დიმა ბილანის ჯანმრთელობის მდგომარეობა კვლავ მძიმეა - მომღერალი თაყვანისმცემლებს მიმართავს

ბოლო პერიოდში რუსი მომღერლის, დიმა ბილანის ჯანმრთელობის მდგომარეობა მის თაყვანისმცემლებს აშფოთებს. რუსული მედია წერს, რომ ბილანმა წონაში ძალიან დაიკლო, ცოტა ხნის წინ კი ძლიერი ხველის გამო ინტერვიუს მიცემაც ვერ შეძლო. ოპტიმიზმის საფუძველს არ იძლევა ვიდეოც, რომელიც მომღერალმა თავად გადაიღო - კადრებში ჩანს, რომ ბილანი საავადმყოფოში წევს. მუსიკოსმა განაცხადა, რომ ფილტვების ანთება აქვს.

ჯანმრთელობის მდგომარეობის გაუარესების მიუხედავად, ბილანის შემოქმედებითი საქმიანობა კვლავ აქტიურია. „ინსტაგრამზე“ მან დაწერა, რომ ძალიან ბედნიერია და არაჩვეულებრივი სიახლეები აქვს. დეტალების შესახებ ბილანი არაფერს ამბობს, თუმცა თაყვანისმცემლებს ჰპირდება, რომ მალე ყველაფერს შეიტყობენ.

მომღერლის პოსტმა მისი თაყვანისმცემლები ძალიან გაახარა. ისინი აღნიშნავენ, რომ ბილანი ბევრად უკეთესად გამოიყურება და იმედი აქვთ, რომ სულ მალე გამოჯანმრთელდება.