მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისში პიკასოს "დონ კიხოტის" ორიგინალი ინახება?
09:42 / 20-12-2018
თბილისში შესაძლოა პაბლო პიკასოს ცნობილი ნამუშევარი "დონ კიხოტი" ინახებოდეს. ნახატი 1955 წელს არის შექმნილი და "დონ კიხოტის" გამოცემის 350 წლისთავს მიეძღვნა. იგი მხატვარს ფრანგული ყოველკვირეული სალიტერატურო ჟურნალისთვის (Les Lettres Francase) ცნობილმა პროზაიკოსმა და პოეტმა ლუი არაგონმა შეუკვეთა, რომელიც იმ დროისთვის აღნიშნული გაზეთის რედაქტორი იყო. გაზეთის ეს ნომერი სერვანტესის შემოქმედებას დაეთმო, ბოლო გვერდზე კი პიკასოს ცნობილი ნახატი დაიბეჭდა. გრაფიკული ნამუშევარი მალე ძალიან პოპულარული გახდა, ორიგინალი კი დაიკარგა...
სწორედ ეს ნახატი, შესაძლოა თბილისში ინახებოდეს. ამის შესახებ ეჭვი ხელოვნებათმცოდნე დალი ლებანიძეს წლების წინ გაუჩნდა. ამ საინტერესო შემთხვევის შესახებ, ხელოვნებათმცოდნე AMBEBI.GE-ს მკითხველს უამბობს:
- 15 წლის განმავლობაში კულტურის სამინისტროში ექსპერტის თანამდებობაზე ვმუშაობდი, ხელოვნების დარგში. სამი ადამიანი ვმუშაობდით, ნამუშევრებს ვამოწმებდით, მათ რეალობას, ორიგინალობას და ასე შემდეგ... საქართველოში ექსპერტიზის პრობლემა ძალიან რთულად დგას. არ გვაქვს ლაბორატორია, ქიმიური ანალიზი, მაგრამ არსებობს სტილისტიკური ანალიზი და ჯერჯერობით სავალალო შეცდომები არ დაგვიშვია...
რამდენიმე წლის წინ ჩემმა ახლობელმა ნახატის გასაცნობად მიმიწვია... მას კედელზე ჰქონდა დაკიდებული პიკასოს "სანჩო პანსა და დონ კიხოტი", პიკასოს ხელმოწერით, დათარიღებით და ასე შემდეგ... ეს არის საყოველთაოდ ცნობილი, გრაფიკული ნამუშევარი... ახლობელს ამ სურათის ავკარგიანობა აინტერესებდა, ვინაიდან მას დიდ ხნის წინ ის საჩუქრად საფრანგეთიდან ერგო. როდესაც ნახატი დავათვალიერე, ძალიან დამაფიქრა: მე მინახავს ძალიან ბევრი ანაბეჭდი, მაგრამ არცერთი მათგანი არ იყო ისეთი ლურჯი, როგორიც მასთან ვნახე. ქაღალდიც არის ძალიან ძველი და ისეთი, მეცხრამეტე საუკუნის ბოლოს და მეოცე საუკუნის დასაწყისში რომ იყიდებოდა საფრანგეთში...
არის ბრწყინვალედ შექმნილი გრავიურა, ლითოგრაფია... მოგეხსენებათ ლითოგრაფია ქვაზე საღებავით და ფუნჯით იქმნება. შემდეგ ქვიდან კეთდება ანაბეჭდები და ძალიან ბევრი ანაბეჭდი შეიძლება გაკეთდეს. ამდენად მნიშვნელოვანია იმ ქვის აღმოჩენა, რომელზეც შესრულებულია. ის არის ღირებული, რადგან ადასტურებს რომ ორიგინალია... მქონდა ვერსია, ხომ არ იყო ხელით შესრულებული, ორიგინალი ლითოგრაფია... მოთხოვნა საფრანგეთში გავგზავნეთ პიკასოს ცენტრში და როგორც აგვიხსნეს, ლითოგრაფიის ორიგინალი არსად არ არსებობს. ამდენად, ვერსიას, რომ ეს ნახატი შესაძლოა ორიგინალი იყოს, არსებობის უფლება აქვს.
- ნამდვილობის ან ანაბეჭდის დამადასტურებელი კიდევ რა საფუძვლები არსებობს?
- ნახატზე არის რამდენიმე წინწკალი... ანაბეჭდი რომ კეთდება, ფუნჯის მოსმის დროს შეიძლება შეიპაროს მტვრის ნამცეცი და დარჩეს. ანაბეჭდის დროს ეს დამახასიათებელია... ყველანაირად თავი რომ დავიზღვიოთ და სულელებად არ წარმოვჩნდეთ, მაინც ვფიქრობთ, რომ ეს არის ანაბეჭდი, რომელიც ასეთი ლურჯი ფერით არსად არ შეგვხვედრია. ძირითადად ყველგან არის შავ-თეთრი, თუმცა რა ფერსაც ვისურვებთ, იმ ფერს დავბეჭდავთ და ეს არანაირი პრობლემა არ არის. უბრალოდ, ძირითადად შავ-თეთრი იბეჭდება.
რაც შეეხება ნამდვილობის ვერსიას, ერთი რამ იყო ნახატზე საგულისხმო: ნახატი ძალიან ჰგავს ფლომასტერით შესრულებულს. სწორედ იმ პერიოდში - 1940-იან წლებში ფლომასტერის გამოშვება იწყება, პირველი ფლომასტერები მაშინ ჩნდება და პიკასო ფლომასტერს ნახატში აქტიურად იყენებდა. რა თქმა უნდა, ეს ყველაფერი ვერსიებად რჩება. დამადასტურებელი საბუთი არ არსებობს - ანაბეჭდია თუ ხელით შესრულებული. ეს თუ პიკასოს ცენტრმა არ დაგიმტკიცა, აქ ვერაფერს დავამტკიცებთ.
თუმცა, ეს ნამუშევარი არის შესანიშნავი და თავის არსებობით კითხვებს ბადებს! არ არსებობს პიკასოს ნამუშევრს დედანი, არსებობს ანაბეჭდები. ნახატი არის საქართველოში და ჩვენ დავინტერესდით ანაბეჭდია ეს თუ მისი ხელით შესრულებული?! ჯერჯერობით შევთანხმდით რომ ეს არის ანაბეჭდი, ოღონდ საფრანგეთში შესრულებული. ის, რომ საფრანგეთში შესრულებულია, ამის თქმა გადაჭრით შეიძლება!
თუ გიოცნებიათ შეაგროვოთ მსოფლიოში აღიარებული უდიდესი მხატვრების ტილოების კოლექცია, უკვე შეძლებთ ოცნების ახდენას! თქვენ მიიღებთ ორიგინალთან მიახლოებულ ანალოგს, რომელიც სპეციალურად შექმნილი უნიკალური ტექნოლოგიით იბეჭდება მაღალი ხარისხის ტილოზე და გადაჭიმულია ხის ჩარჩოზე.
გადახედეთ 30 დიდი მხატვრის შემოქმედებას, შეარჩიეთ თქვენი სასურველი 12 მხატვარი, მათი ტილოები და შექმენით საკუთარი კოლექცია. მალე კი, "კვირის პალიტრის" მკითხველს ექნება შესაძლებლობა სპეციალურ ფასად შეიძინოს ყველაზე მოთხოვნადი ნახატები და შექმნას შედევრების საკუთარი კოლექცია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
