სელინ დიონის წონამ ინტერნეტი შეაშფოთა, თუმცა თავად ამბობს, რომ თავს სექსუალურად მიიჩნევს

ბოლო პერიოდის განმავლობაში სელინ დიონი მედიის ყურადღების ცენტრში გარეგნობის გამო არაერთხელ მოექცა. კანადელი მომღერალი მოდის რამდენიმე ჩვენებას დაესწრო, მისმა სიგამხდრემ კი მედიის და სოციალური ქსელების მომხმარებლების ყურადღება მიიქცია.

„ტვიტერსა“ და „ფეისბუქზე“ ღელავენ, რომ მომღერალი თავს კარგად არ გრძნობს, რადგან მისი წონა ნორმაზე ბევრად ნაკლებია.

CNN კი წერს, რომ დიონი თავს არაჩვეულებრივად გრძნობს და სულაც არ სწუხს, თუ მისი წონა ვინმეს არ მოსწონს. მომღერალი 50 წლისაა და ცდილობს, იპოვოს სტილი, რომელშიც თავს ყველაზე კარგად იგრძნობს.

„ამას ჩემთვის ვაკეთებ, მინდა, თავი ვიგრძნო ძლიერად, ლამაზად და სექსუალურად,“ - ამბობს დიონი, მათ კი, ვისაც მისი გარეგნობა არ მოსწონს, მოუწოდებს, „თავი გაანებონ“.

სელინის ქმარი, რელე ანჯელილი, რომელთანაც მუსიკოსი 20 წელზე მეტ ხანს ცხოვრობდა, 2016 წელს 73 წლის ასაკში გარდაიცვალა. ახლა კი დიონი ხშირად ჩნდება 34 წლის მოცეკვავე პეპე მუნოზთან ერთად და გაჩნდა ინფორმაცია, რომ მათ შორის რომანია.

თავად მუსიკოსი კი ამტკიცებს, რომ ის და პეპე საუკეთესო მეგობრები არიან.