მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნიკორწმინდაში უნიკალური ნაშთები აღმოაჩინეს - "ამან შესაძლოა, ტაძრის თარიღზეც იმოქმედოს..."
12:12 / 25-09-2018
რაჭაში, ნიკორწმინდის ტაძრის სარეაბილიტაციო სამუშაოებისას (აღმოსავლეთი მკლავის სახურავი) ადრეული რელიეფის უნიკალური ნაშთები აღმოაჩინეს. ამის შესახებ ინფორმაციას კულტურული მემკვიდრეობის დაცვის სააგენტოს გენერალური დირექტორი ნიკა ანთიძე და სარეაბილიტაციო სამუშაოების ხელმძღვანელი ნანა კუპრაშვილი ავრცელებენ.
"ნიკორწმინდა... კვლავ ახალი რელიეფები და ორნამენტები ჩნდება და ჩნდება... ეს ყველაფერი არ არის" - ამ მინაწერით აქვეყნებს ფოტოებს სამხატვრო აკადემიის კონსერვაციის სამეცნიერო კვლევითი ცენტრის დირექტორი, ნიკორწმინდის ტაძრის რესტავრაციის ავტორი ნანა კუპრაშვილი. ახალი აღმოჩენის მნიშვნელობაზე AMBEBI.GE სწორედ მას ესაუბრა.
"მნიშვნელოვანია იმით, რომ კიდევ ერთი ადრეული რელიეფები აღმოჩნდა, რომელიც დუღაბის ქვეშ იყო დაფარული. რამის დადასტურებაზე ჯერ ადრეა საუბარი, რადგან სპეციალისტებმა უნდა შეისწავლონ! ეს რელიეფები სავარაუდოდ, მე-11 საუკუნისაა. სამხატვრო აკადემიის რესტავრატორთა ჯგუფი აგრძელებს მუშაობას და ახალ მასალასაც მალე მივაწვდით საზოგადოებას.
- რისი ვარაუდი შეიძლება, სანამ აღმოჩენას სპეციალისტები ძირეულად შეისწავლიან?
- ის, რომ აქამდე ჩვენთვის უცნობი, ადრეული ნიკორწმინდის რელიეფების ნახვის საშუალება მოგვეცა, ეს უკვე ბევრს ნიშნავს. დანარჩენი, როდის დაიფარა დუღაბით, როდის გადაკეთდა და გადაეწყო, ნიკორწმინდის აღმოსავლეთ მკლავი, რა ისტორიული ეტაპები გაიარა, ამას უკვე შესწავლა მოგვცემს, რასაც დრო ჭირდება…
საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი - ნიკოლოზ ანთიძე:
"დიდი მიწისძვრის შემდეგ, 1990-იანი წლებიდან მოყოლებული ამ მასშტაბის სამუშაოები ნიკორწმინდაში არ ჩატარებულა... მაშინ გვახსოვს ნიკორწმინდის გუმბათი გამაგრდა და ასე შემდეგ... ახლა ყველაზე დიდი მასშტაბური სამუშაოები მიმდინარეობს. აბსოლუტურად თავიდან ბოლომდე კეთდება რეაბილიტაცია: როგორც ქვის კონსერვაცია, სახურავის მოწყობა, იატაკი, მხატვრობა, კარების და სარკმლების სამუშაოები...
მთლიანად მოიხსნა სახურავის აღმოსავლეთის მკლავი, სადაც უნდა შევცვალოთ ახალი სახურავით და იქ აღმოჩნდა, რომ გვიან შუა საუკუნეებში ყოფილა გარკვეული გადაკეთება ტაძრის, რადგან გუმბათის ყელში აღმოჩნდა გამოსახულებები, რელიეფები, რომელიც ფრიად მნიშვნელოვანია ტაძრის ისტორიისთვის! გარკვეულწილად ადრინდელი პერიოდისას ჰგავს...
მეცნიერები დაიწყებენ ახლა შესწავლას, გამოიკვლევენ თუ რა პერიოდს შეიძლება მიესადაგოს და შესაძლებელია ამან ნიკორწმინდის თარიღზეც იმოქმედოს... პარალელურად ვმუშაობთ, როგორ მოეწყოს გადახურვა ისე, რომ ამ ადგილის ნახვა ყოველთვის იყოს შესაძლებელი. გადახურული იქნება მინით ან ისეთი მასალით, რომ ადამიანებს ყოველთვის ჰქონდეთ საშუალება, ამ უნიკალურ ნაშთს შეხედონ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
