"კოკა-კოლა" ფიქრობს, სასმელში მარიხუანა გამოიყენოს

„კოკა კოლამ“ კანაფის მწარმოებელ კომპანიასთან Aurora Cannabis Inc მოლაპარაკება დაიწყო - Coca-Cola Co გეგმავს, გამოუშვას მარიხუანაზე დამზადებული სასმელები. „როიტერსის“ ინფორმაციით, ამის შესახებ კანადური BNN Bloomberg წერს.

კომპანიების მიზანია, აწარმოონ ადამიანის ჯანმრთელობაზე გათვლილი სასმელები, რომელიც ანთებით პროცესებს, ტკივილსა და სპაზმებს შეამცირებს.

„ისევე, როგორც სხვა ბევრი კომპანია სასმელების ინდუსტრიაში, განვიხილავთ არაფსიქოაქტიური კანაბიდიოლის გამოყენებას ინგრედიენტად,“ - აღნიშნა „კოკა-კოლამ“ განცხადებაში.

„აურორაში“ კი ამბობენ, რომ კონკრეტულ წინადადებებზე საუბარს არ აპირებენ მოლაპარაკების დასრულებამდე, თუმცა აღნიშნავენ, რომ კომპანია სასმელების ბაზარზე შესვლით დაინტერესებულია.

კანადაში ოქტომბრიდან კანაფის რეკრეაციული მოხმარება ლეგალიზებული ხდება.