17
აპრილიდღის ზოგადი ასტროლოგიური პროგნოზი
ინტერნეტით ვრცელდება სათვალთვალო კამერების ჩანაწერი, სადაც ჩანს, როგორ ლოცულობს შრი-ლანკელი ტერორისტი, რამდენიმე საათის შემდეგ კი მან თავი აიფეთქა.
კადრებში 34 წლის მოჰამედ ნასარ მოჰამედ აზარი ჩანს. ის ლოცულობს, შემდეგ ტელეფონით მოკლე ტექსტურ შეტყობინებებს გზავნის და რამდენიმე საათში ბატიკალოაში მდებარე ეკლესიაში თავს იფეთქებს.
აზარის მიერ აფეთქებულმა ბომბმა 28 ადამიანი მოკლა, 70-ზე მეტი კი დაჭრა.
სათვალთვალო კამერებიდან ამოღებული ჩანაწერები Sky News-მა მოიპოვა. ტერორისტი იმ ეკლესიასთან ახლოს მდებარე მეჩეთში ლოცულობს, სადაც რამდენიმე საათის შემდეგ მან სასაკლაო მოაწყო.
ლოცვის შემდეგ 2 საათის განმავლობაში აზარი ეკლესიასთან ახლოს დადის და ტელეფონს ამოწმებს. ეკლესიაში შესვლამდე და სიკვდილამდე რამდენიმე წუთით ადრე აზარმა ტელეფონი კვლავ აიღო და ბოლო მოკლე ტექსტური შეტყობინება გააგზავნა.
ტერაქტმა შრი-ლანკაში ასობით ადამიანი იმხვერპლა. თავდაპირველი მონაცემებით, გარდაცვლილთა რაოდენობა 300-ზე მეტი იყო, თუმცა მოგვიანებით სამართალდამცველებმა განაცხადეს, რომ ტერორისტული აქტების შედეგად მსხვერპლთა რაოდენობამ 253 შეადგინა, 500-ზე მეტი კი დაშავდა.
