2018 წლის ყველაზე პოპულარული სახელები - ნახეთ, რა დაარქვეს ქართველმა მშობლებმა შვილებს

2017 წლის მონაცემებით, საქართველოში 53 293 ბავშვი დაიბადა. აქედან 27 658 ბიჭი, ხოლო 25 635 გოგონაა. AMBEBI.GE დაინტერესდა, რა სახელებს არქმევენ საქართველოს მოქალაქეები ახალშობილ შვილებს და ამის გასარკვევად ინფორმაცია სახელმწიფო სერვისების განვითარების სააგენტოდან გამოვითხოვეთ.

უკვე წლებია, პოპულარობას არ თმობს სახელი გიორგი - 2018 წელს ყველაზე მეტმა მშობელმა დაარქვა შვილს ეს სახელი. კონკრეტულად კი, 1 474 გიორგი დაიბადა 2018-ში.

რაც შეეხება გოგონებს, 2018 წელს დაბადებულებს შორის ყველაზე მეტი ელენე იყო - 1 214.

პოპულარულ სახელებში ასევე მოხვდა: საბა, დავითი, თომა, ილია, დაჩი, ლაზარე, იოანე, დანიელ, დავითი, ნიტა, სესილი, მართა, ემილი, ევა, ლიზი, ნატალი, სოფია, ნინი და ანამარია.