"ქორწილში მიდიოდნენ, რა დროსაც ტრაგედია მოხდა" - ქედაში ავარიის დროს გარდაცვლილთა ვინაობა ცნობილია
Ambebi.ge-ს ინფორმაციით, ქედაში მომხდარი საზარელი ავარიის დროს სოფელ მახვილაურში მცხოვრებლები გია დოლიძე, ვაჟა და დათო დევაძეები (მამა-შვილი), თემური ფარტენაძე და ლაშა ჩოგაძე გარდაიცვალნენ. შემთხვევა, რომელსაც 5 ადამიანი ემსხვერპლა, დღეს დილით მოხდა. ერთმანეთს სატვირთო და მსუბუქი ავტომობილები შეეჯახა. სამაშველო სამსახურის წარმომადგენლებმა ხუთივე გარდაცვლილის ცხედარი თითქმის ორსაათიანი მუშაობის შემდეგ ამოიყვანეს. ცხედრები ბათუმში, პროზექტურაში გადაასვენეს. Ambebi.ge სოფელ მახვილაურის მკვიდრს ესაუბრა:
- ნამდვილად, სამწუხარო ამბავი მოხდა. ავარიის შესახებ დილით გავიგეთ. მეზობლები დაიღუპნენ. ოთხი გარდაცვლილი 50 წელს მიღწეული მამაკაცები იყვნენ. რაც შეეხება დათო დევაძეს იგი 30 წლამდე ასაკის იყო. როგორც ჩვენ ვიცით, ისინი ავტომობილით ახლობლის ქორწილში მიდიოდნენ, რა დროსაც ეს ტრაგედია მოხდა. არ ვიცით ავარიის მიზეზები, ალბათ გამოძიება დაადგენს, რა მოხდა. გარდაცვლილები წარმოშობით, ქედის სოფლებიდან ახოსა და კვაშტადან არიან.
ნახეთ ვიდეო: პირველი კადრები შემთხვევის ადგილიდან, ავარიას ხუთი ადამიანი ემსხვერპლა
შსს-მ ფაქტზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც სატრანსპორტო მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
