რომლის თანადამფუძნებლებიც თავადვე იყვნენ 2010 წელს. პირველივე რელიზში ნათელი გახდა, რომ დუო განსაკუთრებულ აქცენტს ანალოგ ინსტრუმენტებსა და მისგან მიღებულ ჟღერადობაზე აკეთებდა. 80-იანი წლების ფსიქოდელიური საუნდი და ეისიდ ტექნოს ტალღა Sergio Pace და Vincenzo Ferramosca-ს მუსიკალურ გემოვნებაზე მნიშვნელოვნად აისახა, რასაც ადასტურებს მათი ყოველი კომპოზიცია. ჯგუფის წევრები ხშირად აღნიშნავენ, რომ უნდათ ესიდ ჟღერადობა მათი მუსიკის ერთ-ერთი მთავარი სამარკო ნიშანი იყო, რაც მსმენელისთვის ისედაც ადვილად შესამჩნევია.

Function იგივე Dave Sumner, ანდერგრაუნდ ტექნო სცენის აღიარებული და გავლენიანი ფიგურა, კლუბების BASSIANI და Berghain / Panorama Bar-ის რეზიდენტი, Ostgut Ton-ის ოჯახის წევრი, თანამედროვეობის ყველაზე გამორჩეული ლეიბლის Infrastructure New York-ის დამაარსებელი. ბრუკლინელი პროდიუსერის მუსიკალური კარიერა 20 წელზე მეტს ითვლის. Regis-თან და Silent Servant (Official)-თან ერთად წარმოადგენდა ლეგენდარულლ კოლექტივს - Sandwel District.

Keith Carnal თანამედროვე ტექნო სცენის ერთ-ერთი უმნიშვნელოვანესი და გამორჩეული ჰოლანდიელი DJ და პროდიუსერი. მისი ტრეკები, როგორებიცაა: Analysis, Prospect და Untold გამოიცა JOACHIM SPIETH-ის ლეიბლ AFFIN-ზე და მასიური გამოხმაურება მოჰყვა თანამედროვე არტისტებისგან. Keith-ზე დიდი გავლენა მოახდინეს არტისტებმა: Kraftwerk, New Order, Donna Summer, Toto და Dire Straits. მისი სტილი ხასიათდება, როგორც მასიური ბასის, ჩამთრევი მელოდიებისა და ენერგიული,ანდენგრაუნდ ჟღერადობის კომბინაცია.

ANTHONY LINEL იგივე ABDULLA RASHIM

ის იშვიათი არტისტია, რომელსაც ლეიბლ NORTHERN ELECTRONICS-თან ერთად BASSIANI-ს ხუთწლიანი ისტორიის ყველა ეტაპზე კლუბის იდენტობის განსაზღვრაში თავისი მნიშვნელოვანი წვლილი შეჰქონდა. NORTHERN ELECTRONICS-ის მთავარი პლატფორმაა, სადაც LINEL-ის მუსიკალური პრიორიტეტები ყველაზე კარგად გამოიკვეთა. VARG-თან ერთად დაარსებული ლეიბლი ტექნოს და ექსპერიმენტული ელექტრონული ჟღერადობის გადაკვეთის წერტილებზე ორიენტირდება და ეს ზუსტად ის სივრცეა, სადაც შვედი არტისტი თავს ყველაზე კომფორტულად გრძნობს.

ACRONYM, KORRIDOR, DORISBURG, THE EMPIRE LINE და სხვა საინტერესო მუსიკოსების დამსახურებით NORTHERN ELECTRONICS ელექტრონული მუსიკის მოწინავე პლატფორმად იქცა, რომელიც წლების განმავლობაში BASSIANI-ს ხშირი სტუმარიც გახდა.

Schwefelgelb

2004 წელს დაარსებული გერმანული EBM/ტექნო პროექტი. თავდაპირველად Schwefelgelb-ში 4 ადამიანი იყო გაერთიანებული (Sid, Eddy, Hal, Nyx), მაგრამ დღეისათვის პროექტი ორი წევრისაგან შედგება (Sid და Eddy). მიუხედავად იმისა, რომ პროექტს შთამბეჭდავი 3 LP და 10 EP აქვს გამოქვეყნებული, მათ ტექნო სცენაზე აღიარება მხოლოდ 2016 წელს მოიპოვეს, როდესაც გერმანულ ლეიბლ Fleisch-ზე 2 EP გამოსცეს, ხოლო “Bis Zum Nächsten Tag” პროექტის აღზევების სიმბოლო გახდა, როგორც მათი ნამუშევარი, ისე KHIDI-ს რეზიდენტის Phase Fatale-ის რემიქსი უმალვე სხვადასხვა ჩარტებსა და DJ სეტებში მოხვდა.

VARG არა მხოლოდ NORTHERN ELECTRONICS არამედ მთლიანად ელექტრონული მუსიკის სივრცისთვის საკვანძო პროდიუსერია. მისი შემოქმედებითი მრავალფეროვნება და პროდუქტიულობა, რომელიც უამრავ საინტერესო პროექტსა თუ ჩანაწერში გამოიხატება, მთავარი მიზეზია, რის გამოც VARG- ისგან ყოველწლიურად რაღაც მნიშვნელოვანს ველით. უკანასკნელი 5 წლის მანძილზე მას დაახლოებით 25 ჩანაწერი აქვს გამოცემული, მათ შორის ისეთ ლეიბლებზეც, როგორებიცაა FIELD RECORDS, OPAL TAPES, SEMANTICA, POSH ISOLATION. მშობლიურ პლატფორმა გამოცემულ კრებულებს შორის აღსანიშნავია კასეტაზე ჩაწერილი ალბომი “ჟინვალი”, რომელიც საქართველოში მიღებული კულტურული გამოცდილებით არის შთაგონებული. მისი დისკოგრაფიისთვის დამახასიათებელია ექსპერიმენტული და ხისტი მიდგომა, რომელიც როგორც ემბიენტ ტექნო ჩანაწერებში, ასევე უფრო მეტად საცეკვაო ორიენტაციის კომპოზიციებშიც ნათლად იკითხება.