ახალშობილი პრინცის სახელი ცნობილი გახდა

პრინცმა უილიამმა და ქეით მიდლტონმა ახალშობილს ლუის არტურ ჩარლზი დაარქვეს, ინფორმაცია სამეფო სახლის ვებგვერდზე განთავსდა.

პატარა პრინცი ორშაბათს, დილის 11 საათზე დაიბადა. მართალია, დედამ მშობიარობიდან რამდენიმე საათში გააცნო შვილი მსოფლიოს, თუმცა მის სახელს ამ დრომდე საიდუმლოდ ტოვებდნენ.

ვიდრე სახელი საჯაროდ გახდებოდა ცნობილი, გადაწყვეტილება ქეითმა და უილიამმა დედოფალს და სამეფო ოჯახის სხვა წევრებს გააცნეს.

სამეფო გვირგვინის რიგში ახალშობილი პრინცი მეხუთეა, მან პრინცი ჰარი მეექვსე ადგილზე გადაანაცვლა.