მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აფხაზეთში ნავთობს ეძებენ - "ისე გადაბურღავენ აქაურობას, რუსიც აღარ მოისურვებს დასასვენებლად ჩამოსვლას..."
13:45 / 20-02-2019
აფხაზეთის მოსახლეობა ახალი დილემის წინაშე დგას - ბოლო ხანებია ვრცელდება ინფორმაცია იმაზე, არის თუ არა რეგიონის ტერიტორიაზე ნავთობი. abkhaz-auto.ru დმიტრი სტატიენოვის მიერ მომზადებულ სტატიაზე დაყრდნობით წერს, რომ აფხაზეთში ნავთობის მოპოვებაზე საუბარი ჯერ კიდევ 80-იანი წლების დასაწყისში მიმდინარეობდა და პროექტიც შეიქმნა, რომლის ფარგლებშიც აფხაზეთის სანაპიროზე 22 ჭაბურღილი გათხარეს...
რეგიონის მოსახლოება შიშით უყურებს ინიციატივას, რადგან დარწმუნებულია, რომ ნავთობის აღმოჩენის შემთხვევაში, მის მოპოვებას ადგილობრივი რესურსებით ვერ შეძლებენ, ეს აუცილებლად რუსეთის დახმარებით უნდა მოხდეს რაც პირდაპირ ნიშნავს, რომ აფხაზეთი მხოლოდ უმნიშვნელო სარგებელს ნახავს. "დაზვერვით" და სიტუაციის შესწავლით სამუშაოებს "Роснефть"-თან ერთად, "Апсны-ойл" აწარმოებს, თუმცა, ადგილობრივი მოსახლეობის თქმით, ეს პრაქტიკულად ფორმალური მხარეა, რადგან აბსოლუტურად არაკონკურენტულ გარემოში რაიმე განსაკუთრებული მუშაობა არც ერთ კომპანიას არ სჭირდება.
ადგილობრივების ერთი ნაწილი მიიჩნევს, რომ პროექტის განხორციელება სასიცოცხლოდ მნიშვნელოვანია, თუმცა, სხვებისთვის ეს ეკოლოგიურ კატასტროფასთან ასოცირდება, რადგან ნავთობის მოპოვებაზე კონტროლი კი არა, უკონტროლო თევზჭერამ არაერთი პროტესტისა და აქციის მიუხედავად, წარმოუდგენელი მასშტაბები მიიღო.
აფხაზი უხუცესების თქმით, საბჭოთა წლებში არსებობდა ინფორმაცია იმაზე, რომ ტყვარჩელის რაიონის სოფელ ოქუმში, 2 900 მეტრის სიღრმეზე კარგი ხარისხის ნავთობი აღმოაჩინეს. ჭაბურღილის სამუშაოებიც დაიწყო, თუმცა პროექტის გაგრძელება 90-იან წლებში დაწყებული ომის გამო ვერ გაგრძელდა.
2010 წელს აფხაზეთში ნავთობის მოპოვება ისევ აქტულური გახდა, მაგრამ მაშინდელმა ე.წ. პარლამენტმა საკითხი ეკოლოგიური რისკების გამო ჩააგდო და რუსული და აფხაზური მხარეების მიერ ხელმოწერილი შეთანხმება რამდენიმე წლით შეჩერდა.
მიმდინარე წელს საკითხი რუსეთის და კონკრეტულად მისი ინტერესების გამტარებელი პოლიტიკოსების მონდომებით, ისევ აქტუალური გახდა. აფხაზური მედიის ცნობით, რეგიონში იმდენად მძიმე სოციალური ფონია, შესაძლოა, ვიღაცას მართლა სჯეროდეს, რომ ეს პროექტი "ქვეყანას სასიკეთო ცვლილებებს მოუტანს, რადგან უკვე დასაკარგი არაფერი აქვთ", თუმცა, ვიღაცები ნავთობის მოპოვების შესაძლებობას ეჭვის თვალით უყურებენ და არც თუ უსაფუძვლოდ.
საკითხის საბოლოო განხილვაზე სიტყვა ითხოვა აფხაზეთის ე.წ. დეპუტატმა და "ექს პრეზიდენტმა" ალექსანდრე ანქვაბმა. "რკინის ალიკას" თქმით, რომელსაც გამოცემა ekhokavkaza.com ავრცელებს, ის საბჭოთა წლებიდან მაღალ თანამდებობაზე იყო და შესაბამისად საკმაოდ ვრცელ ინფორმაციას ფლობს ნავთობის საბადოსთან დაკავშირებით. ანქვაბის თქმით, შეუძლია გარკვეული დახმარება გაუწიოს კომისიას, რომელიც ამ მიმართულებით აპირებს მუშაობას.
საკითხის განხილვაში მონაწილეობდნენ: ყოფილი ე.წ. პრემიერ-მინისტრი ვალერი ბგანბა, "პრეზიდენტის" ადმინისტრაციის უფროსი ბესლან ბარციცი, ე.წ. წარმომადგენელი დმიტრი შამბა, "ეკონომიკის მინისტრი" ადგურ არძინბა და ყოფილი "მინისტრი" დავიდ იროდიანი. ასევე, ეკოლოგიის ინსტიტუტის "დირექტორი" რომან დბარი და სხვები. რამდენიმე დეპუტატის გარდა, არც ერთ მათგანს, პროექტის მიმართ პროტესტი არ გამოუხატავს.
მოსახლეობა ნავთობის მოპოვებას და შემდეგ მის რეალაზიციას ეჭვით უყურებს.
"ეს არის პროექტი, რომელსაც ძალიან ბევრი კითხვის ნიშანი ახლავს თან, თუნდაც იმიტომ, რომ ხელის გულზე გვიდევს არაერთი საკურორტო სეზონის ჩავარდნის მაგალითი. მიუხედავად იმისა, რომ სამხრეთ კავკასიის რეგიონში ლამის ყველაზე უკეთესი ზღვა, პლაჟი, მთა, ჰაერი და სხვა ბუნებრივი პირობები გვაქვს, ეს სფერო მაინც ვერ განვითარდა, რადგან სახელმწიფო ინსტიტუტები ვერ მუშაობენ" - წერს ირაკლი სალია.
"ყველგან კორუფციაა: გზებზე ამდენი ადამიანი იხოცება და მაინც ქრთამით გასცემენ მართვის მოწმობას, საგზაო წესებს არავინ იცავს და "გაი" ფულს იღებს; ნარკორეალიზატორებს იჭერენ, ფულს ართმევენ და შემდეგ ისევ ქუჩაში უშვებენ - ამის მერე როგორ მჯეროდეს, რომ ნავთობის მოპოვება სამართლიანად, მოწესრიგებულად მოხდება და სირიას არ დავემსგავსებით?! მგონი, ისე გადაბურღავენ აქაურობას, ის რამდენიმე ათასი რუსიც აღარ მოისურვებს აქ დასასვენებლად ჩამოსვლას" - წერს მერი სადიოღლი.
"საქმე ის არის, რომ ჩვენ ერთიანი აზრი არასდროს გვაქვს - სოციალურ სივრცეში ყველა აპროტესტებდა ამ პროექტს, მაგრამ აქციაზე რამდენიმე ადამიანი და მილიციის ათამდე თანამშრომელი მივიდა. ეს კარგად იციან დაინტერესებულმა მხარეებმა და შესანიშნავადაც იყენებენ. დიახ, ასეთი სახის პროექტი სარისკოა ნებისმიერი ხელისუფლებისთვის, თუმცა, არა იმდენად, რომ მისი ჩავარდნის ან ჩარევისგან გამოწვეული პრობლემის შემთხვევაში მოსახლეობის წინაშე პასუხისმგებლობას გრძნობდეს" - წერს ვალენტინ ვოლკოგონივი.
"ასეთ საკითხებს წესით რეფერენდუმით უნდა წყვეტდნენ. ეს არის ქვეყანა, სადაც ავადმყოფი ცუდად გახდომის შემთხვევაში აქაურ ექიმთან არ მიდის, რადგან არ ენდობა - სამკურნალოდ მეგობრების რჩევას ითვალისწინებს ან ქვეყნიდან მიდის და ვინმეს წარმოუდგენია, რომ აქ ნავთობს მოიპოვებენ და ამით ეკონომიკას უშველიან?" - წერს ერთ-ერთი ადგილობრივი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
